“Nenien Kaworen Aninis ren Sarafo me Semirit,” Liahona, Feb. 2023.
Porous Ren Liahona Iteiten maram, February 2023
Nenien kaworen aninis ren Sarafo me Semirit
Sam me in ra wiseni ewe akkomwan wis ar repwe aiti nour semirit ussun Jises Kraist me An kapas allim. Ewe Mwichefenin Jises Kraist ren Aramas mi Pin non Fansoun Soponon a wor ar mwicheichen aramas, program, me ekkoch nenien kaworen aninis an epwe anisi in me sam non ar achocho. Achufengeni, in me sam, sou emwenin Mwichefen, me chiechier kewe ra tongeni anisi meinisin semirit me sarafo ar repwe feitto ren Kraist.
Sasing seni Ben Johnson
Kinter
Kinter ina ewe mwich an Mwichefen fan iten semirit ier 18 maram ngeni 11 ier. Non Kinter, semirit ra kaeo ussun Jises Kraist me An ewe kapas allim seni ekkewe nesen, kon, me mokutukutun urumot. Kinter a tongeni anisi kewe semirit ar repwe mefi an Kot tong fan iter.
Klasin Mwichen Pristut ren Aaron me Mwichen Fopun
Non January ren ei ier ekkewe semirit repwene 12 ier, repwene mwokut seni Kinter ngeni ew nein klasin mwichen Aaronik Pristut (ren at) ika mwichen Fopun (ren nengin). Non ar kewe mwich me klas, sarafo repwe sopweno ne apochokuna ar kapasen pwarata me anisi ekkoch.
Prokramin Semirit me Sarafo
Non An ierin sarafo, Jises Kraist a mamarita“ non tipachem me sufon, me pwan non chen meren Kot me aramas” (Luke 2:52). Ewe prokram ren Semirit me Sarafo a anisi ekkewe kukkun chon Mwichefen ar repwe apiru an Kraist minen apiru. Ra kaeo me marita non meinisin kinikinin manauer—non pekin ngun, nonnomun me nein aramas ika neni, non pekin inis, me ekiek.
Puken porousen Mwichefen
Ewe puken porousen ewe Mwichefen ren semirit ina ewe Friend magazine. Ren ewe Pochokunen Sarafo ina ewe puken porousen sarafo. Ekkei puken magazine a pachenong tutunap, osukun, me mokutukutun urumot ra mak fan asengesin semirit me sarafo.
Ren ewe Pochokunen Sarafo Puken Emwen
Ren ewe Pochokunen Sarafo: Ew Emwen ren Fini Mochenum osukuna sarafo ussun ekkewe ennetin kapas allim. A aitir ar repwe forata ar pungun ekiek ena epwe anisir ar repwe tapweno mwirin Jises Kraist. A pwan apachanong ponuen ekkewe kapaseis epwe wor ren ekkewe sarafo ren ifa ussun ach sipwe manaueni ewe kapas allim.
Gospel Library
Ewe Gospel Library a wor chommong minen nenien kaworen aninis, mi pachenong video, kon, tutunap non pukefel me mokutukutun urumot. A pwan apachanong nenien kaworen aninis an epwe anisi in me sam me sou emwen ne osukuna nongonongun kapas allim. Ekkei nenien kaworen aninis sia kuner me non ewe ChurchofJesusChrist.org me non ewe Gospel Library app.
Mwichen FSY
Poputa non ewe ier repwe ne winiti 14 ier, sarafo ra awora tungorun koko ar repwe fiti ewe mwichen Ren Pochokunen Sarafo (FSY). Ekkei mettoch a fis a pachenong mokutukutun urumot me klas minne epwe anisi pochokunen nuku non Jises Kraist me anisi maritan sarafo non pekin ngun, pekin nonomoch nein aramas, non pekin inis, me ekiek.
© 2023 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous ren Liahona Iteiten Maram, February 2023. Language. 18910 901