“Bwaai n Ibuobuoki ibukiia te Roronrikirake ao Ataei,” Riaona, Beberuare 2023.
Rongorongo n te Riaona ni Katoa Namakaina, Beberuare 2023
Bwaai n Ibuobuoki ibukiia te Roronrikirake ao Ataei
Iai tabeia kaaro ae moanibwai bwa a na reireiniia aia ataei taekan Iesu Kristo ao ana euangkerio. Ana Ekaretia Iesu Kristo ibukiia Aika Itiaki ni Boong aika Kaitira iai ana bootaki, burokuraem, ao bwaai n ibuobuoki tabeua ibukin buokaia kaaro n aia beku. N ikotaki, kaaro, taan kairiiri n te Ekaretia ao rao a kona ni buokiia ni kabane ataei ao naake tebwi tabun te ririki n nakon Kristo.
Tamnei iroun Ben Johnson
Moanrinan
Te moanrinan bon bootakin te Ekaretia ibukiia ataei aika a mena aia ririki imarenan 18 te namwakaina nakon 11 te ririki. N te Moanrinan, ataei a reiakina taekan Iesu Kristo ao Ana euangkerio rinanon reirei, katangitang, ao waaki ni kakukurei. Te Moanrinan e kona ni buokiia ataei n namakina ana tangira te Atua ibukiia.
Te Kooram n te Nakoanibonga ae te Aaron ao aia Kiraati Ataeinnaine
Inanon Tianuare n te ririki are e koro iai aia ririki ataei 12, a mwaing man te Moanrinan nakon aia kooram te Nakoanibonga ae te Aaron (ibukiia ataeinimwaane) ke aia kiraati Ataeinnaine (ibukiia ataeinnaine). N aia kooram ao aia kiraati, kairake a reitinako ni kakorakorai aia koaua ao a beku ibukiia tabeman.
Te Burokuraem ibukiia Ataei ao Kairake
N ana tai ni kairake Iesu Kristo e “riki rake n rabakau ma n ikawai, ma n akoaki iroun te Atua ma aomata” (Ruka 2:52). Aia burokuraem ataei ao Kairake a buokiia membwa aika kairake n te Ekaretia n iriira ana banna ni katoto Kristo. A reiakinaki ao a rikirarke n aro nako inanon maiuia—n te maiu n tamnei, ni boboibuako, n te maiu n rabwata, ao ni wanawanaia.
Ana Maekatin te Ekaretia
Ana Maekatiin te Ekaretia ibukiia ataei bon te Rao maekatiin. Ibukin Kakorakoraia Kairake bon te maekatiin tii ibukiia kairake. Maekatiin aikai a kairii karaki, reirei, ao waaki ni kakukurei ake a koreaki ni kaonotaki ibukiia ataei ao ake tebwi tabun te ririki.
Ibukin Kakorakoraia Kairake Boki ni Kairi
Ibukin Kakorakoraia Kairake: Te Boki ni Kairi ibukin Karaoan Rinerine e reireiniia kairake taekan koaua n te euangkeriro. E reireiniia aroia ni karaoi babaire ake a na buokiia n iriira Iesu Kristo. E kairi naba kaeka nakon titiraki ake a kona kairake n titiraki ibukin maiuakinan te euangkerio.
Bokin te Euangkerio
Te Gospel Library iai bwaai n ibuobuoki inanona aika a mwaiti n raonaki ma witeo, katangitang, karakin koroboki aika a tabu, ao waaki ni kakukurei. E raonaki naba ni bwaai ake a na buokiia kaao ao taan kairiiri n reiakinan koaua n te euangkerio. Bwai ni ibubobuoki aikai a reke n Gospel Library at ChurchofJesusChrist.org ao n te Gospel Library app.
FSY Maungatabu
Ni moa man te ririki are e koro iai 14 te ririki, kairake a kaoaki bwa a na iri Ibukin Kakorakoraia Kairake (FSY) maungatabu. Waaki aikai a raonaki ma waaki ni kakukurei ao kiraati ake e buoka kakorakoraan aia onimaki iroun Iesu Kristo ao ni buokiia kairake n karikirakea te maiu n tamnei, ni boboibuako, n te maiu n rabwata, ao n wanawanaia.
© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly Liahona Message, February 2023. Language. 18910 850