Etinda ya Sanza Liahona Sanza ya mibale 2023

Mikanda mpo na Bilenge mpe Bana

Baboti bazali na mokumba ya liboso ya koteya bana na bango maye matali Yesu Klisto mpe nsango malamu na Ye. Eklezia ya Yesu Klisto ya Basantu ba Mikolo mya Nsuka ezali na mabongisi, bapologalami, mpe mikanda mpo na kosunga baboti kati na makasi na bango. Elongo, baboti, bakambi ya Eklezia, mpe baninga bakoki kosunga bana banso mpe bilenge baya na Klisto.

Foto na Ben Johnson

Eteyelo ya Bana

Eteyelo ya bana ezali libongisi ya Eklezia mpo na bana ya basanza 18 kino mibu 11. Na Eteyelo ya bana, bana bayekolaka maye matali Yesu mpe nsango malamu na Ye kati na mateya, miziki, mpe misala. Eteyelo ya bana ekoki kosunga bana bayoka bolingo ya Nzambe mpo na bango.

Masanga makoki ya Bonganganzambe ya Alona mpe Bakelasi ya Bilenge Basi

Na sanza ya yambo ya mobu oyo bana bakokisi mibu 12, bamati uta na Eteyelo ya bana mpo na kokende na masanga makoki ya Bonganganganzambe ya Alona to (mpo na bilenge mibali) to na bakelasi ya Bilenge Basi (mpo na bilenge basi). Kati na masanga makoki mpe bakelasi na bango, bilenge bakobi kolendisa matatoli na bango mpe kosalisa basusu.

Pologalami ya Bana mpe Bilenge

Na bolenge na Ye, Yesu Klisto akolaki na bwania mpe nzoto, mpe na kondimama na Nzambe mpe moto” (Luka 2:52). Pologalami ya Bana mpe Bilenge esungaka bandimi ya Eklezia ya bilenge balanda ndakisa ya Klisto. Bayekolaka mpe bakolaka na makambo nyonso ya bomoi na bango—na molimo, na miso ya bato, na nzoto, mpe na mayele.

Bazulunale ya Eklezia

Zulunale ya Eklezia mpo na bana ezali zulunale Moninga. Mpo na Bokasi ya Bilenge ezali zulunale mpo na bilenge. Bazulunale oyo ezali na masolo, mateya, mpe milulu ekomama mingimingi mpo na bana mpe bilenge.

Mpo na Bokasi ya Bilenge Buku ya bokambi

Mpo na Bokasi ya Bilenge: Bokambi mpo na Kosala Maponi eteyi bilenge oyo etali bosolo ya nsango malamu. Eteyaka bango lolenge nini kozwa mikano oyo ekosunga bango balanda Yesu Klisto. Ezali lisusu na biyano na mituna bilenge bakoki kozala na yango etali lolenge nini kosalela nsango malamu.

Ebombelo ya Babuku ya Nsango Malamu

Ndako ya Babuku ya Nsango Malamu ezali na mikanda ya mitango mingi, kasangisaka bavideo, miziki, masolo ya makomi, mpe misala. Ezali lisusu na mikanda mpo na kosunga baboti mpe bakambi bateya mabongi ya nsango malamu. Mikanda oyo ezwami kati na Ndako ya Babuku ya Nsango Malamu ChurchofJesusChrist.org mpe kati na Aplikasio ya Ndako ya Babuku ya Nsango ya Malamu.

Makita ya MBB (FSY)

Kobanda na mobu bakokokisa mibu 14, bilenge babengisami mpo na kozala na makita ya Mpo na Bokasi ya Bilenge (MBB). Makambo oyo ezali na misala mpe mateya oyo esungaka kolendisa bondimi kati na Yesu Klisto mpe kosunga bilenge bakola na molimo, na bato, na nzoto, mpe na mayele.

Uta na Makomi

Bana bakoyoka kimia ntango toteyi bango oyo etali Nzambe (tala Yisaya 54:13; 3 Nefi 22:13).

Baboti bazali na mokumba ya koteya bana na bango basosola nsango malamu (tala Malongi mpe Mayokani 68:25).

Baboti batindami babokola bana na bango “na pole mpe bosolo” (Malongi mpe Mayokani 93:40).

Mikanda ya Mitango mpo na Bana

Masolo ya makomi (scripturestories.ChurchofJesusChrist.org): Bozwa nkasa epakola langi, bavideo, mpe masolo ya makomi ekomama mpo na batangi ya bilenge.

Bavideo (ChurchofJesusChrist.org/children/videos): Botala bavideo mpo mpe oyo etali bana.

Mikanda ya bana kati na Ndako ya babuku: Na aplikasio mpe na ChurchofJesusChrist.org, mikanda ya Ndako ya Babuku na nse ya “bana” ezali na miziki, bavideo, masolo, mpe milulu mosusu.

Kozwa ya Mingi Koleka

Soki bozali na mituna etali mikanda ya Eklezia mpo na bana mpe bilenge, bokoki kosolola na bandeko mibali to basi na bino ya kosalisa, bakambi na bino ya palwasi to ya etape, to bamisionele. Okoki kozwa yango lisusu na Interneti na ChurchofJesusChrist.org.

© 2023 na Intellectual Reserve, Inc. Makoki manso mabatelami Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Liahona Message, February 2023. Language. 18910 639