Kajjojo Allōn̄ Liaona Ennaan, Pāpode 2023

Kein katak ko n̄an Jodikdik Ro im Ajri Ro

Pāāren ro epād ippāer eddo eo eļaptata n̄an katakin ajri ro nejier kōn Jisōs Kraist im gospel eo An. Kabun̄ eo an Jisōs Kraist im Armej ro Rekwojarjar ilo Raan Ko Āliktata ewōr doulul ko, būrookram̧ ko, im kein katak ko jet ie n̄an jipan̄ ro pāāren ro ilo kijejeto ko aer. Ippān doon, pāāren ro, ritōl ro an Kabun̄ in, im ro m̧ōttad remaron̄ jipan̄ ajri ro im jodikdik ro itok n̄an Kraist.

Pija jān Ben Johnson

Būraimere

Būraimere ej juon doulul an Kabun̄ in n̄an ajri ro dettaer 18 allōn̄ n̄an 11 iiō. Ilo Būraimere, ajri ro rej ekkatak kōn Jisōs Kraist im gospel eo An ilo aolep katak ko, al, im m̧akūtkūt ko. Menin emaron̄ jipan̄ er en̄jake iakwe eo an Anij n̄an er.

Doulul ko an Priesthood eo an Aron im kūlaaj ko an Doulul eo an Jiron̄ ro.

Ilo Jānwōde in iiō eo ajri eo ej 12 an iiō, rej em̧akūt jān Būraimere n̄an doulul eo an Priesthood eo an Aron (n̄an ļaddik ro) ak Doulul eo an Jiron̄ ro (n̄an leddik ro). Ilo doulul ko aer im kūlaaj ko, jodikdik ro rej wōnm̧aanļo̧k n̄an kōkajoorļo̧k naan in kam̧ool ko aer im jerbal n̄an ro jet.

Būrookraam̧ an Ajri Ro im Jodikdik Ro

Ke E ekar juon jodikdik, Jisōs Kraist ekar rūttoļo̧k “ilo An mālōtlōt im rūtto, im ilo jouj ippān armej im Anij” (Luk 2:52). Būrookraam̧ an Ajri im Jodikdik ro rej jipan̄ membōr ro reddik an Kabun̄ in n̄an ļoor waanjon̄ak eo an Kraist. Rej ekkatak im eddōkļo̧k ilo aolep eria ilo mour ko aer—ilo jetōb, ilo iaio̧, ilo ānbwin, im ilo jeļāļo̧kjeņ.

Māākijiin ko an Kabun̄ in

Māākijiin eo an Kabun̄ in n̄an ajri ro ej Eo Jera Māākjiiin. N̄an Kōkajoorļo̧k Jodikdik Ro ej juon māākjiin n̄an jodikdik ro wōt. Māākijiin kein ekoba bwebwenato ko, katak ko, im m̧akūtkūt rej jeje ekkar n̄an ajri ro im jodikdik ro.

N̄an Kōkajoorļo̧k Jodikdik Ro Bok in Tōl

N̄an Kōkajoorļo̧k Jodrikdrik Ro: Juon Bok in Tōl n̄an Kōm̧m̧ani Kālet ko katakin jodikdik ro kōn m̧ool ko an gospel in. Ej katakin er kilen kōm̧m̧ani kālet ko me renaaj jipan̄ er ļoor Jisōs Kraist. Ebar koba uwaak ko n̄an kajjitōk ko ewōr ippān jodikdik ro kōn mour kake gospel in.

Gospel Ļāibrāre eo

Gospel Ļāibrāre eo elōn̄ kein katak ko, ekoba pijaan alooj ko, al ko, bwebwenato in jeje ko rekwojarjar, im m̧akūtkūt ko. Ebar koba kein jipan̄ ko n̄an jipan̄ ro pāāren ro im ritōl ro katakin pedped in gospel eo. Kein katak kein repād ilo Gospel Ļāibrāre eo ilo ChurchofJesusChrist.org im ilo Gospel Library app.

N̄KJ Kweilo̧k ko Reļļap

Jinoin iiō eo rej 14 aer iiō, jodikdik ro rej ruwainene n̄an kobaļo̧k ilo N̄an Kōkajoorļo̧k Jodikdik ro (N̄KJ) kweilo̧k ko reļļap. Iien kein raorōk ekoba m̧akūtkūt ko im kūlaaj ko me rejipan̄ kōkajoorļo̧k tōmak ilo Jisōs Kraist im jipan̄ jodikdik ro eddōkļo̧k ilo jetōb, ilo iaio̧, ilo ānbwin, im ilo jeļāļo̧kjeņ.

Jān Jeje ko Rekwojarjar

Ajri ro renaaj en̄jake aenōm̧m̧an ilo ad katakin er kōn Anij Aiseia 54:13; 3 Nipai 22:13).

Pāāren ro ej aer eddo n̄an katakin kōn gospel eo n̄an ajri ro nejier (lale Katak im Bujen Ko 68:25).

Pāāren ro em̧ōj kakien er n̄an kōkajjririik ro nejier “ilo meram im m̧ool” (Katak im Bujen Ko 93:40).

Kein Katakin ilo Digital n̄an Ajri Ro

Bwebwenato ko ilo jeje ko rekwojarjar (scripturestories.ChurchofJesusChrist.org): Lale peij in kōļar ko, pijaan alooj ko, im bwebwenato in jeje ko rekwojarjar n̄an ro reddik rej riit.

Pijaan Alooj ko (ChurchofJesusChrist.org/children/videos): Alooje pijaan alooj ko n̄an im kōn ajri ro.

Men ko aini n̄an ajri ro ilo Gospel Ļāibrāre: Ilo app eo im ilo ChurchofJesusChrist.org, Men ko aini ium̧win “Ajri Ro” ewōr al, pijaan alooj ko, bwebwenato ko, im m̧akūtkūt ko jet.

Kappukot Eļapļo̧k

N̄e ewōr am̧ kajjitōk kōn kein katak ko an Kabun̄ in n̄an ajri ro im jodikdik ro, kwomaron̄ kōnono ippān rikarejar m̧aan im kōrā ro jeid im jatid, ritōl ro am̧ ilo ward ak branch, ak mijinede ro. Kwomaron̄ bar loi ilo elōn̄ kein katak ko ilo ChurchofJesusChrist.org.

© 2023 jān Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin English: 6/19. Kōmālim ukook eo: 6/19. Ukook eo an Monthly Liahona Message, February 2023. Language. 18910 874