Bek el Buil Liahona Klumech, Ongeru el buil 2023

Klekedall el kirir a Rengeasek me a Rengalek

roungalek el menguiu chedoal llechukl lobengkel a ngelekir el sechal

A roungalk a klou a ngerchelir lolisechakl er a rengelekir el kirel a Jesus Kristo me a ebangkelio er Ngii. A Ikelesia er a Jesus Kristo er a Uriul-klebesei el Santo a ngarngii a chelchad, prokuram, me a klekedall lolngeseu er a roungalek er tial ureor. Me te dmak a roungalek, roungerachel er a Ikelesia, me a resechelei e ngosuterir a rokui el ngalek me a rengeasek el mei er a Kristo.

rengalek er a Primary

Siasing lulai er ngii a Ben Johnson

Primary

A Primary a chelechad er a Ikelesia el kirir a rengalek el teruich me a eai el buil el mo er a teruich me a ta rekrir. Chelsel a Primary, e a rengalek a mesuub el kirel a Jesus Kristo me a ebangkelio er Ngii lokiu a suobel, chelitakl, me a omeruul. A Primary a sebechel ngosuterir a rengalek el melchesuar a beltkil a rengul a Dios el kirir.

Chelechad er a Aaronic Priesthood me a Klas er a Young Women

Bek el Kot el buil e tirkel ngalek el mo teruich me a eru rekrir, a mengai er a Primary el mo er a chelechad er a Aaronic Priesthood (kirir a rsechal) a lechub e te mo er a Young Women(kirir a redil). Chelsel aika el chelechad er tir me a klas, e a rengeasek a melemolem el melisiich a klaumera er tir e mesiou er a rebebil.

chim lousunga

Prokuram er a Rengalek me a Rengeasek

Sera lengeasek, e a Jesus a mlukeroul er a “llomes me a duch, e mle cheleoch er a Dios me a chad” (Lukas 2:52). A prokuram er a rengalek me a rengeasek a ngosuterir a rengeasek er a Ikelesia el mo oltirkal okesiul a Kristo. Te mesuub e mukeroul er a bek el bedengel a teletael er a klengar—a chedaol tekoi, meduch el teloi er a rechad, mesisiich a bedengir, e mellomes.

Babier er a Ikelesia

A babier er a Ikelesia el kirir a rengalek a Friend magazine. Kirel a Klisichir a Rengeasek a mo er a rengeasek. Aika el babier a uldimukl er ngii a cheldecheduch, osisechakl, me a omeruul el kuk kmal di llechukl el kirir a rengalek me a rnegeasek.

ikrel a hong el tekoi er a Sebangiol

Kirel a Klisichir a RengeasekGuidebook

Kirel a Klisichir a Rengeasek: Ulekrael Kirel Omelilt a olisechakl er a rengeasek el kirel a klemerang er a ebangkelio. Ng osischekelterir el kirel a ungil omelilt el ngosuterir el mo oltirakl er a Jesus Kristo. Ng dirrek lobengkel a nger el kirel a ker er a rengeasek el kirel otireklel ebangkelio er a klengar tir.

Gospel Library

A Gospel Library a betok a ngesou er ngii, luldimukl a video, chelitakl, cheldecheduch er a chedaol llechukl, me a omeruul. Ng dirrek el ngarngii a ngesou el ngosuterir a rchedam me a rchedil me a roungerachel el kirel osisechakl er a ebangkelio. Aika el ngesou a debetik er a Gospel Library er a ChurchofJesusChrist.org me a Gospel Library app.

Ongdibel er a FSY

Uchelel sel rak el tir a mo teruich me a eua rekrir, e a rengeasek a mo teloi er sel klou longdibel el Kirel a Klisichir a Rengeasek (FSY). Aika uldimukl er ngii omeruul me a omesuub longeseu el melisiich er a klaumera er a Jesus Kristo e ngosuterir a rengeasek el mukeroul er a chedaol tekoi, meduch el ngara seked, mesisiich a bedengir, e mellomes a rengrir.

Ngara Chedaol Llechukl

A rengalek a mo melchesuar a budech sel dolisechakl er tir el kirel a Dios (mesa Isaiah 54:13; 3 Nephi 22:13).

A roungalek a ngerchelir lolisechakl er a rengelekir el mo medengelii ebangkelio (mesa Doctrine and Covenants 68:25).

A roungalek a kirir lomekeroul er a rengelekir er a “llomes me a klemerang” (Doctrine and Covenants 93:40).

Digital Resources el kirir a Rengalek

Cheldecheduch el ngara chedaol llechukl (scripturestories.ChurchofJesusChrist.org): Ngarngii a babier el de kalor, video, cheldecheduch el ngara chedaol llechukl el kirir a rengeasek.

Videos (ChurchofJesusChrist.org/children/videos): Omes a video el kirir a rengalek.

Children’s collection el ngara the Gospel Library: Ngara app me a ChurchofJesusChrist.org, me a Gospel Library collection er sel “Children” a ngarngii a chelitakl, video, cheldecheduch, me a bebil er a omeruul.

Lmuut el mo Medengei a Betok

A lsekum e ngarngii a kerim el kirel a klekedall el kirir a rengalek me a rengeasek, eng sebechem el mengedecheduch er tirkel mesiou el rodam me a rodos, remerredel er a ward a lechub eng branch er kau, malechub a remisionari. Ng sebechem el dirrek el metik a betok el ngesou er a ChurchofJesusChrist.org.

© 2023 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, February 2023. Language. 18910 881