Bosoom bosoom Liahona Amandzɛɛbɔ, Ebɔw 2023

Asɔfodzi Nhyira horow

Christ Rehyɛ Asomafo Duebien no Asɔfo

Christ Rehyɛ Asomafo no Asɔfo, Harry Anderson yɛɛ nsaano mfonyin no

Nyia okitsa Melchizedek Asɔfodzi no nam nkenyan do ma asɔfodzi nhyira. Asɔfodzi nhyira horow no ma Nyankopɔn Ne mba nyina kwan ma wonya No tum, ayarsa, awerɛkyekye, na kwankyerɛ.

Asɔfodzi no

Asɔfodzi no yɛ Nyankopɔn no tum na tumdzi. Mbanyin a wɔfata na wokitsa Melchizedek Asɔfodzi no dzi dwuma wɔ Jesus Christ Ne dzin mu ber a wɔma asɔfodzi nhyira horow no. Ber a wɔma nhyira horow yinom no, wɔfa Agyenkwa ne fasusu a Ɔdze hyira nkaafo no do.

nsa a ogu tsir do

David Winters twaa mfonyin no

Mbrɛ Wosi Ma Nhyira horow no

Wɔdze nsa gu tsir do dze ma asɔfodzi nhyira horow no. Onyia okitsa Melchizedek Asɔfodzi no dze ne nsa to nyimpa a ɔregye nhyira no ne tsir do. Nkyii ɔma nhyira no dɛ mbrɛ Sunsum no bɛkyerɛ. Hɔn a wɔma nhyira horow na hɔn a wɔgye hɔn no dze gyedzi wɔ Nyankopɔn mu dzi dwuma na wɔtwer Ne pɛ na Ne mber pa.

Mbofra Dzinto na Nhyira

Wɔawoo abofra ekyir no, obi a okitsa asɔfodzi ma no dzin na nhyira (hwɛ Nkyerɛkyerɛ na Ahyɛmudzi 20:70). Wɔtaa yɛ iyi wɔ akɔnkye na dasegye nhyiamu ase. Wodzi kan ma abofra no dzin. Nkyii nyia okitsa asɔfodzi no ma abofra no nhyira.

banyimba a ɔyar a ɔregye asɔfodzi nhyira

Welden C. Andersen na otwaa mfonyin no

Nhyira horow ma Ayarfo

Hɔn a wokitsa Melchizedek Asɔfodzi no botum ama nkorɔfo a wɔyar no nhyira. Nhyira yi wɔ afã-afã ebien: ngosera a wɔdze ngo yɛ na ngosera ne no nsɔwano. Odzi kan, nyia okitsa asɔfodzi no dze olive ngo tɔw a wɔatsew ho, anaa woehyira do, sɔ nyimpa no ne tsir do na ɔbɔ mpaa tsiabaa. Nkyii ɔbaako so a okitsa asɔfodzi sɔw ngosera no ano na ɔma nyimpa no nhyira dɛ mbrɛ Sunsum Krɔnkrɔn no bɛma no kwankyerɛ.

Awerɛkyekye na Afotu Nhyira

Hɔn a wokitsa Melchizedek Asɔfodzi no botum ama awerɛkyekye na afotu nhyira dze ama hɔn ebusua mu mba na binom so a wobisa hɔn. Egya a okitsa Melchizedek Asɔfodzi no botum ama ne mba egya ne nhyira. Iyinom botum aboa ber a nkankara mbofra no rehyia taferbanyinmbɔmu soronko horow.

Woriyi Asɔrmba Esi Hɔ ma Wɔasom wɔ Ɔfrɛ horow mu

Sɛ Asɔrmba gye ɔfrɛ horow a, wɔma hɔn nhyira ber a woyi hɔn si hɔ dɛ wɔnsom no. Asɔfodzi banodzifo baako dze tumdzi a wɔdze bedzi dwuma wɔ ɔfrɛ no mu no hyira hɔn. Asɔfodzi banodzifo no so dze nhyira a ɔbɔboa hɔn wɔ hɔn som mu no so hyira hɔn.

ɔbaa a ɔrekenkan ne patriarch nhyira

Shauna Stephenson twaa mfonyin no

Patriarch Nhyira

Asɔrba biara a ɔfata no botum agye ne patriarch nhyira. Nhyira no ma ankorankor afotu a ofi Ewuradze hɔ. Obotum ama kwankyerɛ na awerɛkyekye wɔ nyimpa no n’abrabɔ nyina mu. Ɔkã nyimpa no so n’ebusua akwantsen wɔ Israel fifo mu. Gyedɛ nyia ɔahyɛ no patriarch nko na obotum ama nhyira a ɔtse dɛm yi.

Fi Kyerɛwsɛm no mu

Jesus Christ dze Ne nsa guu hɔn a wɔyar do dze hyiraa hɔn (hwɛ Luke 4:40).

Asɔrmba a wɔsom wɔ Asɔr no mu no, hɔn a wɔwɔ tumdzi a ɔfata no, na woyi hɔn si hɔ (hwɛ Nkyerɛkyerɛ na Ahyɛmudzi 42:11; Gyedzi ho Nsɛmpɔw 1:5).

Nkorɔfo a wɔyar no botum ebisa hɔn a wokitsa asɔfodzi no nhyira (hwɛ James 5:14; Nkyerɛkyerɛ na Ahyɛmudzi 42:44).

Nsɛmfua a ɔwɔ dɛ Yɛkaa

Akɔnkye na dasegye nhyiamu: Sacrament nhyiamu a asɔrmba mboanofo no gye hɔn dase. Asɔrmba kyer kɔm—wonndzidzi na wɔnnom anondze dɛm da no—ɔtaa yɛ bosoom no no Kwesida a odzi kan.

Ngosera: Edze ngo a wɔatsew ho resera dɛ asɔfodzi nhyira ma ayarfo no n’afã bi.

Patriarch: Nyia okitsa asɔfodzi a wɔahyɛ no patriarch no na ɔma ne stake Asɔrmba patriarch nhyira.

Hwehwɛ Bi so Kã ho

Sɛ ewɔ nsɛmbisa a ɔfa asɔfodzi nhyira ho a, ibotum enye wo nuanom mbanyin anaa mbaa a wɔrosom, wo ward anaa nkorbata baanodzifo, anaa asɛmpasomafo no akasa. Ama eenya nsɛm bi a ɔfa wɔrema asɔfodzi nhyira ho no, hwɛ tsir 18 wɔ General Handbook: Serving in The Church of Jesus Christ of Latter-day Saints wɔ ChurchofJesusChrist.org.

© 2023 odzi wɔ Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, March 2023 ne Nkyerɛasee. Language. 18905 502