Ozi Liahona Kwa ọnwa, Maachị 2023

Ngọzi niile nke Ọkwa nchụaja

Kraịst dị ka ọ Na-echi ndị Ozi Iri na Abụọ echichi, site n’aka Harry Anderson

Ngọzị nke ọkwa nchụaja ka a n’enye site na mkpake mmụọ site n’aka onye ji Ọkwa nchụaja Melkizedek. Ngọzi niile nke ọkwa nchụaja n’ekwe ka ụmụ Chineke niile nata ike, ọgwụgwọ, nkasị obi, ma odudu Ya.

Ọkwa Nchụaja ahụ

Ọkwa nchụaja bụ ike na ikike nke Chineke. Ndị nwoke tozuru oke ndị ji Ọkwa nchụaja Melkizedek na-arụ ọrụ n’aha Jizọs Kraịst mgbe ha n’enye ngọzi niile nke ọkwa nchụaja. Dị ka ha n’enye ngọzi ndịa, ha n’esoro ọmụmatụ nke Onye Nzọpụta n’igọzi ndị ọzọ.

Foto site n’aka David Winters

Otu esi Enye Ngọzi niile

Ngọzi niile nke ọkwa nchụaja ka a na-enye site nʼibikwasị aka niile nʼisi. Onye ji Ọkwa Nchụaja Melkizedek n’edobe aka ya niile n’elu isi nke onye ahụ na-anata ngọzị ahụ. Mgbe ahụ ọ na-enye ngọzị dị ka Mmụọ si duzie ya. Ndị ahụ n’enye ngọzị ndị ahụ na ndị ahụ na-anata ha n’egosipụta okwukwe ha na Chineke ma na-atụkwasị obi n’uche na n’oge Ya.

Ịgụ aha na Ịgọzi Ụmụaka

Mgbe amụsịrị nwata, otu onye ji ọkwa nchuaja na-agụ nwata ahụ aha ma na-enye ya ngọzị (lee Ozizi na Ogbụgba ndụ nile 20:70.). A na-emekarị nke a nime ọgbakọ nke ibu ọnụ na ịgba ama. A na-ebute ụzọ gụọ nwata ahụ aha. Emesịa ọnye ahụ ji ọkwa nchụaja enye nwata ahụ ngọzị.

Foto site n’aka Welden C. Andersen

Ngọzị niile maka Ndị nrịa nrịa

Ndị ji Ọkwa nchụaja Melkizedek nwere ike inye ndị nọ n’ọrịa ngọzị niile. Ụdị ngọzị nke a nwere akụkụ abụọ: otite mmanụ site n’iji mmanụ na nrachi nke otite mmanụ ahụ. Nke mbụ, onye ji ọkwa nchụaja na-atasa otu kpọm mmanụ olive nke edoworo nsọ, ma ọ bụ gọzie, n’elu isi nke onye ahụ ma kpee ekpere dị nkenke. Mgbe ahụ, onye ọzọ ji ọkwa nchụaja arachie otitte mmanụ ahụ ma nyekwa onye ahụ ngọzị dị ka Mmụọ Nsọ siri duo ya.

Ngọzị niile nke Nkasị obi na nke Ndụmọdụ

Ndị ji ọkwa nchụaja Melkizedek nwere ike nye ndị otu ezi na ụlọ ha ngọzị niile nke nkasị obi na nke ndụmọdụ na ndị ọzọ chọrọ ha. Onye nna ji Ọkwa Nchụaja Melkizedek nwere ike nye ụmụ ya ngọzị niile nke nna. Ndị a nwere ike baa uru nke ka nke n’oge ụmụaka na-agabiga aka mgba ndị pụrụ iche.

Idopụ Iche Ndị otu N’eje ozi niime Ọkpukpọ okù dị iche iche.

Mgbe ndị otu Nzukọ nsọ natara ọkpụkpọ okù, a na-enye ha ngọzi mgbe edopụrụ ha iche maka ije ozi. Onye ndu ọkwa nchụaja n’agọzi ha inwete ikike iji rụọ ọrụ n’ọkpụkpọ okù ahụ. Onye ndu ọkwa nchụaja n’enyekwa ha ngọzi iji nyere ha aka nime ije ozi ha.

Foto site n’aka Shauna Stephenson

Ngọzị niile nke Onye Petrak

Onye otù ọbụla tozuru oke nwere ike ị nata ngọzị nke onye petrak. Ngọzị ahụ n’enye ndụmọdụ nke onwe nke sitere n’aka Onyenwe anyị. Ọ na-arọpụta odudu na nkasi obi ruo ogologo ndụ mmadụ ahụ. Ọ na-ekwpụtakwa agbụrụ mmadụ ahụ nʼime ụlọ Izrel. Naanị onye petrak echiri echichi nwere ike inye ụdị ngọzị nke a.

Site na Akwụkwọ nsọ

Jizọs Kraịst gọziri ndị nria nrịa site nʼibikwasị aka niile nʼelu isi (lee Luk 4:40).

Ndị otù n’eje ozi nime Nzukọ nsọ ka a n’edopụ iche site n’aka ndị ahụ nwere ezigbo ikike (lee Ozizi na Ogbụgba ndụ nile 42:11; Ndepụta nke Okwukwe 1:5).

Ndị na-arịa ọrịa nwere ike ịrịọ ndị ji ọkwa nchụaja maka ngọzị niile (lee Jemis 5:14; Ozizi na Ogbụgba ndụ niile 42:44).

Okwu ndị a Ga-echeta

Nzukọ Ibu ọnụ na ịgba ama: Nzukọ oriri nsọ ebe ndị otù ọgbakọ na-agba ama ha. Ndị otù n’ebu ọnụ—site n’ịhapụ ihe oriri na ihe ọṅụṅụ n’ụbọchị ahụ—a na-emekarị nke a n’ụbọchị Sọnde mbụ nke ọnwa ọbụla.

Otite mmanụ: Ite mmanụ edoro nsọ dị ka otu akụkụ ngọzị ọkwa nchụaja maka ndị nrịa nrịa.

Onye Petrak: Onye ji ọkwa nchụaja echiri echichi maka inye ndị otù Nzukọ nsọ nọ na stek ya ngọzị niile nke onye petrak.

Chọpụtakwuo

Ọ bụrụ na ị nwere ajụjụ gbasara ngọzi niile nke ọkwa nchụaja, i nwere ike ikwuru ụmụnne nwoke ma ọ bụ ụmụnne nwanyị ije ozi nlekọta gị, ndị ndu ngalaba ukwu ma ọ bụ ngalaba nta gị, ma ọ bụ ndị mgbasa ozi ọma okwu. Maka ozi ndị ọzọ banyere ịrụ ọrụ ngọzi niile nke ọkwa nchụaja, lee isi nke 18 nke General Handbook: Ije ozi n’ime Nzukọ nsọ Ahụ nke Jizọs Kraịst nke Ndị nsọ Ụbọchi ikpeazu a dị na ChurchofJesusChrist.org.

© 2023 site n’aka Intellectual Reserve, Inc. Ike niile ka edokwara. Ebipụtara na USA. Nnabata n’asụsụ Bekee: 6/19. Nnabata ntụgharị asụsụ: 6/19. Ntụgharị asụsụ nke Ozi Liahona Kwa Ọnwa, Maachi 2023. Language. 18905 593