Dagiti Bendision ti Priesthood

Ladawan

Ni Cristo a Mangor-orden kadagiti Sangapulo-ket-dua nga Apostol

Ni Cristo a Mangor-orden kadagiti Sangapulo-ket-dua nga Apostol, ni Harry Anderson

Maited ti maysa a bendision ti priesthood babaen ti inspirasion ti maysa a Melchizedek Priesthood holder. Dagiti bendision ti priesthood ti mamagbalin a posible para iti amin nga annak ti Dios nga umawat iti bileg, pannakaagas, liwliwa, ken pannarabayna.

Ti Priesthood

Ti priesthood ti bileg ken turay ti Dios. Agtignay dagiti maikari a lallaki nga addaan iti Melchizedek Priesthood iti nagan ni Jesucristo no mangtedda kadagiti bendision ti priesthood. No mangtedda kadagitoy a bendision, surotenda ti pagwadan ti Mangisalakan iti panangbendision kadagiti dadduma.

Ladawan

dagiti ima a nakapatay iti tuktok ti maysa nga ulo

Ladawan nga innala ni David Winters

No Kasano a Maited dagiti Bendision

Maited dagiti bendision ti priesthood babaen ti panangipatay kadagiti ima. Ipatay ti maysa a Melchizedek Priesthood holder ket dagiti imana iti ulo ti tao nga umaw-awat iti bendision. Itedna ti maysa a pammendision kas iturong ti Espiritu. Dagiti mangted kadagiti bendision ken dagiti umawat kadagitoy ket arametanda ti pammati iti Dios ken agtalekda iti pagayatan ken panagorasna.

Panangnagan ken Panangbendision kadagiti Ubbing

Kalpasan ti pannakayanak ti maysa nga ubing, ti maysa a priesthood holder ket mangted kenkuana iti nagan ken bendision (kitaen iti Doktrina ken Katulagan 20:70). Gagangay a mapasamak daytoy iti maysa a a miting iti panagayuno ken panagpaneknek. Umuna a maikkan ti ubing iti maysa a nagan. Kalpasanna ikkan ti priesthood holder ti ubing iti bendision.

Ladawan

masakit nga ubing a lalaki nga umaw-awat iti bendision ti priesthood

Ladawan nga innala ni Welden C. Andersen

Dagiti Bendision para iti Masakit

Mabalin dagiti Melchizedek Priesthood holder ti mangted iti bendision kadagiti tao a masakit. Adda dua a paset daytoy a kita ti bendision: panangpulot iti lana ken panangpasingked iti pannakapulot. Umuna, mangipatedted ti maysa a priesthood holder iti lana ti olibo a nakonsagrar, wenno nabendisionan, iti ulo ti tao ket mangted iti ababa a kararag. Kalpasanna, pasingkedan ti sabali pay a priesthood holder ti pannakapulot ken mangted iti bendision iti tao kas iturong ti Espiritu Santo.

Dagiti Bendision ti Liwliwa ken Balakad

Mabalin dagiti Melchizedek Priesthood holder ti mangted kadagiti bendision ti liwliwa ken balakad kadagiti miembro ti pamilia ken dadduma pay nga agkiddaw kadagitoy. Mabalin ti ama nga addaan iti Melchizedek Priesthood a mangted kadagiti bendision ti ama kadagiti annakna. Mabalin a nangnangruna a makatulong dagitoy no maipasango dagiti annak kadagiti naisangsangayan a karit.

Panangi-set Apart Kadagiti Miembro nga Agserbi kadagiti Takem

No umawat dagiti miembro ti Simbaan kadagiti takem, maikkanda iti bendision no mai-set apartda nga agserbi. Bendisionan ida ti maysa a lider ti priesthood iti turay nga agtignay iti takem. Ikkan pay ida ti lider ti priesthood iti bendision a tumulong kadakuada iti panagserbida.

Ladawan

babai a mangbasbasa iti bendisionna iti kinapatriarka

Ladawan nga innala ni Shauna Stephenson

Dagiti Bendision ti Patriarka

Mabalin nga umawat ti tunggal maikari a miembro ti Simbaan iti bendision ti kinapatriarka. Daytoy a bendision ti mangted iti personal a balakad manipud iti Apo. Makaited daytoy iti pannarabay ken liwliwa iti unos ti biag ti maysa a tao. Ibagana pay ti kapuonan ti tao iti balay ti Israel. Ti laeng maysa a naordenan a patriarka ti mabalin a mangted iti kastoy a kita ti bendision.

© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Liahona Message, March 2023. Language. 18905 864