“Mwe Insewowo luhn Pristut uh,” Liahona, Mahs 2023.
Pweng ke Liahona Mahlwem Nuhkwewa, Mahs 2023
Mwe Insewowo luhn Pristut uh
Kraist El Akmuhsraelah Mwet Sap Singucul Luo ah, sel Harry Anderson
Mwe insewowo luhn pristut se ituckyang sin fwackyuck luhn mwet suc sruok Pristut luhn Melchizedek. Mwe insewowo luhn pristut oruh tuhlihk nuhtin God nuhkwewa kuh in eis kuh Lal, onwelah, mihs, ac kolyuck.
Pristut uh
Pristut uh pa kuh ac wal luhn God. Mukul suwohs suc sruok Pristut luhn Melchizedek mukwikwi ke inen Jisus Kraist ke elos sang mwe insewowo luhn Pristut. Ke elos sang mwe insewowo inge, elos ukwe srihkasrak luhn Mwet Lahngo in ahkinsewowoye mwet sahyac.
Petsac sel David Winters
Ohiyac Mwe Insewowo Ituckyang
Mwe insewowo luhn pristut ituckyang ke fihliyac paho an. Mwet suc sruok Pristut luhn Melchizedek fihliyac paho fin sifacn mwet suc eis mwe insewowo an. Na el sang mwe insewowo se oacna Nguhn kol uh. Elos suc sang mwe insewowo ac elos suc eis orekmakihn luhlahlfongi ke God ac luhlahlfongi kena ac pacl Lal.
Sang Ine ac Ahkinsewowo Tuhlihk
Tukun tuhlihk se isuslac, mwet suc sruok pristut sang nuh sel ine se ac mwe insewowo se (liye Doctrine and Covenants 20:70). Ma inge kwacna sikyak ke toeni in lalo ac fahkwack luhlahlfongi. Ma se met ituckyang ine nuh sin tuhlihk se. Na mwet suc sruok pristut sang mwe insewowo nuh sin tuhlihk se.
Petsac sel Welden C. Andersen
Ahkinsewowoye Mwet Mas
Mwet suc sruok Pristut Melchizedek kuh in sang mwe insewowo nuh sin mwet suc mas. Mwe insewowo se inge oasr ip luo la: akmuhsrai ke oil ac siliyac akmuhsra sacn. Ma se met, mwet suc sruok pristut sang ipin olive oil ma ahkmuhtahlyeyuck, suc ahkinsewowoyeyuck, fin sifacn mwet sac ac na sang pruhe fototo se. Na siepac mwet suc sruok pristut siliyac akmuhsra sacn ac sang mwe insewowo nuh sin mwet sac oacna kolyuck sin Nguhn Muhtahl.
Mwe Insewowo in Ahkmisye ac Sang Kahsruh
Mwet suc sruok Melchizedek Pristut kuh in sang mwe insewowo in ahkmisye ac sang kahs in kahsruh nuh sin mwet ke sucu ac mwet sahyac suc siyuck kac. Pahpah se suc sruok Pristut luhn Melchizedek kuh in sang mwe insewowo luhn pahpah nuh sin tuhlihk nahtuhl. Ma ine kuh in arlac kahsruh ke tuhlihk sun ma upac ke moul uh.
Ahkweye Mempucr in Kuhlwacnsap ke Kunohkohn
Ke mempucr luhn Alu uh eis kunohkohn, elos eis mwe insewowo ke elos pakpucklac in kuhlwacnsap. Mwet kol suc sruok pristut ahkinsewowoyaclos ke wal in mukwikwi ke kunohkohn sac. Mwet kol suc sruok pristut oacyacpac sang nuh selos mwe insewowo se in kahsrwelos ke kuhlwacnsap lalos.
Petsac sel Shauna Stephenson
Mwe Insewowo luhn Patriarch uh
Kais sie mempucr suwohs kuh in ngihsre mwe insewowo luhn patriarch la. Mwe insewowo se inge sang kahs in kahsruh sifacna sin Leum. Mwe insewowo se inge kuh in sang kolyuck ac mihs nuh ke moul luhn mwet se. El oacyacpac fahk tahk in sucu luhn mwet se ke lohm sin Israel. Mwet suc akmuhsraiyucklac in patriarch se kuh in sang mwe insewowo se inge.
© 2023 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, March 2023. Language. 18905 868