Klumech er a bek el buil Liahona,Ongedei el buil 2023

Klengeltengat er a Priesthood

A Kristo a Olterekokl er a Rteruich me a Terung el Apostol

A Kristo el Olterekokl er a Rteruich me a Terung el Apostol, mla er a Harry Anderson

A klengeltengat er a priesthood a denguu lokiu a ulekrael reng er a chad el loba a Melchizedek Priesthood. A klengeltengat er a priesthood a mesang a techelir a rokui el ngelekel a Dios el mo ngmai a klisiich, omekungil, ulkerreu me a ulekrael er mla er Ngii.

A Priesthood

A priesthood a klisichel a Dios. Tirkel el mekedung el resechal loba tial Priesthood er a Melchizedek meskid a klengeltengat er a priesthood el lomruul er ngii el ngara klele a Jesus Kristo. Mesel olemeskid ngii el klengeltengat, e te omekesiiu er a Osobel el oumekngeltengat er a rebebil.

Te locha chimorir er a bebul a btelud.

Siasing a mlengai lokiu a David Winters

Ng mekerang e klengeltengat a lebeskid

A klengeltengat er a Priesthood a de nguu lokiu omor er a chim. A chad loba Melchizedek Priesthood locha chimal er a bebul a btelul a chad el mo ngmai aika el klengeltengat. Ng mo kmung a klengeltengat el ultuil er a Chedaol Reng. Tirke el chad el lomsa tial klengeltengat me a tirke el mo melai a klengeltengat a ngara klaumerang er a Dios el loumerang er ngii er a moktek er ngii me a temel.

Omngakl me a Omekngelltengat er a Rengalek.

A uriul er a tulechoi a lebechell, e a chad loba priesthood a mesang a ngklekl me a klengeltenga el morngii. ( mesa Doctrine and Covenants 20:70 Tia blechoel mekedmokl sel ongdibel er a fast and testimony. A ngalek lebsa ngklel el kot. A uriul e a chad loba priesthood a mesang a ngii el ngalk a klengeltengat.

a smecher el buik lebsa klengeltengat er a priesthood

A siasing a mlara Welden C. Andersen

Klengeltengat el mora Resmecher

Tirkel loba Melchizedek Priesthood a sebecherir mesterir klengeltengat el mora resmecher. Tia klengeltengat a ngarngii a eru el teletelel: anointing loba cheluch me a sealing er a anointing. A kot, priesthood a locha ngimech er a olive oil el ngii a mla mechedaol e moterkokl, er bebula btelul a chad e mesa kedeb el nglunguuch. A ongerung, a tara priesthood a oterkeklii er tial anoiting e mesang a klengeltengat el nglunguuch el lukerael er a Chedaol Reng.

Klengeltengat er a Ongelaod me a Cheldecheduch

Tirkel loba Melchizedek Priesthood a sebecherir mesterir klengeltengat el mora telungalk me a rebebil alsekum e te olengit a nglunguch er a ongelaod me ea cheldecheduch. Tirke loba Melchizedek Priesthood a sebecherir misterir a rengelkir a klengeltengat er a demrir. Aika a tokubets el ngosuterir a rengalek sel chelbangel er a ringel.

Olterekokl er a chad er a ikelesia el mora ngerachel

A rechad a ikelesia sel ngai a ngerachel, te ngmai a klengeltengat lokiu a oterkeklel a omesiou. A chad loba priestdhood a mo oumekngeltengat el mesa klisiich er a ngerachelel. A chad loba priesthood a dirrek el mesterir a klengeltengat el mo olngeseu er tir er a ngerchelir.

a redil a menguiu er a patriarch blessing er ngii

Siasing lulai er ngii a Shauna Stephenson

Klengeltengat er a Patriarchal

A bek el melemalt el chedal a Ikelesia a sebechel nguu a klengeltengat er a patriarch. Tial klengeltengat mesterir a rechad a cheldecheduch el kuk di mor tir el mla er a Dios. Tia dengai er ngii a omekarel me a ongelaod er a chelsel a klengar er a tang me a tang. Ngouchais el kirel a dikesem er a chelsel a blai er a Israel. Ng di telutk e mla mechedaol el patriarch a sebechel mesang tia el klengeltengat.

Ngara Chedaol Llechukl

A Jesus Kristo a omekngeltengat er a resmecher lokiu omor er a chim (mesa Lukas 4:40 ).

A rechad e ra Ikelesia el mora ngerachel a lebo lulterekokl er tir lokiu tirke el keltukl el mla mechedao.( mesa Doctrine and Covenants 42:11; Articles of Faith 1:5).

A rechad el smecher a sebecherir el olengit klengeltengat er a repriesthood ( mesa Iakobus 5:14; Doctrine and Covenants 42:44).

Tekoi el bo Dodengei

Fast and tesimony meeting: A ongidbel er a sakrament el rechad era ikelesia a mochotii a kloumerang er tir. Rehad er ikelesia a mo olsengerenger—diak a kall me a ilumel er a tal sils—ng blechoel sel kot el Sandei er a bekl buil.

Anoiting: Omelechang a mla mechedaol el cheluch el ngii a omekngeltengat el mora resmecher.

Patriarch: A oba priesthood el mla mechedaol el sebechel lomsang a klengeltengat er a patriarch el mora rechad er a Ikelesia er chelsel a stake el ngarngii.

Lmuut el mo Medengei a Betok

A lsekum eng ngarngii a kerim el kirel a klengeltengat er a priesthood ng ,sebechem el mengedecheduch er tikrel mesiou el rudam me a rudos, me a remerredel er a ward a lechub eng branch er kau, malechub a remisionari. A lmuut el komakai el omesodel a klengeltengat er a priesthood, mesa ,chapter 18 General Handbook: Serving in The Church of Jesus Christ of Latter-day Saintsat ChurchofJesusChrist.org.

© 2023 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a Bek el Buil Liahona, March 2023. Language. 18905 000