Bosome bosome Laehona Nkransɛm, Ɔbɛnem 2023

Asɔfodie Nhyira

Kristo rehyɛ Asomafoɔ Dummienu no Den

Kristo rehyɛ Asomafoɔ Dummienu no Den, ɛfiri Harry Andersen hɔ.

Wɔnam nkanyan so na wɔde asɔfodie nhyira no ma nam Melkisedek Asɔfodie kurafoɔ so. Asɔfodie nhyira boa ma Onyankopɔn mmanyinaa gye He tumi, ayaresa, awerɛkyekyerɛ, ne ahobammɔ.

Asɔfodie No

Asɔfodie no yɛ Onyankopɔn ahoɔden ne tumi. Mmarima a wɔn ho teɛ a wɔkuta Melkisedek Asɔfodie yɛ adwuma wɔ Yesu Kristo din mu berɛ a wɔma asɔfodie nhyira. Sɛ wɔrema saa nhyira yi a wɔdi Agyenkwa no nhyira a ɔde ma afoforɔ no nhwɛsoɔ so.

nsa gu etire so

Mfonin no firi David Winters hɔ

Sedeɛ Wɔde Nhyira Ma

Asɔfodie nhyira no wɔde ma berɛ a wɔde nsa gu tire so. Melkisedek Asɔfodie kurafoɔ de ne nsa gu onipa a ɔregye nhyira no tiri so. Afei ɔma nhyira no sɛdeɛ Honhom no kyerɛ. Wɔn a wɔma nhyira ne wɔn a wɔgyeɛ kyerɛ gyedie wɔ Onyankopɔn mu na wɔgye Ne pɛ ne mmerɛ di.

Nkwadaa Dintoɔ ne Nhyira

Sɛ wɔwo akwadaa wie a, asɔfodie kurafoɔ ma no edin ne nhyira (hwɛ Nkyerɛkyerɛ ne Apam 20:70). Yei taa si akɔnkyene ne adansedie nhyiamu ase Wɔdi kan ma akwadaa no edin Afei asɔfodie kurafoɔ no ma akwadaa no nhyira.

abarimaa yarefoɔ a ɔregye nhyira

Mfonin no firi Welden C. Andersen hɔ

Nhyira a wɔde ma Yarefoɔ

Melkisedek Asɔfodie kurafoɔ tumi ma nkorɔfoɔ a wɔyare no nhyira. Saa nhyira yi wɔ afa mmienu: ngosra a wɔde ngo ne ngosra no nsɔano. Deɛ ɛdi kan, asɔfodie kurafoɔ de olive ngo a wɔate ho, anaasɛ wɔahyira so, sɔ onipa no tiri mu na ɔbɔ mpaeɛ tiawa bi. Afei asɔfodie kurafoɔ foforɔ sɔ ngosra no ano na ɔma no nhyira sɛdeɛ Sunsum Kronkron kyerɛ.

Awerɛkyekyerɛ ne Afotuo Nhyira

Melkisedek Asɔfodie kurafoɔ bɛtumi ama abusuafoɔ ne afoforɔ a wɔbisa no awerɛkyekyerɛ ne afotuo nhyira. Agya a ɔkura Melkisedek Asɔfodie no bɛtumi ama ne mma agya nhyira. Yeinom ho bɛhia pa ara berɛ a nkwadaa no wɔ ɔhaw sononko.

Yɛretu Asɔremma asi hɔ sɛ Wɔnsom wɔ Ɔfrɛ mu

Sɛ wɔma Asɔremma ɔfrɛ adwuma a, wɔma wɔn nhyira berɛ wɔretu wɔn asi hɔ sɛ wɔnsom. Asɔfodie kandifoɔ hyira wɔn wɔ tumidie a wɔde yɛ adwuma wɔ ɔfrɛ mu. Asɔfodie kandifoɔ no san ma wɔn nhyira a ɛboa wɔn wɔ wɔn som no mu.

ɔbaa a ɔrekenkan n’agyapanin nhyira

Mfonin no firi Shauna Stephenson hɔ

Agya Panin Nhyira

Asɔreba biara a ne ho teɛ tumi gye agya panin nhyira. Saa nhira yi ma ankasa afotuo a ɛfiri Awurade hɔ. Ɛbɛtumi ama akwankyerɛ ne afotuo wɔ onipa no abrabɔ mu. Ɛsane nso ka onipa no abusuabɔ wɔ Yesrai fie mu. Gyesɛ agya panin a wɔahyɛ no den nko ara na ɔbɛtumi ama saa nhyira yi.

Ɛfiri Twerɛnsɛm no mu

Yesu Kristo hyiraa ayarefoɔ berɛ a ɔde ne nsa regu wɔn soɔ (hwɛ Luka 4:40).

Asɔremma a wɔsom wɔ Asɔre no mu no wɔn a wɔkura tumi kann na wɔtu wɔn si hɔ (hwɛ Nkyerɛkyerɛ ne Apam 42:11; Gyedikansɛm 1:5).

Nkorɔfoɔ a wɔyare bɛtumi abisa asɔfodie kurafoɔ hɔ nhyira (hwɛ Yakobo 5:14; Nkyerɛkyerɛ ne Apam 42:44).

Nsԑmfua a ԑsԑ Nkaeɛ

Akɔnkyene ne adansedie nhyiamu: Adidikronkron nhyiamu ase asɔremma a wɔhyia no di wɔn adanseɛ. Asɔremma kyene kɔm—saa da no wɔnni aduane na wɔnnnom nsuo—ɛtaa yɛ Kwasiada a ɛdi kan bosome no mu.

Ngosra: Wɔde ngo a wɔate ho reyɛ yarefoɔ ho sɛ asɔfodie nhyira ma yarefoɔ.

Agya panin: Asɔfodie kurafoɔ a wɔahyɛ no den no de agya panin nhyira ma Asɔremma a wɔwɔ ne pɛɛwa so.

Hwehwɛ Bi Ka ho

Sɛ wowɔ nsɛmmisa fa asɔfodie nhyira ho a, wobɛtmi abisa wo somfo nuabarima anaasɛ nuabaa, wo wɔɔdo anaasɛ nkorabata akannifoɔ, anaasɛ asɛmpakafoɔ. Sɛ wopɛ dodo ahunu fa asɔfodie nhyira dwumadie ho a, hwɛ etire 18 wɔ Amansan Kwankyerɛ nwoma: Resom wɔ Yesu Kristo Asɔre a Ɛwɔ hɔ ma Nna a Ɛdi Akyire Ahotefoɔ wɔ ChurchofJesusChrist.org.

© 2023 by Intellectual Reserve, Inc. All rights reserved. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ Bosome bosome Laehona Nkransɛm, Ɔbɛnem 2023. Language. 18905 000