Mulwol ni Ngan Thapeg ko Liahona ko, March 2023

Fapi Yibliy ko Priesthood

Kristus nibe Yibily fare Ragag nge L’agruw e Apostle, ke yib rok’ Harry Anderson

Yibliy ko Priesthood nima pii’ u fithik’ e yi’iy rok’ bee’ ni nge thapeg e Melchizedek Priesthood. Yibliy ko Priesthood e ma fal’eg rogon gubin e bitir rok’ Got ni ngeyag nira thapeged e gelingin Rok’, golnag, gapas nge fonow.

Fare Priesthood

Fare priesthood ni’ir gelngin nge matawon ku Got. Pi pumo’on nib fel’ nibay e Melchizedek Priesthood be rrin’ e pi’nen udakean e fithingan Yesus Kristus napan nira pii’ e yibily ko priesthood. Napan ni yeadra pii’ ere yibliy ney, yad ma foled e susun rok’ Somoel.

Photograph rok’ David Winters

Urogon me Pii’ e Yibliy

Yibliy ko priesthood nima pii’ napan nira tay e pa’ nga dakean. Bee’ ni bay e Melchizedek Priesthood nima tay pa’ nga dakean e lol’gey bee’ nima thapeg e yibliy. Me pii’ e yibliy udakaen e fonow rok’ e Thothup. Pi’in ni ra pii’ e yibliy nge pi’in ni ra thapeg ma tayed e mich roraed ngak Got nge min tay pagaen’ ngak e ba’adag nge ngiyal’ Rok’.

Pi fithingan nge Yibliy e Bitir

Tomuren ke gargeleg bee’ nib bitir, e bee’ ni bay e priesthood me pii’ e fithingan nge yibliynag (musap ko Doctrine and Covenants 20:70). Me buch bo’or yay ulan e mu’ulung ko fast nge testimony. Somm’on e bitir nima thapeg e fithingan. Tomuren e bee’ ni bay e priesthood ra pii’ e yibliy.

Photograph rok’ Welden C. Andersen

Yibliy nifan e Gidii’ nike M’ar

Gidii’ nibay e Melchizedek Priesthood rayog ni ngar pii’ e yibliy ngak e pi’in mib m’ar. Bay l’agruw e yang ko yibliy ney: gapgep nag min chiyliy fare gapgep nag. Bin somm’on, bee’ bay e priesthood ma tay buchuw e gapgep nib olive nikan yibliy, nga dakean e lolgen bee’ nge pii’ e meybil nib achigchig. Me tomur reb e bee’ bay e priesthood ma chiliy nag fare gapgep nge pii’ e yibliy udakean e fanow rok’ fare Kan ni Thothup.

Yibliy nifan e Gapas nge Powi’iy

Gidii’ nibay e Melchizedek Priesthood rayog ni ngar pii’ e yibliy nifan e gapas nge powi’iy ngak e chon e tabinaew nge reb e bee’ nima fith. Chitimangiy ni bay e Melchizedek Priesthood rayog ni nge pii’ e yibliy nib chitimangiy ngak e bitir rok’. Biney ma ayuweg e bitir napan ra yib e magawon ni rib mo’omaw’.

Pii’ e Tawa’ath ngak e Chongin napan ningar Thapeg e Muruwel

Napan chongin e Galasia era thapeged e muruwel, yaedra thapeg fare tawa’ath ko napan ni yaedra tabab ko pigpig roraed. Tiyugang’ nibay e priesthood ma yibliynag rad ningar rrin’ed e pigpig ufithik’ e matawon. Tiyugang’ nibay e priesthood ma yibliynag rad ningar thapeged e ayuw nifan e pigpig roraed.

Sassing riy e ke yib rok’ Shauna Stephenson

Fapi Tawa’ath ko Patriarchal

Gubin e chonngin nib fel’ ko Galasia rayog ni ngar thapeged e tawa’ath ko patriarchal. Biney e tawa’ath e ma pii’ e kanawo’ ko yafos nibe yib rok’ Somoel. Rayog ni nge pii’ e kanawo’ nge gapas ufithik’ e yafos rok’ bee’. Me weliy marunga’agen e gidii’ rok ulan e na’un rok’ u Israel. Kemus e bee’ nikan thapeg e yibliy ko patriarch e rayog nira pii’ e biney e tawa’ath.

Yib ko fapi Chep nib Thothup

Yesus Kristus ni ke yibliy nag e gidii’ nib m’ar napan nike tay e pa’ nga dakean (muguy ko Luke 4:40).

Pi chongin niba pigpig ulan e Galasia e ma thapeg e yibliy ufithik’ bee’ nibay e mat’awon (muguy ko Doctrine and Covenants 42:11; Articles of Faith 1:5).

Gidii’ nib m’ar e rayog ni ngar fithed ngak e pi’in nibay e priesthood nifan e yibliy (muguy ko James 5:14; Doctrine and Covenants 42:44).

Thin ni nge Par u Wun’uy

Baley niged e abich roraed nge mo’olung ko mich: Ta’areb e mo’olung ko sakrament napan e chongin ulan e ulungi ma pii’ e mich rorad. Pi chongin ma baley nag e abich rorad—napan dar abich fa unum e raen ko ta’areb e rran—U bin somm’on e Madnom ko pul.

Gapgepnag: Tay fare gapgep nib thothup nifan e yibliy ko priesthood ko pi’in nib m’ar.

Patriarch: Bee’ nibay e priesthood nike thap mat’awon ni nge pii’ e tawa’ath ko patriarchal ngak e chongin e Galasia ulan e stake rok’.

Gay Boech Morngaʼagen

Faʼanra bay e duwer rom ni morngaʼagen e pi yibily ko priesthood, rayag ni ngam non ngak e en nima machib ngom ni pumoʼon fa bpin, ward rom fa tiyugangʼ ko branch rom, fa boech e pi missionary. Fa’an gabe adag ni ngam fil boch reb marunga’ agen e ngongol ko pii’ e yibliy ko priesthood, musap ko chapter 18 of General Handbook: Serving in The Church of Jesus Christ of Latter-day Saints at ChurchofJesusChrist.org.

© 2023 rok Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Ni pilyeg ko Mulwol ni Ngan Thapeg ko biney e Pul nifan e Liahona ko, March 2023. Language. 18905 905