Te Onimaki iroun Iesu Kristo

Karekean te onimaki iroun Iesu Kristo bon te moan reirei n te euangkerio. (taraa Taekan te Onimaki 1:4). Ara onimaki e na buokiira ni karaoi rinerine are e na kairiira rikaaki nakon Tamara are i Karawa. Ti na kona ni mwakuri ni kakorakorai ara onimaki rinanon maiura.

Tera te onimaki?

Te onimaki bon te kakoaua ae matoa ke onimakinan te bwai teuana. N karekean te onimaki ni ikotaki ma kantaningakin ao kakoauaan bwaai aika a koaua, e ngae ngkana ti aki noorii ke n aki ota raoi iai (taraa Ebera 11:1; Aramwa 32:21).

Kabwarabwara man Kristo ao te Ataeinimwaane ae te Kaubwai,, iroun Heinrich Hofmann

Te Onimaki ae Boboto iroun Iesu Kristo

Ni kairaki nakon te kamaiuaki, ara onimaki ana riai ni boboto iroun Iesu Kristo bwa ara tia Kamaiu ao Tia Kabooi Maiura. Karekean te onimaki iroun Kristo nanona iai nanora ae koaua Irouna. Nanona katukan bwaai ni kabane Irouna—onimakin n Mwaakana, wanawanana, ao ana tangira. Ni ikotaki naba ma onimakinan ao iriiran Ana reirei.

Karikirakean Ara Onimaki

Te onimaki bon te bwaintangira mairoun te Atua, ma ti riai n ukoria ao ni mwakuriia ni kateimatoa. Ti kona ni karikirakea ara onimaki man te tataro ao kamatebwaian koroboki aika a tabu ao reirei mairouia burabeti ni boong aikai. Ti kakorakora naba ara onimaki ngkana ti maiuna te etieti ao ni kawakini ara berita aika a tabu.

Maiuakinan te Onimaki

Te Onimaki e raka riki nakon te kakoaua. E raonaki n mwakurian te kokoaua. Ti kaota ara koaua man aron maiuakinan maiura. Te onimaki iroun Iesu Kristo e kaungaira bwa ti na iriira Ana katooto aika a kororaoi. E kairiira ara onimaki bwa ti na ongeaba nakon tuua, rairi nanora man ara bure, ao ni karaoi ao ni kawakin berita aika a tabu.

Te Onimaki E Kona ni Kairiira nakon Kakai

Onimaki ni koaua e uotii taian kakai, ake a iri ma mii ni burabeti, mii, kamaiuaki, ao bwaai n tangira riki tabeua ake a roko mairoun te Atua. Koroboki aika a tabu a mwaiti iai karakinaia aomata ake a karekei kakai mairoun te Uea ibukin aia onimaki Irouna. Taraa “Miracle” inanon te Kairi nakon Koroboki aika Tabu ibukin tabeua katooto.

Te Onimaki E Kona n Uota te Rau

Te Onimaki iroun te Atua ao Ana babaire ni kamaiu e kona ni kakorakoraira inanon tain ara kangaanga. E kona ni kakorakoraira te onimaki bwa ti na waaki nako ao ni kaaitarai kangaanga ma te ninikoria. E ngae ngkana aki rangi mataata kanoan boong aika a na roko, ara onimaki iroun te tia Kamaiu e kona n anganiira te rau.

Te onimaki iroun Iesu Kristo e Karekea te Kamaiuaki

Kamwakuran te onimaki iroun Kristo e na kairiiri nakon te kamaiuaki. E a tia ni katauraoa te kawai ibukira Kristo ni karekean te maiu ae akea tokina. Ngkai ti maeka man ara onimaki Irouna, ti kona ni kabwaraaki ara bure ao n okirikaaki ni manga maeka ma te Atua.

© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Rongorongo n te Riaona ni Katoa Namwakaina, Eberi 2023. Language. 19006 859