“Ditabuija mu Yezu Kilisto,” Liahona, Ngondu Muinanyi 2023.
Mukenji wa ku Ngondu wa Liahona, Ngondu Muinayi 2023
Ditabuija mu Yezu Kilisto
Yezu Kilisto, kudi Harry Anderson
Kuikala ne ditabuija mu Yezu Kilisto tshidi diyisha dia kumpala dia nshindamenu wa lumu luimpa (tangila Tunungu tua Ditabuija 1:4). Ditabuija dietu nedituambuluisha bua kuenza masungula adi mua kutuambuluisha bua kupingana kudi Tatu wetu wa mu Diûlu. Tudi mua kuenza mudimu bua kukankamika ditabuija dietu kupitshila ku moyo wetu.
Ditabuija Ntshinyi?
Ditabuija didi ditaba anyi dieyemenadishindama mu tshintu. Kuikala ne ditabuija kudi kudi kulomba ditekemena dia ditabija bintu bidi bilelela, nansha patudi katuyi mua kubimona anyi kubiumvua mu kabujima (tangila Ebelu 11:1; Alama 32:21).
Disulukaja dia ku Christ and the Rich Young Ruler [Kilisto ne Rich Young Ruler], kudi Heinrich Hofmann
Ditabuija Diteka mu Yezu Kilisto
Bua kutuala ku lupandu, ditabuija dietu didi ne bua kuikala ditekibua mu Yezu Kilisto bu Mupandishi ne Musungidi wetu. Kuikala ne ditabuija mu Kilisto bidi biumvuija ne, kuikala ne dieyemena mu Yeya. Bidi biunvuija kudifila mu bujima kudiye—kueyemena mu bukola, lungenyi, ne dinanga bienda. Bidi kabidi bitangila dibata mu dilonda malongesha enda.
Kudiundisha Ditabuija Dietu
Ditabuija didi dipa dia kudi Nzambi, kadi tudi ne bua kudikeba ne kudilama dikolakana. Tudi mua kudiundisha ditabuija dietu mu kusambila ne kulonga mifundu ne malongesha a bambi ba matuku a ndekelu. Tudi kabidi tukankamika ditabuija dietu patudi tudituala mu bulongama ne tulama bipungidi bietu.
Kudituala ku Ditabuija
Ditabuija didi ditamba kupita ditaba. Didi dilomba kuenzejibua mu ditaba adi. Tudi tuleja ditabuija dietu mu mushindu wetu wa kudituala. Ditabuija mu Yezu Kilisto didi ditusaka bua kulonda tshilejelu tshienda tshiakana. Ditabuija didi ditulombola bua kunemeka mikenji, kukudimuna mutshima ku mibi yetu, ne kuenza ne kulama bipungidi.
Ditabuija Didi mua Kulombola ku Bishima
Ditabuija dilelela didi dituala bishima, bidi mua kuikala bimônyi, bilota, londopu, ne mapa makuabu adi afumina kudi Nzambi. Mifundu idi ne miyuki mipita ya bantu badi bapeta bishima bia kudi Mukalenga kupitshila ku ditabuija diabu kudiye. Tangila “Tshishima” mu Buludiki bua mu Mifundu bua bilejilu bikuabu.
Ditabuija Didi mua Kutuala Ditalala
Kuikala ne ditabuija mu Nzambi ne mu dilongolola dia lupandu dienta bidi mua kutukankamika mu bikondu bietu bia ntatu. Ditabuija didi mua kutupesha bukola bua kuya kumpala ne kutamba malu makola ne dikima. Nansha pikala matuku alualua mikala ka’ayi mamanyika, ditabuija dietu mu Mupandishi didi mua kutupesha ditalala.
Ditabuija mu Kilisto didi dilombola ku lupandu.
Kuikala ne ditabuija mu Kilisto bidi bitulombola ku lupandu luetu. Kilisto udi mulongolola mushindu wa tuetu kupeta moyo wa tshiendelela. Patudi tuenzela ditabuija dietu kudi mu yeye, tudi mua kubuikidibua ku mibi yetu ne tudi mua kupingana kabidi bua kuikala ne Nzambi.
© 2023 by Intellectual Reserve, Inc. All rights reserved. Mupatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, April 2023. Language. 19006 760