Klumech er a bek el buil LiahonaOngeua el buil 2023

Klaumerang er a Jesus Kristo.

Jesus Kristo, mla er a Harry Anderson

Sel ngar er ngii a klaumerang er kid er a Jesus Kristo a kot el telengtengil a ebangkelio (mesa A Tebechelel a Klaumerang 1:4). A klaumera er kid a ngosukid el mo meruul a ungil sebchel ngoikid el muut el mo er a Demad er a Babeluades. Ng sebched el oureor melisiich er a klaumerang er kid er a chelsel a klengar kid.

Ngera Klaumerang?

A klaumerang a sel mesisiich el oumerang er tekoi. Sel ngar er ngii a klaumerang er kid eng sel oureng ma klaumerang er a tekoi el merang, omko ng diak el sebched el mes malechub kede omtab (mesa Hebrews 11:1; Alma 32:21).

Cholechotel el ngara Kristo me a Merau el Ngeasek el Mengederedelmlara Heinrich Hofmann

Klaumerang er a Jesus Kristo

Sel omerael bedul a mo suobel, ea klaumerang er kid a kirel oltirakl er a Jesus Kristo el Osebeled. Sel ngar er ngii a klaumerang er kid er a Kristo belkul a kmo kede oumerang er Ngii. Kede ultuil er Ngii—oumerang er a Klisichel, llemesel, me a beltkil a rengul. Ng dirrek el uldimukl er a oumerang e oltirakl a Osisecheklel.

Mo klou a Klaumerang er Kid

A klaumerang a sengk el mlara Dios, engdi ng kired el sikii e oureor melisiich er ngii. Ng sebched el melisiich er a klaumerang er kid lokiu a nglunguuch ma omesuubel a chedaol llechukl ma osischeklel a re profet ra uriul-klebesei. Kede dirrek el melisiich er a klaumerang er kid sel doruul a ungil e oltirakl aikel telbiled.

Klechad lokiu a Klaumerang

A klaumerang a lmuut el dmolech a belkul er a di oumerang. Ng belkul a kmo ke mo meruul aikal moumerang. Kede ochotii a klaumerang er kid er sel teteled el chad. A klaumerang er a Jesus Kristo a rulid el mo soad el oltirakl er Ngii. A klaumerang er kid a rulid el mo oltirakl a llechul, mo ouuchel a rengud er a kengtid, e mo meruul e oltirakl a telbiled.

Klaumerang a Otireklid el mo er a Mengasireng

A meral klaumerang a ocholt a mengasireng el tekoi, el sebechel ues, berrous, omekungil, malechunb eng bebil er a teletael mlara Dios. A chedaol llechukl a ngar er ngii a betok el cheldecheduch er a rechad el mla ngmai a mengasireng el tekoi mla er a Rubak el klaumerang er tir a uchul. Mesa “Mengasireng” ma bebil er a omsodel er a Guide to the Scriputres. .

Klaumerang a Meskid a Budech

Sele ngarngii a klaumerang er kid er a Dios me auldasu er a mo suobel a sebechel melisiich er kid er a temel a cherarou. A klaumerang a sebchel meskid a klisiched el merael bedul uchei e mo chemau aikel ringel loba klisiich. Mesel sekum a ngar medad el taem a kora rrau a rengud el kirel, ea klaumerang er kid er a Osobel a sebchel meskid a budech.

Klaumerang er a Jesus Kristo a Otireklid el mo Suobel

Sel doruula ikel kirel a klaumerang er kid er a Kristo eng otireklid el mo suobel. A Kristo mla rulii a rael el sebched el ngar er ngii e mo nguu a diak a ulebengelel klengar. Sel de kiei loltirakl er a klaumerang er kid er Ngii, eng sebched el mousubes a kengtid e lmuut el mo kiei lobengkel a Dios.

Ngara Chedaol Llechukl

Klaumerang a mengai er sel dorrenges a tekingel a Dios (mesa Romans 10:17).

Klaumerang el diak a omeruul a ulekeuad (mesa James 2:17–18).

A Rubak a sebechel remuul a rokui el kired a lsekum ngarngii a klaumerang er kid (mesa 1 Nephi 7:12).

Tekoi el bo Dodengei

Telbiil: chedaol yaksok el de ruul kid ma Dios. Kede meruul a telbiil er a temel a chedaol ruoll el ua techolbechlid ma endowment er a templo.

Mengasireng: a mengas a rengud el tekoi el mekedmokl lokiu a Dios. Kede mes a mengasireng el tekoi el klaumerang er kid er a Rubak a uchul.

Uldasu er a mo suobel: Uldesuel a Dios el olngeseu er a Rengelekel el mo ikrii a klengit me a kodall e lmuut el mo er Ngii. Klaumerang er a Jesus Kristo a klou a belkul er tial uldasu leng di tal lokiu a Tngakireng er Ngii eng sebeched el mo suobel.

Lmuut el mo Medengei a Betok

A lsekum eng ngarngii a kerim el kirel a klaumerang, ngsebechem el mengedecheduch er tikrel mesiou el rodam me a rodos, roungerachel er a ward a lechub eng branch, a lechub a remisionari. Ng sebechel el metik a olisechakl ma bebil er a tekoi el kirel a klaumerang er a ChurchofJesusChrist.org a lechub a Gospel Library app.

© 2023 lokiu a Intellectual Reserve, Inc.Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a bek el buil er a Liahona, Ongeua el buil 2023. Language. 19006 881