“Yesu Kristo mu Gyedie,” Liahona, Oforisuo 2023.
Bosome bosome Liahona Nkransԑm, Oforisuo 2023
Yesu Kristo mu Gyedie
Yesu Kristo, Harry Anderson na ɔde maae
Worenya gyedie wɔ Yesu Kristo mu yɛ asɛmpa no nnyinasosɛm a ɛdi kan (hwɛ Gyedikansɛm 1:4). Yɛn gyedie bɛboa yɛn ama yɛatumi ayiyi deɛ ɛde yɛn bɛkɔ yɛn Soro Agya nkyɛn. Yɛbɛtumi ayɛ adwuma ahyɛ yɛn gyedie den yɛn nkwa nna nyinaa.
Deɛn ne Gyedie?
Gyedie yɛ sɛ mogye biribi di pintinn anaa mowɔ ɛmu awerɛhyɛmu. Sɛ morenya gyedie, ka anidasoɔ ne gye di wɔ nneɛma a ɛyɛ nokorɛ ho, mpo sɛ yɛrentumi nhunu wɔn anaa yɛbɛte wɔn aseɛ awie (hwɛ Hebrifoɔ 11:1; Alma 32:21).
Nkyerɛkyerɛmu firi Kristo ne Ɔbabunu Defoɔ no hɔ, Heinrich Hofmann na ɔde maae
Gyedie a ɛgyina Yesu Kristo so
Ɛde yɛn bɛkɔ nkwagyeɛ mu no, ɛsɛ sɛ yɛn gyedie gyina Yesu Kristo so sɛ yɛn Agyenkwa ne Ɔgyefoɔ. Yɛrenya gyedie wɔ Kristo mu no kyerɛ sɛ yɛrenya ahotosoɔ wɔ Ne mu. Ɛkyerɛ sɛ mode mo ho reto Ɔno nko ara so—anya awerɛhyɛmu wɔ Ne tumi, nyansa, ne ɔdɔ mu. Ɛka ho nso yɛ sɛ moregye Ne nkyerɛkyerɛ adi na moadi n’akyiri.
Rema yɛn Gyedie Anyini
Gyedie yɛ akyɛdeɛ firi Onyankopɔn hɔ, nanso ɛsɛ sɛ yɛhwehwɛ na yɛdi ho dwuma kora no ahoɔden mu. Yɛbɛtumi afa mpaebɔ, ne twerɛsɛm no sua, ne nna a ɛdi akyire nkɔmhyɛfoɔ nkyerɛkyerɛ so ama yɛn gyedie anyini. Yɛma yɛn gyedie mu nso yɛ den berɛ a yɛbɔ tenenee abrabɔ na yɛkora yɛn apam.
Wɔte ase nam Gyedie so
Gyedie dɔɔso pa ara kyɛn sɛ moregye adi kwa. Redi saa gye di no ho dwuma ka ho. Yɛkyerɛ yɛn gyedie wɔ yɛn asetena mu. Gyedie wɔ Yesu Kristo mu kanyan yɛn ma yɛdi Ne pɛyɛ nhwɛsoɔ no akyiri. Yɛn gyedie di yɛn anim ma yɛdi mmaransɛm so, sakyera firi yɛn bɔne ho, yɛyɛ na yɛkora apam.
Gyedie Bɛtumi Adi Anwanwa nnwuma anim
Nokorɛ gyedie de anwanwa nnwuma, ba a anisoadehunu, daeɛso, ayaresa, ne akyɛdeɛ foforɔ a ɛfiri Onyankopɔn hɔ bɛtumi aka ho. Twerɛnsɛm no kura nkorɔfoɔ bebree a wɔnyaa anwanwa nnwuma firii Awurade hɔ ho abasɛm ɛnam wɔn gyedie wɔ Ne mu nti. Hwɛ nhwɛsoɔ binom wɔ “Anwanwa dwuma” hɔ wɔ Twerɛnsɛm Akwankyerɛ no mu .
Gyedie Bɛtumi de Asomdwoeɛ Aba
Renya gyedie wɔ Onyankopɔn ne Ne nkwagyeɛ nhyehyɛeɛ mu, tumi hyɛ yɛn den wɔ yɛn nsɛm denden mu. Gyedie bɛtumi ama yɛn ahoɔden ako akɔ nkan de akokoɔduro agyina yɛn amanehunu ano. Mpo sɛ yɛn daakye reyɛ bisibasaa a, yɛn gyedie wɔ Agyenkwa no mu bɛtumi ama yɛn asomdwoeɛ.
Gyedie wɔ Yesu Kristo mu di yɛn anim kɔ Nkwagyeɛ mu.
Rekyerɛ gyedie wɔ Kristo mu bɛdi yɛn anim akɔ yɛn nkwagyeɛ mu. Kristo asiesie kwan no ama yɛn sɛ yɛbɛnya nkwa a ɛnni awieɛ. Berɛ a yɛfa yɛn gyedie wɔ Ne mu so tena ase no, wɔbɛtumi de yɛn bɔne akyɛ yɛn na yɛasan ne Onyankopɔn akɔtena bio.
© 2023 by Intellectual Reserve, Inc. All rights reserved. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome bosome Liahona Nkransɛm, Oforisuo 2023. Language. 19006 000