Mich ngak Yesus Kristus

Bay e nib michuan’uy ngak’ Yesus Kristus e bin somm’on e kenggin e yalen ko fare gospel (muguy ko Articles of Faith 1:4). Mich rodad ma ayuwegdad ni ngad mel’eg e tin mat’aw ma ayuwegdad ni ngad suloed nga Chitimangdad nu Tharmiy. Gadad ma muruwel’ ni ngad gelnagdad e mich rodad ufithik’ e yafos rodad.

Mang e Mich?

Mich ir e michaen’uy nib gel fa pagan’uy nifan e ba’nen. Mich ni tay e bu’un e athap nge michaen’uy ulan e pi’nen nib riyul’, ni dabda guyed fa nanged gubin marunga’agen (muguy ko Hebrews 11:1; Alma 32:21).

Mornga’agen Kristus nge fare Pilung nib Fla’ab, yib rok’ Heinrich Hofmann

Mich e Tabab ko Yesus Kristus

Ma powi’iy nga wo’en e thap, mich rodad thingari tabab ko Yesus Kristus ni’ir e Tathapegdad nge Tabayul rodad. Ba e mich u Kristus ba yip’ fan e pagaen’ rodad ngak’. Bay yip’ fan ngarin pagan’ Ngak—pagan’uy ko gelngin, ganop, nge tu’ufeg. Mu’un ni ngan mich u wun’uy nge fol ko machib Rok.

Gelnag e Mich Rodad

Mich ir ra tawa’ath ni yib rok’Got, machane thingardad sapgad ni fan biney nge gelnag. Gadaed ra gelnag e mich rodad napan ni ngad meybil nge filed u lan fapi chep nib thothup nge pi thin ko fapi profet ko tin tomur e rran. Ma gadad ra gelnag e mich rodad napan ni ngad fasgad nib fel’ rogon nge fol ko pi michmicheg rodad.

Fasgad udakaen e Mich

Mich e bo’or fan ko kemus e nangan’. Ni bu’un e ngongol ko re n’em nib mich u wun’um ngay. Gadad ma dag e michaen’daed udakaen e rogon ni ngad paer rodad. Mich ngak Yesus Kristus ma pii’ athamgil ngodad ni ngad fol e rogon Rok’ nib machalbog. Mich rodad ma powi’iy nag dad ni gadad ra fol e pii’ motochiyl, kalnganʼ ko pi denen rodad, min fal’eg nge fol e pi michmicheg.

Mich ni ra Powi’iy nga Ma’ang’ang

Mich nib riyul’ ma fek dad e pi ma’ang’ang, ni tay e bu’un ko thogthog, lik’ay, gol, nge reb e tawa’ath ni ra yib ngak’ Got. Pi chep nib thothup bay bo’or e ya’at marunga’agen e gidii’ nikar thapeged e pi ma’ang’ang ngak Somoel bachaen e mich rorad Ngak. Muguy ko “Ma’ang’ang” ulan fare Guide tot he Scriptures nifan boch e pi susun.

Mich era Pii’ e Gapas

Bay e mich ulan Got nge wo’en ko thap Rok ra pii’ ngodad e gelngin ufithik’ e ngiyal’ rodad nib mo’omaw’. Mich nira pii’ ngodad e gelngin ni ngad miliyed dad nga m’on nge fekdad e magawon nibay e athamgil. Ni mus dabda nanged mang gara buch, e mich ngak’ fare Tathapegdad nima pii’ ngodad e gapas.

Mich ngak Yesus Kristus ma Powi’iy dad nga Wo’en ko Thap

Mel’eged e fel’ ma bachan e mich roraed nib gel u Kristus ra powi’iydad nga wo’en ko Thap. Kristus ea tunom ni fan ngom ni ngad thapeged e yafos nib manimus. Napan gadad ma fasgad ni bay e mich Ngak, ni ngan athepeged e n’agfan ko denen rodad man sulod nge paered bayay rok Got.

© 2023 ko Intellectual Reserve, Inc. Gubin ni mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Milwol ni Ngan Thapeg ko Monthly Liahona Message, April 2023. Language. 17464 905