Ɔfiɔŋ-ke-ɔfiɔŋ Etop Liahona , Ɔyɔhɔ Ɔfiɔŋ Ition 2023
Ndiyom Emem eke Idem-owo
Esisit esiode ewet
Mfin ami nyetiŋ ikɔ mbaŋa se ami nkekpep mbaŋa utibe-ŋkpɔ ke ediyom emem eke idem-owo, ke sutɔ ndaha nnyin ekpedide. …
Ami mmekpep mme ŋkpɔ akpanikɔ ition otode [ke] ukpep-ŋkpɔ eke Andinyaŋa.
Akpa, edi-nɔ enɔ eke emem ke nnyin ima inyene mbuɔtidem man inim ibet Esie. …
Udiana, Edisana Spirit eyedi onyuŋ edidaŋ ye nnyin. …
Ɔyɔhɔ Ita, Andinyaŋa ama ɔŋwɔŋɔ ete ke nte nnyin inimde mme ediomi nnyin, nnyin iyekop ima eke Ete ye Eyen enyenede enɔ idem mmɔ ye nnyin. …
Ɔyɔhɔ Inaŋ, edinim ibet Abasi oyom awak akan nkop-item. Nnyin inyene ndima Abasi ke ofuri esit, odudu, ekikere, ye ukpɔŋ nnyin. …
Ɔyɔhɔ Ition, enehede anwaŋa koro Ɔbɔŋ ama nnyin akaha ekesim edikpe ekɔm-urua nnɔ mme idiɔk-ŋkpɔ nnyin man otodo nnyin ikeme—otode ke mbuɔtidem nnyin ke Enye ye nkabare-esit nnyin, otode ke mme ntak Erisio-isop Esie—inyene enɔ eke emem emi ɔŋayaŋade ifiɔk owo” [Philippians 4:7], ke uwem emi ye Enye ke nsinsi. …
Mbon ufɔk Abasi ke ofuri ebiet ema ekop enɔ Abasi kabaŋa emem eke idem-owo. Enye eteme kpukpru owo ete enwam mbon efen enyene nti ifet man edi etiene Enye enyuŋ edot edi-bɔ ukem emem oro ke idem mmɔ. Mmɔ, ke ndaha efen, eyemek man eyom ifiɔk-Abasi ndidiɔŋɔ nte mmɔ ekemede ediyak enɔ oro aka iso ekesim mbon efen.
Mbufa emana eyekabare edi mme andibɔk emana eke editienede. Utip utom emi eyekabare edi utibe-ŋkpɔ kiet. Oro eyetara onyuŋ ɔkɔri nte ini akade iso, ndien eyebeŋe obio-ubɔŋ Abasi ke isɔŋ enim onyuŋ odot edidara Enye ye mme mfiori-ŋkpo eke hosanna. Emem eyedu ke isɔŋ.
©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Liahona, Ɔyɔhɔ Ɔfiɔŋ Ition 2023.. Language. 19025 553