Iindawo ukusuka kwiziBhalo

Getsemane

Funda ngakumbi ngendawo apho iimbandezelo zoMsindisi ngenxa yethu zaqala khona.

igcume lomnquma

Iphi?

Kwithambeka leNtaba yemiNquma, kwimpuma yeYerusalem (ekunene kulo mzekeliso, kuphawulwe ngomthi omkhulu kakhulu).

imephu yeYerusalem yamandulo

Umfanekiso wemephu yaseYerusalem nguJim Madsen

Yintoni Eyayilapho?

Igcume lemithi yomnquma mhlawumbi nesixovulelo sokufumana i-oli kwiminquma.

isixovulelo somnquma

Kwenzeka Ntoni Apha?

Emva kweSidlo sangokuhlwa sokuGqibela, uYesu Krestu wahamba nabaPostile baKhe abalishumi elinanye ukuya eGetsemane. Yena emveni koko waya ecaleni eyokuthandaza kwaye wathatha uPetros noYakobi noYohane kunye naYe.

“Waqalisa ukukhwankqiswa kakhulu, kunye nokuba nzima kakhulu.” Wathi, “Umphefumlo wam ubuhlungu ngokunzulu, ngokokude ube sekufeni” (Marko 14:33–34).

Yena wathandaza, “Bawo, ukuba uyavuma, mayidlule le ndebe kum: kodwa makungabi kukuthanda kwam, kodwa okwakho okwenzekayo.

“Yaye kwabonakala ke kuye isithunywa esivela ezulwini, simomeleza.

“Uthe ke, eneminzunzu, kwaba kukhona athandaza enyamekile; yaye ukubila kwakhe kwaba njengamathontsi egazi esiwa emhlabeni.” (Luke 22:42–44).

Emva koku kubandezeleka kabukhali koMsindisi, Wangcatshwa nguYudas waza wabanjwa ngamagosa angamaYuda kunye neqela lamajoni aseRoma.

Ingaba Ubusazi?

Lo myezo useNtabeni yemiNquma yayiyindawo awayesiya kuyo uYesu rhoqo (bona Luka 22:39; Yohane 18:2).

“Ngesi-Aramiki, igama getsemane lithetha ‘isixovulelo somnquma.’”¹

Xa iminquma ityumzwa okokuqala kwisixovulelo somnquma, i-oli ephumayo iba bomvu, njengegazi.

Ngexesha loMsindisi, ukuvelisa i-oli yomnquma yayiyinkqubo yokunyusa uxinzelelo kwinqanaba ngalinye ukuze kukhanywe i-oli eninzi kangangoko kunokwenzeka:

1. Tyumza iminquma phantsi kwelitye elikhulu.

2. Beka iminquma etyumziweyo kwiingobozi ezilukiweyo, kwaye upakishe iingobozi enye phezu kwenye.

3. Beka umqadi omkhulu okanye ukhuni phezu kweengobozi ezipakishiweyo.

4. Qhoboshela amatye ekupheleni komnye umqadi.²

I-oli yomnquma yayisetyenziswa mandulo ukwenza i-oli yesibane, i-oli yokupheka, ukutya, isepha, imisitho yonqulo, nesithambiso zokunyanga amanxeba.

Kwiminyaka emininzi phambi kokuza kukaKrestu, ingelosi yaxelela uKumkani uBhenjamin malunga nokubandezeleka kukaKrestu eGetsemane, isithi, “Igazi liphuma kuzo zonke iintunja, ngoko kuya kuba kukhulu ukubandezeleka kwakhe” (Mozaya 3:7).

Ukubandezeleka koMsindisi ngenxa yethu kubandakanya ukubandezeleka kwaKhe eGetsemane nasemnqamlezweni, apho Yena wafela khona. Yena wazithabathela kuYe zonke izono zethu, iintlungu, iimbandezelo, izilingo, izigulo, nobulwelwe (bona Alma 7:11–12).

UYesu Krestu eGetsemane

Gethsemane [Getsemane], nguMichael Malm

Khumbula iGetsemane

“Khumbula, kanye njengokuba umzimba womnquma, owawucinezelwelwa i-oli eyayinika ukukhanya, ngoko uMsindisi wacinezelwa. Kuwo yonke intunja kwaphuma igazi lobomi boMkhululi wethu. … Xa indebe yakho yovuyo iphalala, yikhumbule indebe yaKhe yobukrakra, eyenza ukuba oko kube nokwenzeka. Yaye xa izilingo ezibuhlungu zifike kuwe, khumbula iGetsemane.”

UMongameli uRussell M. Nelson, “Why This Holy Land?” Ensign, EyoMnga 1989, 18.

© 2023 yi Intellectual Reserve, Inc. All rights reserved. Ishicilelwe eUSA. Imvume yesiNgesi: 6/19. Imvume yenguqulelo: 6/19. Inguqulelo ye Monthly For the Strength of Youth Message, June 2023. Language. 19026 773

Amanqaku

1. IsiKhokhelo kwiZibhalo, “Gethsemane.”

2. Bona D. Todd Christofferson, EyeDwa. 2016 ikomfa yajikelele (Ensign okanye Liyahona, EyeNkanga. 2016, 50).