iTukutuku Liaona Vakavula, June 2022

Sa Rawa ni Vukei Keda na Yalo Tabu.

Na Yalo Tabu e ikatolu ni Lewetolu Vakalou. Na ivolanikalou talega e vakatokai Koya me Yalo, Yalo Tabu, se na Dauveivakacegui. Nida vulica meda rogoca na Domona, ena vakadinadinataki Jisu Karisito vei keda ka vukei keda meda vulica na dina ni kosipeli.

Lewe ni Lewetolu Vakalou

Na Tamada Vakalomalagi, o Jisu Karisito, kei na Yalo Tabu eratou Lewetolu Vakalou Eratou lomani keda ka cakacaka ena duavata me vakayacori kina na yavu ni veivakabulai. E dina ni Tamada Vakalomalagi kei na Jisu Karisito erau taukena na yago vakalewe kei na sui; na Yalo Tabu e sega. Sai Koya na yalo.

Na ivakadinadina ni Tamana kei na Luvena.

Na Yalo Tabu e “vakadinadinataka na Tamada kei na Luvena” (2 Nifai 31:18). Oqo e kena ibalebale ni da rawa ni ciqoma e dua na ivakadinadina kei Tamada Vakalomalagi kei Jisu Karisito mai na Yalo Tabu.

Vakadinadinataka na Dina

Na Yalo Tabu sa dau vakadinadinataka na dina kecega. Ena vukei keda o Koya meda kila ni kosipeli—oka kina na yavu ni veivakabulai, ivakaro ni Kalou, na Veivakalesuimai, kei na Veisorovaki i Jisu Karisito—era sa dina. Ena vaqaqacotaka o Koya na noda ivakadinadina nida tomana tikoga na masu, muria na ivakaro, ka vulica na kosipeli.

Dusimaki ka Taqomaki Keda

E rawa me dusimaki keda na Yalo Tabu ena noda vakatulewa ka taqomaki keda mai na veika rerevaki vakayago ka vakayalo. Ena vukei keda o Koya me da kunea na isau ni noda taro kevaka eda masu ka tovolea me da cakava na veika dodonu. Ena tuberi keda ena veigauna “meda kitaka na ka vinaka” (Vunau kei na Veiyalayalati 11:12).

Vakacegui Keda

Ena so na gauna e dau vakatokai na Yalo Tabu me “Dauveivakacegui” (Joni 14:26). Sa rawa Vua me vakasinaiti keda ena “inuinui kei na loloma e uasivi sara”(Moronai 8:26) ni da lomaleqa, rarawa, se rere. Ni vukei keda o Koya me da vakila na loloma ni Kalou, e rawa nida ulabaleta na yalolailai ka vaqaqacotaki ena noda vakatovolei.

Na iSolisoli ni Yalo Tabu

Nida sa papitaiso oti, eda sa ciqoma na isolisoli ni Yalo Tabu ena dua na cakacaka vakalotu ka vakatokai na veivakadeitaki. Nida sa ciqoma na isolisoli oqo, sa rawa ni noda na veitokani tudei ni Yalo Tabu kevaka eda bula dodonu tiko.

iyaloyalo mai vei J. Kirk Richards

Eda Rogoca Vakacava na Yalo Tabu

Na Yalo Tabu e dau veitaratara kei ira na tamata ena sala duidui eso. Oqo e rawa ni oka kina na vakila na vakacegu, loga vinaka se na raikiloma ena veika me tukuni se caka. Ni da masuta na veidusimaki ka vakarorogo ki na Nona veivakauqeti, eda rawa ni vulica na sala e vosa kina vei keda o Koya.

Mai na iVolanikalou

Na Yalo Tabu ena vakavulici kenudou ena ka kecega (raica na Joni 14:26).

O rawa ni kila na dina ena Yalo Tabu (see Moroni 10:5).

Na Yalo Tabu e rawa ni vosa vei iko ena nomu vakasama kei na vu ni yalomu (raica na Vunau kei na Veiyalayalati 8:2).

Veivosa Eso me Nanumi

Yavu ni veivakabulai: Na ituvatuva ni Kalou me vukei ira na Luvena me ra ulabaleta kina na ivalavala ca kei na mate me ra lesu tale Vua.

iVakadinadina: e dua na ivakadinadina vakayalo ni dina e dua na ka.

Cakacaka vakalotu: E dua na cakacaka tabu, vakadonui ka vakayacori ena lewa ni matabete.

Kunea Eso Tale

Kevaka e tiko nomu vakatataro me baleta na Yalo Tabu, sa rawa mo vulica na ivolanikalou, vosa ni koniferedi raraba, kei na ivurevure tale eso ena Gospel Library (ChurchofJesusChrist.org se ena app veikauyaki). Kevaka e tiko na nomu vakatataro me baleta na vakabauta, e rawa ni o veitalanoa kei ira na nomu turaga se marama dauveiqaravi, nomu iliuliu ni tabanalevu se tabana, se o ira na daukaulotu.

© 2023 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. Vakadewa ni Monthly Liahona Message, April 2023. Language. 19026 000