Te Rongorongo man te Riaona ae Katoa Namwakaina, Tuun 2023

E Kona te Tamnei ae Raoiroi ni Buokiira

Te Tamnei ae Raoiroi bon ngaia te kateniman n te Atu n Atua. E mwaneaweaki n Koroboki aika tabu bwa Ngaia te Tamnei, Tamnei ae Tabu, ke te tia Karaunano. Ngkai ti reiakinna ni kakauongo nakon Bwanana, E na kakoaua nakoira Iesu Kristo ao ni buokiira n reiakini koaua man te euangkerio.

Kaain Te Atu n Atua

Te Tama are i Karawa, Iesu Kristo, ao te Tamnei ae Raoiroi bon kaain te Atu n Atua. A rangi n tangiriira ao a mwakuri ni katiteunaaki ni kakoroa bukin te babaire ni kamaiu. Ngkai Tamara are i Karawa ao Iesu Kristo iai rabwataia ma irikoia ao riia, te Tamnei ae Raoiroi bon akea. Bon te tamnei Ngaia.

Kakoaua iroun te Tama ao te Nati

Te Tamnei ae Raoiroi e “kakoaua ibukin te Tama ao te Nati” (2 Nibwaai 31:18). Are nanona bwa ti kona ni karekei kakoaua ibukin Tamara are Ikarawa ao Iesu Kristo rinanon te Tamnei ae Raoiroi.

Kakoaua te Koaua

Te Tamnei ae Raoiroi e kakoauai koaua ni kabane. E na buokiira n ataa te euangkerio—n ikotaki ma te babaire ni kamaiu, ana tua te Atua, Kaokan bwaai, ao ana Mwakuri ni Kamaiu Iesu Kristo—bwa a bane ni koaua. E na kakorakorai ara koaua ngkana ti teimatoa n tataro, kawakin tuua, ao ni kamatebwaia te euangkerio.

Kairiira ao Kamanoira

Te Tamnei ae Raoiroi e kona ni kairiira n ara babaire ao ni kamanoiira man kangaangan te maiu n tamnei ao n rabwata. E na buokiira ni kunei kaekaan ara titiraki ngkana ti tataro ao ni kataia ni karaoa ae eti. E na kairiira n taainako ni “karaoan ae raoiroi” (Reirei ao Berita aika Tabu 11:12).

E na mwaneira raoi

N tabetai te Tamnei ae Raoiroi e kaotaki arona bwa te “tia Karaunnano” (Ioane 14:26). E kona ni kaoniira “ma te kantaninga ao te tangira ae kororaoi” (Moroni 8:26) ngkana ti raraoma, nanokawaki, ke ni maaku. Ngkai E buokiira n namakina ana tangira te Atua, ti na kona n tokanikai man te bwarannano ao ni kakorakoraaki inanon kataakira.

Te Bwai n Tituaraoi ae te Tamnei ae Raoiroi

Imwiin bwabetitoakira, ti na karekea ana bwai n tituaraoi te Tamnei ae Raoiroi inanon te otenanti ae te kamatoaki. Ngkai ti karekea te bwai n tituaraoi aei, ti na kona ni karekea raoraonakira iroun te Tamnei ae Raoiroi ngkana ti maiuakinan te etieti.

Kamataata n te tamnei iroun J. Kirk Richards

Ti na Kanga n Ongo Iroun te Tamnei ae Raoiroi

Te Tamnei ae Raoiroi e kona n reitaki ma aomata n aanga aika a kakaokoro. Aikai a kona n raonaki ma te rau, namakinan te raunnano ke atatai bwa tera ae ko na taekinna ke ni karaoia. Ngkai ti tataro ibukin te kairiiri ao n ongora nakon Ana wirikiriki, ti na kona n reiakinna bwa E kanga n taetae nakoira.

Man Koroboki aika Tabu

Te Tamnei ae Raoiroi e na reireingkami bwaai ni kabane (taraa Ioane 14:26).

Ko kona n atai koaua man mwaakan te Tamnei ae Raoiroi (taraa Moronaai 10:5).

E na taetae te Tamnei ae e Raoiroi nako nanom ao am iango (taraa Reirei ao Berita aika Tabu 8:2).

Taeka aika a na Uringaki

Babaire ni Kamaiu: Ana babaire te Atua ni buokiia Natina n riki ao n oki Nakoina.

Kakoaua: te kakoaua n te maiu tamnei bon te bwai ae e koaua.

Otenanti: te mwakuri ae e tabu, are e karaoaki man ana kariaia te nakoanibonga.

Kakaea Riki ae Mwaiti

Ngkana iai am titiraki iaon te Tamnei ae Raoiroi, ko kona ni kamatebwai koroboki aika tabu, marooro man te maungatabu ni kabuta, ao tabeua riki bwaai n ibuobuoki n te Gospel Library (n ChurchofJesusChrist.org ke n te mobile app). Ko konaa naba ni marooro nakoia taari ao aine n te mwakuri ni ibuobuoki, am taan kairiiri n am uoote ke mwaanga, ke mitinare.

© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly Liahona Message, April 2023. Language. 19026 859