Har Mahine ka Liahona Sandesh, June 2023

Pavitra Aatma Hamari Madad Kar Sakte Hai

aadami baitha hai aur suryedaye dekh raha hai

Pavitra Aatma Ishwartav ka teesra sadasye hai. Dharamshaastr bhi unhen Aatma, Pavitra Aatma ya Dilaasa dene waale(Comforter) ke roop mein sandarbhit karte hai. Jaise hee ham Uski aawaaj sunana sikhate hai, Woh hamare liye Ishu Masih kee gawahi dega aur hamen susamaachaar ki sachchaiyon ko sikhane mein madad karega.

Ishawartav ka Sadasye

Swarg ke Pita, Ishu Masih, aur Pavitra Aatma Ishwartav hain. Weh hamase prem karte hain aur uddhaar ki yojna. ko pura karane ke liye ekta mein kaarye karte hai. Yadyapi Swarg ke Pita aur Ishu Masih ke shareer maans aur haddiyon ke hai, Pavitra Aatma ke paas nahin hai. Woh ek aatma hai.

Pita aur Putr kee kaanch kee chhavi

Pita aur Putr kee gawahi

Pavitr Aatma “Pita aur Putr ke gavah” (2 Nephi 31:18). Iska matlab hai ki ham Pavitra Aatma ke dwaara Swarg ke Pita aur Ishu Masih ki gawahi praapt kar sakate hai.

Sachchaai ki gawahi deta hai

Pavitra Aatma sabhi sachchai ki Aatma gawahi deta hai. Woh hamen us susmaachaar ko jaanane mein madad karega— saath me mukti ki yojna, Parmeshwar ki aagyaon, Punahsthaapna, aur Ishu Masih ki Praeshchit—sabhi sachch hai. Woh hamari gawahi ko mazboot karega, jaise hum prarthana, aagyaon ka paalan karna aur susamaachaar ka adhyayan karna jaaree rakhate hain.

haath mein kampaas pakade hue

Hamara Maargdarshan aur Raksha karta hai

Pavitra Aatma hamare nirnayon mein hamara maargdarshan kar sakti hai aur hamen shaareerik aur aadhyaatmik khataron se bacha sakti hai . Woh hamare sawalon ke jawab khojane mein hamari madad karega agar ham prarthana karen aur jo sahi hai use karne ka prayaas karen. Woh hamesha “achche kaam” karane mein hamari aguwai karega (Doctrine and Covenants 11:12).

Hamen Sukoon deta hai

Pavitra Aatma ko kabhee-kabhee “the Comforter” kaha jaata hai(John 14:26). Woh hamen “aasha aur purn prem se bhar sakta hai” (Moroni 8:26) jab ham chintit, dukhi, ya dara hua hain. Jab Woh hamen Parmeshwar ke prem ko mehsoos karne mein madad karta hai, to ham niraasha par kaaboo pa sakte hain aur apanee pareekshaon mein mazboot ho sakte hain.

Pavitra Aatma ka Uphaar

Hamare bapatisma lene ke baad, ham pushtikaran naam ka dharamvidhi mein Pavitra Aatma ka uphaar praapt karte han. Ek baar jab ham is uphaar ko praapt kar lete hain, tab tak ham Pavitra Aatma ka nirantar saahacharye praapt kar sakte hai jab tak ham dhaarmikta se jee rahe hai.

mahila dharamshaastr padh rahi hai

J. Kirk Richards ne chitr banae

Ham Pavitra Aatma ko Kaise Sunte hai

Pavitra Aatma logon se vibhinn tarikon se prakat karta hai. Inmen shaantipurn, aaraam dene wali bhaavanaen ya kya kahana ya karna hai isake baare mein antardrshti shaamil ho sakti hai. Jab ham maargdarshan ke liye prarthana karte hai aur Uski prernaon ko sunte hai, to ham sikh sakte hai ki Woh hamse kaise baat karte hai.

Dharamshaastr me se

Pavitr Aatma aapko sab kuch sikhaegi (dekhiye John 14:26).

Aap Pavitra Aatma ke dwara sach ko jaan sakte hai (dekhiye Moroni 10:5).

Pavitra Aatma aapse aapke man mein aur aapke hrday mein baat kar sakta hai (dekhiye Doctrine and Covenants 8:2).

Yaad karne ke Liye Shabd

Uddhaar ki Yojna: Apne bachchon ko paap aur mrtyu par vijay paane me madad karne ki Parmeshwar ki yojna Unke paas lautane ke liye.

Gavahi: ek aadhyaatmik gavahi ki kuch sach hai.

Dharamvidhi: Pristhud ke adhikaar dwara kara jaawe la ek pavitra, aupchaarik kaarye.

Aur Pata Lagaiye

Yadi aapake paas Pavitra Aatma ke baare mein prashn hain, to aap Gospel Laibreree mein shaastron, maha sammelan vaartaon aur anye sansaadhanon ka adhyayan kar sakte hai( ChurchofJesusChrist.org par ya mobile app mein). Aap apan dekhrekh kare la bhaai aur bahano, apan ward ya branch ke leaders, ya mishanaris(prachaarako) se baat kar sakte hai.

© 2023 by Intellectual Reserve, Inc. Sabhi adhikaar surakshit. USA me chaapa gaya. Angrezi swikriti: 6/19. Anuwaad swikriti: 6/19. Translation of Monthly Liahona Message, April 2023. Language. 19026 000