Nguhn Mutahl Kuh In Kahsre Kuht

Petsac

mukul se muhta ac liye ke faht ah takwack uh

Nguhn Mutahl el mwet in kahsruh ahktolu ke Sifac ke God. Ma suhmuhslah uh Pahnglol pac Nguhn, Nguhn Mutahl, ac Mwet in Ahkwo se. Ke kuht lutlut in lohng Puhsracl, Elac fahkwack nuh sesr kacl Jisus Kraist ac kahsre kuht in luti ma pwacye ke wosasuc.

Sie sin Sifac ke God.

Pahpah Inkuhsrao, Jisus Kraist, ac Nguhn Mutahl elos pa Sifac luhn God uh. Elos lungse kuht ac orekma in ma sefanna in kahsre kuht use placn in molwelah. Finne asr mahno ac sri kacl Pahpah Inkuhsrao ac Jisus Kraist, wangin luhn Nguhn Muhtahl. Nguhn se pa el.

Petsac

petsac in kuhlahs se kacl Pahpah ac Wen

Mwet loh luhn Pahpah ac Wen

Nguhn Mutahl “loh kacn Pahpah ac Wen” (2 Nephi 31:18). Kalmac pa kuht kuh in eis etuh pwacye ac fokoko kacl Pahpah Inkuhsrao ac Jisus Kraist yurin Nguhn Mutahl.

Fahkwack ke Ma Pwacye

Nguhn mutahl el fahkwack ke ma pwacye ke ma nuhkewa. El ac kasrekuht in etuh lah wosasucel— nwacnwack pacna placn in molwelah, masap luhn God, Sifilpac Fohlohkihnyuckyak ac Iwaclah lal Jisus Kraistel—pwacye. El ac ahkkweye luhlahlfongi lasr uh ke kuht sikalweni na in pruhe, karihngihn masap, ac lutlutkihn wosasuc.

Petsac

paho se sruok compass se

Kol ac Lange Kuht

Nguhn Mutahl el kuh in kol kuht ke sulwaclah lasr uh ac lange kuht ke mwe sruhf ac sensen ma kuh in sikyak nuke mahnosr kuh nguhn lasr uh. El ac kasrekuht sokwack top nuh ke kisensiyuck lasr fin kuht pruhe ac srihke in oruh ma pwacye. El ac kol kuht na in “oruh wo” pacl nukewa (Doctrine and Covenants 11:12).

Akwoye Kuht

Kutuh pacl uh pangpang Nguhn Mutahl “El suc Kahsre Kuht” (John 14:26). El kuh in nwekkuhtlac “ke finsrak ac luhngse suwohs” (Moroni 8:26) ke pacl kuht elyah, ahsor ac sahngeng uh. Ke El kahsre kuht in puhla luhngse luhn God, kuht kuh in kuhtanglah suhpwacr ac ahkkweyeyuck ke elyah lasr.

Mwe Sang luhn Nguhn Muhtahl

Tukun kuht pacptaislac uh, kuht eis mwe sang luhn Nguhn Mutahl ke akwuck se pahngpahng ahkkweyelah. Pacl se kuht eis ke mwe sang se uh, Nguhn Muhtahl e fah wi kuht pacl nuhkewa fin kuht moul suwohs.

Petsac

muhtwacn se riti ma suhmuhslah

Sroal sel J. Kirk Richards

Kuht Lohng Fuhkah Nguhn Muhtahl

Nguhn Muhtahl sramsram nuh sin mwet uh ke ohiyac puhkantwen. Kuhtuh ohiyac tuhkuh ke mihs, puhs wo se kuh petsac se ke ma e fahk kuh ma e oruh. Ke kuht pruhe ke kolyuck ac lihpsre pihrihkyuck Lal, kuht kuh in lotwelah lah El sramsram nuh sesr fuhkah.

© 2023 by Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke Englishg: 6/19. Ahkkweyeyucklac ke lweng: 6/19. Lwenglah luhn Mahlwem nuhkwewa Liahona Mwe Luti, Eprel 2023. Language. 19026 868