Bek el buil Liahona Klumech, Ongelolem el buil 2023

A Chedaol Reng a Sebechel Ngosukid

A Chedaol Reng a ongedei el chedal a Kle Dios. A chedaol llechukl a dirrek el lochotii el Ngii a Reng, el Chedaol Reng, malechub eng Mengelaod. Sel dosuub el mo orrenges a ikel tekoi el Ngii a melekoi, e Ngii a mo ochotii el me rekid a Jesus Kristo e ngosukid el smuub a ikel klemerang e ra ebangkelio.

Chedal a Kle Dios

Chedam er a Babeluades, Jesus Kristo, me a Chedaol Reng a Kle Dios. Te betik a rengrir er kid e oureor el dmak el kirel sel luldasu el lolsobel. Ma Demad ra Babeluades ma Jesus Kristo a ngarngii a bedengir ra tech ma chiuis, ngdi a Chedaol Reng a diak. Ngii a ngarngii a delebengel.

Sioning er a Chedam me a Ngalek

A Chedaol Reng “a sioning e ra Chedam me a Ngalek” (2 Nephi 31:18). Tia belkul a kmo kid a sebeched el nguu a klaumerang el kirel a Demad ra Babeluades ma Jesus Kristo e lokiu ra Chedaol Reng.

Olecholt ra Klemerang

Chedaol Reng a olecholt a rokui el klemerang. Ngii a mo ngosukid elmo medengei el kmo a ebangkelio—luldimukl e ra uldasu el lolsobel, llechul a Dios, Olutel a Cherengelel a Ebangkelio, ma Tngakireng e ra Jesus Kristo—a rokui el klemerang. Ngii a mo melisiich e ra klaumerang er kid sel dolmolem el meluluuch, oltirakl a llach, e mesuub e ra ebangkelio.

Omekrael e Mesebechakl er Kid

A Chedaol Reng a sebechel mekrolid ra ikel dolib el tekoi e sobecheklid e ra mo telemelel a bedenged ma mekngit el mera reng. Ngii a mo ngosukid el smiik a nger el kirel a kerid a lsekum e kede meluluuch e melasem el meruul a melemalt el tekoi. Ngii a mo blechoel el lomekrael er kid “el mo meruul a ungil” (Doctrine and Covenants 11:12).

Mengelaod er Kid

A Chedaol Reng a bebil ra taem e ngokodongall el kmong “Ongelaod” (Johanes 14:26). Ngii a sebechel dolmii e ra rengud “a urunguled ma cherrungel beltik el reng” (Moroni 8:26) sel de bekikl, ng kengtil a rengud, malechub e kede medakt. Mesel Ngii el lolengeseu er kid el melchesaur ra beltik el reng e ra Dios, eng sebeched el lengelakl e ra ikel lolibesongel e mo mesisiich e ra ikel longarem el me rekid.

Sengk e ra Chedaol Reng

Nguriul e ra de metecholb, e kede nguu a sengk ra Chedaol Reng ra chedaol ruoll lomekedong er ngii el kmo olterekokl. Sel tal denguu tial sengk, eng sebeched el di blechoel loba Chedaol Reng sel sekum e kede kiei e lokiu a lemalt.

Sunga el mlara J. Kirk Richards

Mekerang a Dorrenges e ra Chedaol Reng

A Chedaol Reng a mengedecheduch el mora rechad el lokiu a kakerous el teletael. A ikang a sebechel luldimukl e ra ungil budech, melchesuar ra ongelaod malechub eng mimokl osenged el kirel a tekoi el bo dolekoi malechub a doruul. Mesel doluluuch el kirel a ulekrael e orenges er Ngii ra otbechel, eng sebeched el mesuub el kmong mekerang sel Ngii a longedecheduch el me rekid.

Ngara Chedaol Llechukl

A Chedaol Reng a mo osisecheklau e ra rokui el tekoi (mesa Johanes 14:26).

Kau a sebechem el mo medengelii a klemerang e lokiu ra Chedaol Reng (mesa Moroni 10:5).

A Chedaol Reng a sebechel mengedecheduch e lekor kau e lokiu ra uldesuem ma chelsel a rengum (mesa Doctrine and Covenants 8:2).

Tekoi el bo Dodengei

Uldasu el lolsobel: Uldesuel a Dios el mo olengeseu e ra Rengelekel el mo uai Ngii el lmuut el mo re Ngii.

Klaumerang: ng sioning e ra reng el kmo ng klemerang a tekoi.

Chedaol ruoll: ng chedaol lomeruul el longetmokl er ngii a robang a klisichel a priesthood.

Lmuut el mo Medengei a Betok

A lsekum meng ngarngii a kerim el kirel a Chedaol Reng, eng sebechem el mesuub ra chedaol lechukl, a ikel cheldecheduch er a klou el ongdibel, ma bebil ra tekoi el ngara Gospel Library (ngara ChurchofJesusChrist.org malechub eng ngara mobile app). Ng sebechem el mengedecheduch er tikrel mesiou el rodam me a rodos, roungerachel er a ward ma lechub eng branch, ma lechub a re misionari.

© 2023 mal er a Intellectual Reserve, Inc. Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel ra Bek el buil, Klumech ra Liahona, Ongeua el buil 2023.​Language. 19026 881