Mulwol ni fan e Liahona ko biney e puul ko, June 2023

Kan Thothup e Rayog ni nge Ayuweg Dad

ba mo’on nibe yaliy ya’an e yal’

Fare kan Thothup e bin dalip e pigchalpen Got. U lan fapi chep nib thothup e ir e ba ya’al, mab kan nib Thothup ma ku ma ayuwegey. Napan ni gad ra motoyil ngak, ma ra ayuweg dad ngad ninged fan boch e thin nib riyul u marngegen Yesus Kristus nge marngegen e gospel.

Girdii ku Got

Chitamangindad nu Tharmiy, Yesus Kristus, nge Kan ni Thothup e ir fare ulung ku Got. Yad ba’adag dad ma nga ud marwel gad u tabyang nib mangil rogon e yag ni ngad thapegned wo’en fare thap. Chitamangdad nu tharamiy nge Yesus Kristus e bay e dowef nge yil rorow ma kan ni Thothup e dariy. Ir e ba ya’al.

sassing ni ya’an ba matam nge fak

Ir e ma micheg ko chitamngiy nge fak

Fare kan ni Thothup e ma “niʼir e be micheg fachaʼ ni Chitamangiy nge fachaʼ ni Fak,” (2 Nephi 31:18). Rayog ni ngad thapegned e pogfai ku Chitamngiy nu Tharmiy nge Yesus Kristus u fithik e kan ni Thothup.

Pogfai nag e tin Riyul Banen

Re Kan ni Thothup nem e ma pogfai nag e tin riyul banen. Ra ayuweg dad ngad nanged e gospel—nib mu’un fare wo’en e thap ngay, fare ragag i motochiyal ku Got ni ra fulweg gubin banen nge gil nge gagiyeg ku Yesus Kristus—e ba riyul. Ra rin ra pii gelngin e pogfai rodad fanra gad ra maybil, mag gad be nang fan fare ragag i motochiyal ma gad be fil fapi gospel.

l’agruw pa’ef nibe kol ba compass

Pow i Dad me Ayuweg Dad

Fare Kan ni Thothup e rayig ni nge ayuweg dad ko tin gad be rin me ayuweg dad nga rogon dad nge ya’al rodad. Ra ayuweg dad ngad pirngeged e fulweg ko tin ni gad be maybil nag ma gad be gay rogon ni ngad rined e tin nib mangil banen. Ra powi dad ko tin “fel banen” (Doctrine and Covenants 11:12).

Ma Pii e Athamgil Ngodad

Re kan ni Thothup nem e yim nang ni ir e ma “pii e Ayuw” (John 14:26). Ra suguy dad ko “nib sug ko athap nge adag nib machalbog,” (Moroni 8:26) u napan ni gad be magfan, kirban, fa gad be tamdag. Napan ni ra ayuwedad ngad thamiyed e adag ku Got, ma gad ra monog u fithik e gubin mit e kireb.

Fare Taw’ath ko Kan ni Thothup

Napan ni yira tawfe nigem, mag gra fek e re taw’ath ko Kan ni Thothup nem ni kan nog e gam’ing ara confirmation nga’. Napan ni gra fek e re taw’ath nem, ma ra par e kan ni thotup rom u numngin napan ni gabe par ni gab Thothup.

bee’ nib bpin nibe be’eg fapi chep nib thothup

Keb ko babyor ku J. Kirk Richards

Rogon ni Gad ma Rungag e Kan ni Thothup

Ra kan ni Thothup nem e boor rogon ni ma non ko girdii. Bara ni ke gapad laniyan niy fa rogon ni gabe gu fare nem nge rogon ni gabe yog fare nem. Napan ni gad ra maybil ni nge ayuweg dad ma gad motoyil ma gad ra guy rogon ni be puguran ma gad ra nang rogon ni be non ngodad.

U lan fapi Chep nib Thothup

Fare kan ni Thotup e ra fil boor banen (muguy e John 14:26).

Gara nang e tin riyul fau daken fare Kan ni Thothup (muguy e Moroni 10:5).

Fare Kan ni Thothup nem e rayog ni nge non ngom ko tafnay rom nge gumircha em (muguy e Doctrine and Covenants 8:2).

Thin ni Dam Pagtilin

Wo’en e Thap: Tin ke lemnang Got e bitir rok e nge bod ir ma yad sul ngak.

pogfai: be nib Thothup ni be gu’ fare nem nib riyul.

Gam’ing: banen ni ma rin e pi’in nibay matwon fare priesthood roraed.

Ngam Pir Eg Boch Marnga Gen

Fanra bay e duwer rom u marnga gen e Kan ni Thothup, mag fil mornga’agen fapi chep nib thothuo, nge conference nge ku boch banen u lan e Gospel Library (ara ko ChurchofJesusChrist.org fa u lane e cell phone app). Ku rayog ni ngam non ko walag ni bpin nge pumoon ko galasia, fa ward nge tiyugang’ ko galasia fa missionaries.

© 2023 ko Intellectual Reserve, Inc. Gubin ni mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Fare Mulwon nifan e Liahona ko biney e puul ko, April 2023. Language. 19026 905