Shoko reMwedzi Woga Woga reLiahona (Riahona), Chikunguru 2023

Kugovera Vhangeri raJesu Kristu

Apo patinofunga pamusoro pamaropafadzo atinogamuchira nokuda kwokuti tiri nhengo dzeChechi yaJesu Kristu yaVatendi vaMazuva Ekupedzisira, tinoda kugoverana vhangeri naavo vatinoda. Tinokwanisa kugovera uchapupu hwedu hwechokwadi kuburikidza namashoko edu uye nemuenzaniso wedu. Tinokwanisa kunamatira femero yekuziva uyo wokugoverana naye uye izvo zvokutaura.

Ida Vamwe

Chikamu chakakosha chokugovera vhangeri ndeche kuda vamwe. Apo patinoratidza rudo rwedu kuna vamwe kuburikidza nezviito zvakafanana nezvaKristu, tiri kugovera vhangeri raJesu Kristu—dzimwe nguva tisingatauri kana shoko. Uye apo vamwe pavanoziva kuti tine hanya zvechokwadi pamusoro pavo, vangangova vanonyanya kuda kunzwa pfungwa dzedu pamusoro pevhangeri. “(Ona Gary E. Stevenson, “Love, Share, Invite,” Liahona, Chivabvu 2022, 84–87.)

Govera Nzira dzaMazuva Ose uye dzoMusikirwo Wedu

Tinokwanisa kugovera izvo zvatinoda pamusoro pevhangeri. Apo patinoita izvi sechikamu cheupenyu hwedu hwemazuva ose, hazvizovi zvinokunetsa kana kukukonzera kusagadzikana. Semuenzaniso, tinokwanisa kutaura nemhuri neshamwari dzedu pamusoro peizvo zvatinoita pamusi weSvondo. Kana kuti tinokwanisa kuvataurira pamusoro pemufaro watinonzwa apo patinoshandira vamwe. (Ona Dieter F. Uchtdorf, “Missionary Work: Sharing What Is in Your,” Liahona, Chivabvu 2019, 15–18.)

Koka vamwe kuti Vabatane Nesu.

Tinokwanisa kukoka vamwe kudzidza zvimwe zvakawanda pamusoro pevhangeri. Semuenzaniso, tinokwanisa kuvakoka kuti vauye kumusangano kana chiitwa cheChurch, kuverenga Bhuku raMormoni, kuona vhidhiyo yeChechi, kana kushanyirwa navashumuri. Mienzaniso iyi inokwanisa kuvabatsira kunzwa Mweya uye nokuda kudzidza zvimwe zvakawanda.

Bvunza pamusoro peChiitiko Chavo

Mushure mokunge shamwari nenhengo dzemhuri dzauya kuchechi kana dzaita chidzidzo navashumuri, tinokwanisa kuvabvunza pamusoro pechiitiko chavo. Dzimwe dzidziso dzevhangeri dzingangova itsva kwavari, saka tinokwanisa kupindura mibvunzo yavanayo. Tinokwanisa kuratidza rudo nerutsigiro rwedu kukuedza kwavo kuuya kuna Kristu.

Wedzera kune Zvavanotenda

Tinokoshesa nokuremekedza zvinotendwa navamwe, uye tinoedza kuwedzera kurutendo rwavanarwo nechakare. Semuenzaniso, shamwari iyo yakawana nyaradzo muzvinyorwa zvitsvene zveBhaibheri inokwanisawo kuwana nyaradzo mudzidziso dzatinogovera kubva muBhuku raMormoni.

Batsira Nhengo Itsva dzeChechi

Apo vanhu pavanopinda muChechi, tinokwanisa kubatsira kusimbisa rutendo rwavo. Tinokwanisa kuva shamwari yavo, kupindura mibvunzo yavo, uye kuvatsigira apo pavanogamuchira daidzo. Tinokwanisa kuvakurudzira kuramba vachitevera Jesu Kristu uye nokudzidza pamusoro pevhangeri Rake.

Shandira Hushumiri hweNguva Dzakazara

Pamusoro pokugovera vhangeri muupenyu hwedu hwemazuva ose, nhengo dzeChechi dzinokwanisa kudaidzwa kushanda sevashumuri venguva dzakazara. Kana vakagadzirira, vakomana vechidiki vangangoshandira vangosvika pazera remakore gumi nemasere okuzvarwa. Vasikana vechidiki uye vanhu vechikuru vanokwanisa kushandirawo. Unokwanisa kuwana rumwe ruzivo pa ChurchofJesusChrist.org/callings/missionary.

Kubva muMagwaro Matsvene

Jesu Kristu akaraira vadzidzi Vake kugovera vhangeri nemunhu wose (ona Marko 16:15).

Avo vanodaidzwa kushandira vanofanira kuita kudaro “nemwoyo wavo wose, nesimba ravo rose, nepfungwa dzavo dzose uye nokugwinya kwavo kwose” (ona Doctrine and Covenants 4).

Tinozova nemufaro mukuru apo patinobatsira kuunza vamwe kuvhangeri (ona Dzidziso neZvibvumirano 18:15–16).

Zvinyorwa zvaPaindaneti

“Ndingakwanisa sei kugoverana Bhuku raMormoni neshamwari?” “Ndingaita sei kuti shamwari yangu isangane navashumuri?” Iyi nemimwe mibvunzo inopindurwa pa ChurchofJesusChrist.org/share.

Raibhurari yeVhangeri (pa ChurchofJesusChrist.org kana kushandisa app yepafoni) ine muunganidzwa wezvinyorwawo, kusanganisira izvo zvakakosha zvatinotenda. Sarudza “Kugovera Vhangeri” kuti udzidze zvimwe zvakawanda pamusoro izvo zvokugovera uye magoverero okuzviita.

Kuti udzidze zvimwe zvakawanda pamusoro pokusimbisa nhengo itsva, tarisa muRaibhurari yeVhangeri pasi pemisoro yenyaya inoti “Mabhuku eNhungamiro uye Daidzo” uye zvino “Daidzo dzemuWadhi kana muBazi.”

Wana Zvimwe Zvakawanda

Kana uine mibvunzo pamusoro pekugovera vhangeri, unokwanisa kutaura nemabhuratha kana masisita ako anoshumira, vatungamiri vewadhi yako kana bazi rako, kana vashumiri.

© 2023 ne Intellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly Liahona Message, June 2023. Language. 19026 731