“Nda Esuon a Wɔdze Rekyɛ,” For the Strength of Youth, Ayɛwoho 2023.
Bosoom Bosoom For the Strength of Youth Amandzɛɛbɔ, Ayɛwoho 2023
Nda Esuon a Wɔdze Rekyɛ
Ibotum akyɛ asɛmpa no wɔ ɔwoara wo su do. Ana ayɛ tafɛrbanyinmbɔmu no ho krado?
Sɛ yɛkasa fa yɛrekyɛ hɛn dasegye ho asɛm a, yɛtaa dwen dɛ yɛrekã hɛn dasegye wɔ sacrament nhyiamu anaa nhyiamu binom so ɔtse dɛm ase. Mbom wɔahyɛ hɛn nkuran dɛ “yenhwehwɛ akwan horow a yɛdze bɛkyerɛ hɛn gyedzi wɔ hɛnara hɛn su do.”1
Nda-esuon tafɛrbanyinmbɔmu a ɔwɔ ase ha yi no, ibotum akyɛ wo dasegye wɔ kwan fofor do wɔ dapɛn da biara mu. Ibotum ayɛ ndzɛmba yinom wɔ esiado kwan biara do, anaa mpo edze woara w’adwenkyerɛ ayɛ! Ana ayɛ tafɛrbanyinmbɔmu no ho krado?
Emily Davis yɛɛ nsaano mfonyin horow no
Da 1: Asɔr
Susu dɛ ibɛgye wo dase wɔ akɔnkye na dasegye nhyiamu wɔ asɔr sɛ ɔyɛ dza ɔyɛ ahotɔ ma wo a. Sɛ ɔnntse dɛm a, ibotum akyɛ wo dase wɔ asɔr ber a edze woho rehyɛ Kwesida adzesũa bea ahorow anaa seminary mu. Nsɛm a ekã no hɔ no botum epegya binom na wɔahyɛ hɔn dasegye na woara so wo dze dzen.
Da 2: Anyɛnkofo
Ebɛnadze na isũae wɔ asɔr Kwesida? Ana ipɛɛ dza obi kyɛɛ no wɔ sacrament nhyiamu kasa anaa w’adzesũa bea mpɛnsampɛnsanmu? Ibi a mbuei ndwom no kã asɔr ndwom a ipɛ no mu kor. Kã ho asɛm kyerɛ nyɛnko bi! Bisa hɔn dapɛn ewiei so ho nsɛm.
Da 3: Social Media
Social media yɛ bea mapã a edze bɛkyɛ sunsum mu ndzɛmba wɔ ɔwoara wo su do. Da yi tafɛrbanyinmbɔmu no, susu dɛ ebɛkyɛ biribi a ɔfa:
-
Kyerɛwsɛm nyiyimu a ipɛ mu kor.
-
Ɔserɛkã a okenyan fi wiadze mfɛndzanan ehyiadzi mu.
-
Sunsum mu adwendwen anaa sũahu bi.
-
Biribi a idɔ anaa ɔyɛ wo enyisɔ wɔ Agyenkwa no ho.
-
Kwan bi a ndaansa yi Ɔaboa wo anaa su bi a ɔyɛ wo fɛw wɔ No ho na ne siantsir.
Da 4: Text anaa Video
Fa amandzɛɛbɔ a opegya dua text anaa video do kɛma nyɛnko bi. Ibotum akyɛ ehyiadzi mu kasa bi a edwen ho dɛ bia wɔbɛpɛ, kã biribi a ɔyɛ wo enyisɔ wɔ hɔn ho kyerɛ hɔn anaa kyɛ wo gyedzi wɔ Jesus Christ mu ho nsɛm kyerɛ hɔn. Mfatoho, bia obehia dɛ wɔbɛtse Ɔsor Egya No dɔ ma hɔn ho nsɛm. Ibotum so akã akyerɛ hɔn enyim na enyim ber biara!
Da 5: Som
Bia ɔbɛyɛ wo nwanwa dɛ erosom binom botum ayɛ kwan a edze bɛkyɛ wo dase. Ɔsomafo Paul kãa kyerɛɛ Timothy dɛ, “Yɛ esusudo ma agyedzifo, wɔ kasa mu, abrabɔ mu, wɔ ɔdɔ mu, gyedzi mu, ahotsew mu.” (1 Timothy 4:12). Ntsi ibotum edua wo fasusu do dze ada wo gyedzi edzi, ber a erosom nkaafo dɛ mbrɛ Agyenkwa no bɔsom hɔn no.
Da 6: Nsaano Adze
Ɔtɔfabi a nkorɔfo dze nsaano mfonyin yɛ kwan soronko a wɔdze kyɛ hɔn adwendwen na atsenkã. Ibotum edze nsaano mfonyin, dza wɔasen, awensɛm, ndwom, anaa nsaaano adze biara akyɛ atsenkã a inya no wɔ Jesus Christ na N’asɛmpa no ho.
Da 7 Nkɔmbɔdzi Ara
Mma ɔnnyɛ wo akomatu dɛ ibɛkã wo gyedzi ho asɛm wɔ gyinabew a ɔda famu, tse dɛ mbrɛ ibɛkyɛ w’adwen biara wɔ nsɛngyinado a wɔrekã ho asɛm no.
Nyew, ibotum akasa afa Asɔr dwumadzi anaa kyerɛwsɛm bi a ndaasa yi ekenkanee no ho, mbom obotum so ada famu akyɛn dɛm. Mfatoho:
-
Sɛ abɔdze ma wo nkenyan atsenkã a, kã w’enyisɔ wɔ Nyankopɔn abɔdze ho kyerɛ obi so.
-
Bia inyaa sunsum mu atsenkã ndaansa yi a ɔyɛ awɔse. Kã ho asɛm kyerɛ nyɛnko bi sɛ ɔnnyɛ ankorankor dodow a.
-
Hwehwɛ asɛmpa mfatoho horow a ɔwɔ buukuu anaa sene bi a epɛ mu, na kyɛ wo nhumu no.
Hɛnara Hɛn Su Do
Ber a ehwehwɛ akwan horow a edze bɛkyɛ wo gyedzi no, ɔbɛyɛ ɔwo ara wo su dɛ ibɛyɛ dɛm. Ahyɛse no ɔbɛyɛ dzen kakra, naaso ɔno mpo ye ara. Kaa, wo dasegye ankasa abɛyɛ ɔwoara wo su dadaw—ɔyɛ ɔwoara wo fã bi. Erekyɛ so botum ayɛ ɔwoara wo su. Dza ohia ara nye ebɛkã kakra ara akã ho da biara.
Ibesi dɛn bɛkyɛ wo dasegye ndɛ
© 2023 odzi wɔ Intellectual Reserve, Inc. Wɔakora ho tumdzi nyinara. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, June 2023 ne nkyerɛase. Language. 19045 502