Edida-ke-idem ɔnɔ Nnyin Nsɔŋɔ-nda

Ndida-ke-idem ɔwɔrɔ ke nnyin imikeme edinwam ke mme unana eke idem nnyin ye eke ufɔkemana nnyin. Ini emi nnyin idade-ke-idem, nnyin nko iyenehede ikeme edi-nam ŋkpɔ nnɔ Abasi nyuŋ ŋwam mbon efen. Edi edida-ke-idem iwɔrɔke ke nnyin inyene ediyɔ mme mfina nnyin ikpɔŋ. Nnyin imikeme edibup nyom unwam nto mme ufan, ufɔkemana, mbon ward mme branch, ye mme-ntaifɔk kini nnyin iyomde unwam oro.

Mm Ukpep eke Edida-ke-idem

Ndikabare nda-ke-idem oyom edika ufɔkŋwed, nkop-item, ye edisin-idem nam-utom. Nnyin inam ata ukeme nnyin ke edise idem nnyin enyin, ndien nnyin imikeme edibup mbon efen nyom unwam kini iyomde. Man ikabare ida-ke-idem ɔfɔn, nte ededi, nnyin nko inyene edikpep man inyene mbuɔtidem ke Jesus Christ. Ekem ke nte nnyin inamde-utom man inwam idem nnyin, Enye eyesɔŋɔ nnyin idem.

Edida-ke-idem eke Spirit

Nnyin imikeme edisɔŋɔ edida-ke-idem eke spirit nnyin ke edinam-utom man isɔŋɔ ikɔ ntiense nnyin kabaŋa Jesus Christ. Nnyin inam emi ke nte nnyin ibɔŋde-akam, ikoot ŋwed Abasi, ika ufɔk Abasi, inim ibet, inyuŋ inam mme ŋkpɔ efen emi adade nnyin ekpere Christ. Ndidiɔŋɔ ke Enye oyom edinwam nnyin eyenɔ nnyin mbuɔtidem ndisɔŋɔ nda kpa kini uwem ɔsɔŋde.

Edida-ke-idem eke Ikpɔkidem

Edida-ke-idem eke ikpɔkidem esine edinyene ukeme ke ediyɔ mme unana ikpɔkidem eke nnyin ye eke ufɔkemana nnyin. Emi esine udia, ufɔk, nsɔŋidem, ye mme unana eken. Nnyin inam emi ke edika ufɔkŋwed, edikpep mme edinyene ifiɔk-utom emi iyomde, edisin-idem nam-utom, edida ini nnyin nam akpan-ŋkpɔ, ye edida okuk nnyin nam sifɔnde.

Edida-ke-idem ke Ekikere

Edida-ke-idem ke ekikere edi ukeme ke ediyɔ mme mfina ekikere ye uko ye mbuɔtidem. Kpukpru nnyin iminyene mme mfina ye ŋkpɔ-iduɔ. Ekɔm enyene ikɔ Abasi, nnyin imidiɔŋɔ ke nnyin imikeme edimek nte idiyɔde mmɔ. Ediyɔ ye mbuɔtidem ke Abasi eyekɔri ukeme nnyin ke ediyɔ mme mkpɔsɔŋ ŋkpɔ efen ye akwa idorenyin.

Edika Ufɔkŋwed

Kpukpru ini nnyin inyene edibɔ ukpep. Abasi oyom nnyin ikpep ekikere nnyin inyuŋ inam ifiɔk-utom nnyin ɔkɔri ke ofuri uwem emi ndien okoduk uwem efen. Nte nnyin ikpepde awak, ntre ke nnyin idinyene eti ukeme inɔ ufɔn inyuŋ inam ŋkpɔ inɔ idem nnyin, ufɔkemana nnyin, ye mbon emi edude ke unana.

Mme Edidiɔŋ ke Edida-ke-idem

Mme prophet ema ekpep ete ke nte nnyin inamde edida-ke-idem nnyin ɔfɔn, nnyin iyebɔ edidiɔŋ eke akwa idorenyin ye emem. Nnyin iyekeme edinwam mme ufɔkemana nnyin ye mbon efen emi edude ke unana. Ndien nnyin iyebɔ edidiɔŋ ndinyene ediwak nti ifet ye ukeme ke edika iso nnyene nkɔri.

Mme Nkpɔ-utom eke Ufɔk Abasi

Stake mbufo ekeme edinɔ mme eboho edida-ke-idem. Mmɔ ekeme edikpep mbufo mme ukpepŋkpɔ eke edida-ke-idem ye mme ifiɔk-utom nte edikama okuk nnyin mme ediyom nti utom. Afo emekeme edikut mme ebuana ŋkpɔ-utom ke Gospel Library. Fik “Mme Nwed ye Nwed-ukpepŋkpɔ” ndien ekem fik “Edida-ke-idem.”

©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Liahona, Ɔyɔhɔ Ɔfiɔŋ Itiaita 2023. Language. 19046 553