E Kakorakoraira Arora n Toronibwai

Arora n toronibwai nanona bwa ti kona n tararuai kainnanora ma ara utu. Ngkana ti toronibwai, ti a kona riki ni beku ibukin te Uea ao n tararuaia tabeman. Ma te riki n toronibwai e aki nanonaki bwa ti riai ni kaitarai kakaewenako n tii ngaira. Ti kona ni bubuti aia ibuobuoki raoraora, utu, uoote ke kain te mwaanga, ao taan rabakau ngkana ti kainnanoia.

Moan Tuua n te Toronibwai

Arora n riki n toronibwai e kainnanoa te reirei, ongotaeka, ao te mwakuri korakora. Ti karaoa ara kabanea n tamaroa n tararuaira ibon iroura, ao ti kona ni bubuti buokara mairouia tabeman ngkana ti kainnanoia. Arora n riki n toronibwai ni koaua, n iterana teuana, ti riai naba n reiakinna ni karekea onimakinan Iesu Kristo. Ngkanne ngkai ti mwakuri ni buokiira ibon iroura, E na kakorakoraira.

Toronibwai n te Maiu n Tamnei

Ti kona ni katea maiura n tamnei ae toronibwai man ara mwakuri korakora ni kakorakora ara koaua iroun Iesu Kristo. Ti karaoa aei ngkai ti tataro, kamatebwai ni koroboki aika a tabu, iriira te taromauri, ongeaba nakon tuua, ao ti karaoi bwaai riki tabeua aika e na uotiira ni kaniira riki nakon Kristo. Ataakina bwa E tatauraoi ni buokiira e na bon anganiira te onimaki n nene ni matoa riki ngkana e matoatoa te maiu.

Toronibwai n te Maiu n Rabwata

Te toronibwai n te maiu n rabwata e raonaki n te kona n tararuai kainnanon rabwatara ibon iroura ma ara utu. Aio e raonaki n amwarake, auti, kamarurung, ao kainnano riki tabeua. Ti karaoa aei man karekean te reirei ae tamaroa, n reiakinaki ke ni karababai konabwai ake a kainnanoaki, mwakuri korakora, kabonganaan ara tai ma te iangoraoi, ao babairean raoi ara mwane.

Te Toronibwai n Ara Namakin

Te toronibwai n te namakin bon te kona ni bitaki nakon kakaewenako n te namakin ma te korakora ao te onimaki. Ti bane ni karekea te kakaewenako ao te karawawataaki. Te kakaitau nakon te euangkerio, ti ataia bwa ti kona n rineia bwa tera arora nako iai. Te kaeka ma onimakinan te Uea e karikirakea ara konabwai ni kaitarai kangaanga ma te onimaki ae bati.

Te Reirei

Ti riai n tainako n reiakinaki. E tangiriira te Atua bwa tina reireini ara iango ao ni katamaroai ara konabwai rinanon te maiu aei ao are imwiina. Mwaitin are ti reiakinna, bon mwaitin ara kona ni bitaki n ae tamaroa riki ao ni katauraoi ibon ibukira, ara utu, ao naake a kainnano.

Kakabwaia n te Riki n Toronibwai

A tia n reirei burabeti bwa ngkai ti karikirakei arora n toronibwai, ti na kakabwaiaki ma te onimaki ao te rau ae korakora riki. Ti na kona ni buokiia ara utu ao aomata ake a kainnano. Ao ti na kakabwaiaki n tibwanga aika a mwaiti riki ao te konabwai n reitinako inanon te rikirake.

Bwaai ni ibuobuoki man te Ekaretia

Ami titeiki e kona ni katei kurubu n toronibwai. Aikai a kona n reireiniko reirei n te Toronibwai ao konabwai n aron babairean am kataumwane ke karekean te mwakuri ae tamaroa riki. Ko kona ni karekei bwaai n ibuobuoki aika akekakin akanne n te Gospel Library. Rinei “Booki ao Reirei” ao imwiina “Te Riki n Toronibwai.”

© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly Liahona Message, August 2023. Language. 19046 859