Ahotosoɔ Hyɛ Yɛn Den

Sɛ yɛde yɛn ho to yɛn ho so a, ɛkyerɛ sɛ yɛbɛtumi adi yɛn ankasa ne yɛn mmusua ahiadeɛ ho dwuma. Sɛ yɛde yɛn ho to yɛn ho so a, yɛtumi som Awurade na yɛhwɛ afoforɔ yie. Nanso yɛn ho a yɛde bɛto yɛn ho so no nkyerɛ sɛ ɛsɛ sɛ yɛn nkutoo na yegyina yɛn haw ano. Yɛbɛtumi abisa mmoa afiri nnamfoɔ, abusuafoɔ, ward anaa beaɛ dwumadibea mufoɔ, ne wɔn a wɔnim hɔ berɛ a yɛhia.

Nnyinasosɛm a Ɛfa Ahotosoɔ Ho

Sɛ obi bɛyɛ obi a ɔde ne ho to ne ho so a, ɛgye nwomasua, sotie, ne adwumaden. Yɛyɛ nea yɛbɛtumi biara sɛ yɛbɛhwɛ yɛn ho, na sɛ ɛho hia a, yɛbɛtumi abisa afoforɔ mmoa. Nanso, sɛ yɛbɛtumi de yɛn ho ato yɛn ho so ankasa a, ɛsɛ sɛ yɛsua nso sɛ yɛbɛnya Yesu Kristo mu gyedie. Afei berɛ a yɛreyɛ adwuma de aboa yɛn ho no, Ɔbɛhyɛ yɛn den.

Honhom mu Ahotosoɔ

Yɛbɛtumi akyekyere yɛn honhom mu ahotosoɔ ɛnam adwuma a yɛbɛyɛ de ahyɛ yɛn adansedie a ɛfa Yesu Kristo ho no mu den. Yɛyɛ yei berɛ a yɛbɔ mpaeɛ, sua twerɛsɛm no, kɔ asɔre, yɛdi mmaransɛm so, na yɛyɛ nneɛma foforɔ a ɛde yɛn bɛn Kristo. Nim a yɛnim sɛ ɔwɔ ɔpɛ sɛ ɔbɛboa yɛn no bɛma yɛanya gyedie ama yɛn akɔ so ayɛ den berɛ mpo a asetena mu yɛ den.

Honam mu Ahotosoɔ

Nea ɛka ho bi ne sɛ yɛbɛtumi adi yɛn ankasa ne yɛn abusua honam fam ahiadeɛ ho dwuma. Nea ɛka yei ho ne aduane, adan, akwahosan, ne ahiadeɛ afoforɔ. Yɛyɛ yei ɛnam nwomasua pa a yɛbɛnya, adesua anaa yɛtrɛ ahokokwa a yehia mu, yɛyɛ adwumaden, yɛde yɛn berɛ di dwuma nyansa mu, ne yɛn sika a yɛde di dwuma yie no so.

Nnkate mu Ahotoso

Nkateɛ fam ahosodie ne tumi a obi tumi de akokoɔduro ne gyedie yɛ nsakraeɛ ma ɛne nkate mu nsɛnnennen hyia. Yɛn nyinaa wɔ nsɛmdenden ne akwansideɛ ahodoɔ. Ɛnam asɛmpa no nti, yɛnim sɛ yɛbɛtumi ayi sɛdeɛ yɛbɛbua wɔn. Sɛ yɛde gyedie wɔ Awurade mu bua a, ɛma yɛn tumi a yɛde bɛgyina ahokyere foforɔ a yɛde anidasoɔ kɛseɛ yɛ.

Nwomasua

Ɛsɛ sɛ yɛsua adeɛ berɛ nyinaa. Onyankopɔn pɛ sɛ yɛkyerɛkyerɛ yɛn adwene na yɛtu mpɔn wɔ yɛn ahokokwa mu wɔ saa asetena yi nyinaa mu ne nea edi hɔ no mu. Dodoɔ a yesua adeɛ no, dodoɔ no ara na yɛbɛtumi ayɛ papayɛ so nkɛntɛnso pa na yɛahwɛ yɛn ho, yɛn abusua, ne wɔn a wohia mmoa.

Nhyira a Ɛwɔ Sɛ Wode Wɔn Ho To Wɔn Ho So

Nkɔmhyɛfoɔ akyerɛkyerɛ sɛ berɛ a yɛma yɛn ho a yɛde to yɛn ho so no tu mpɔn no, wɔbɛhyira yɛn anidasoɔ ne asomdwoeɛ kɛseɛ. Yɛbɛtumi aboa yɛn mmusua ne afoforɔ a wohia mmoa. Na wɔbɛhyira yɛn wɔ akwan pii ne tumi a yɛde bɛkɔ so anya nkɔsoɔ.

Asɔre Nneɛma

Ebia wo stake no de akuo a wɔde wɔn ho to wɔn ho bɛma. Yeinom bɛtumi akyerɛkyerɛ wo nnyinasosɛm ahodoɔ a ɛfa sɛnea wode wo ho to wo ho so ne ahokokwa te sɛ wo sika a wobɛhwɛ so anaa adwuma pa a wubɛnya. Wobɛtumi ahu nneɛma a ɛfa ho wɔ Asɛmpa Nwoma Korabea Yi “Nwoma ne Asuadeɛ” na afei “Ahotosoɔ a Wode Ho To Soɔ.”

© 2023 by Intellectual Reserve, Inc. All rights reserved. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyeraseɛ ma Bosome bosome Liahona Nkransɛm,, Ɔsanaa 2023. Language. 19046 000