“Ukuzimela Kuyasomeleza Thina,” Liyhona, EyeThupha. 2023.
UMyalezo wangeNyanga weLiyahona, EyeThupha 2023
Ukuzimela Kuyasomeleza Thina
Ukuzimela kuthetha ukuba singakwazi ukukhathalela iintswelo zethu nezeentsapho zethu. Xa sizimela, singakwazi kanjalo ukukhonza ngcono iNkosi nokukhathalela abanye. Kodwa ukuzimela akuthethi ukuba kufuneka sijongane nemingeni yethu sodwa. Singacela uncedo kubahlobo, usapho, amalungu ewadi okanye amalungu esebe, neengcali xa silufuna.
Imigaqo yokuZimela
Ukuzimela kufuna imfundo, intobeko, nokusebenza nzima. Senza konke okusemandleni ethu ukuba sizikhathalele, kwaye sinokucela uncedo kwabanye xa lufuneka. Ukuze ube nokuzimela ngokwenene, nangona kunjalo, simele sifunde ukuba nokholo kuYesu Krestu. Emva koko njengoko sisebenzela ukuzinceda, Yena uya kusomeleza thina.
Ukuzimela ngokoMoya
Singakha ukuzimela kwethu ngokwasemoyeni ngokusebenzela ukomeleza ubungqina bethu ngoYesu Krestu. Senza oku xa sithandaza, sifunda izibhalo , sisiya ecaweni, sithobela imiyalelo, kwaye sisenza ezinye izinto ezisisondeza kuKrestu. Ukwazi ukuba Yena ukulungele ukusinceda kuya kusinika ukholo ukuze sihlale somelele naxa ubomi bunzima.
Ukuzimela Kwexeshana
Ukuzimela okwexeshana kuquka ukukwazi ukukhathalela iintswelo zethu zenyama nezeentsapho zethu. Oku kuquka ukutya, indawo yokuhlala, impilo nezinye iimfuno. Oku sikwenza ngokufumana imfundo esemgangathweni, ngokufunda okanye ngokwandisa ubuchule obufunekayo, ukusebenza nzima, ukusebenzisa ixesha lethu ngobulumko nangokuyisebenzisa kakuhle imali yethu.
Ukuzimela ngokweeMvakalelo
Ukuzimela ngokweeMvakalelo kukukwazi ukuziqhelanisa nemingeni yeemvakalelo ngenkalipho nangokholo. Sonke sinemicelimngeni nezinto ezisilelayo. Enkosi kwivangeli, siyazi ukuba singakhetha ukuba siphendule njani kuyo. Ukuphendula ngokholo eNkosini kwandisa amandla ethu okujongana nobunye ubunzima ngethemba elingakumbi.
Imfundo
Kufuneka sihlale sifunda. UThixo ufuna ukuba sifundise iingqondo zethu kwaye siphucule ubuchule bethu kobu bomi nakobuzayo. Ngakumbi sifunda, kungakumbi sinokuba yimpembelelo elunge ngakumbi kwaye sinyamekele thina, iintsapho zethu nabo basweleyo.
Iintsikelelo ZokuZimela
Abaprofeti bafundise ukuba njengokuba siphucula ukuzimela kwethu, siyakusikelelwa ngethemba elikhulu noxolo. Siya kukwazi ukunceda iintsapho zethu nabanye abasweleyo. Yaye siya kusikelelwa ngamathuba angakumbi nokukwazi ukuqhubeka sisenza inkqubela.
Izixhobo zeBandla
Isteyki sakho sinokubonelela ngamaqela okuzimela. Anga anokufundisa imigaqo yokuzimela nezakhono ezifana nokulawula imali yakho okanye ukufumana umsebenzi ongcono. Unokufumana izinto eziyeleleneyo kwiThala leeNcwadi zeVangeli. Khetha “Iincwadi neZifundo” uze emva koko “Ukuzimela.”
© 2023 yi Intellectual Reserve, Inc. All rights reserved. Ishicilelwe eUSA. Imvume yesiNgesi: 6/19. Imvume yenguqulelo: 6/19. Inguqulelo ye Monthly Liahona Message, July 2023. Language. 19045 774