Bosoom bosoom Liahona Amandzɛɛbɔ, Fankwa 2023

Yɛrohwɛ Hɔn a Wɔwɔ Hia mu

Jesus resa nkorɔfo yarba

Na Ɔyɛɛ Dodowara a Wɔyar Yarba horow Edur, J. Kirk Richards yɛɛ nsaano mfonyin no, onnyi dɛ wɔcope

Dɛ yɛyɛ Jesus Christ N’Asɔr a ɔwɔ hɔ ma Nda a Odzi Ekyir Ahotseweefo asɔrmba no, yedzi Ewuradze ne nkyerɛkyerɛ dɛ yɛbɔhwɛ hɔn a wɔwɔ hia mu no do. Yɛhwɛ binom do ber a yɛrosom hɔn, yɛroboa hɔn ma wɔabɛyɛ ahodan, na yɛnye hɔn rɛkyɛ dza yɛwɔ.

Jesus Christ ne Fasusu

Jesus Christ dɔɔ hɔn a oetwa Noho ehyia no, Ɔkyekyee hɔn werɛ, na Ɔbɔɔ mpaa maa hɔn. “Okyinii na Ɔyɛɛ yie’’ (Ndwuma 10:38). Yebotum edzi Ne fasusu do ber a yɛrodɔ hɔn a oetwa Noho ehyia no, yɛrekyekye hɔn werɛ, na yɛrobɔ mpaa ama hɔn. Aber nyina yebotum ahwehwɛ akwan horow a yɛdze bɔboa binom.

nkorɔfo beenu a wɔrenatsew

Erosom

Asɛmfua erosom wɔ kyerɛwsɛm no mu na Ewuradze N’Asɔr mu no wɔdze kyerɛ mbrɛ yebesi bɔhwɛ hɛnho do nkorkor. Hɔn a wokitsa asɔfodzi no wɔma hɔn dwuma dɛ nuambanyin a wɔrosom ma ankorankor anaa ebusua biara a ɔwɔ ward anaa nkorbata no mu. Nkyerɛbaa a wɔrosom wɔma hɔn dwuma ma wɔsom ɔbaa panyin kor biara. Nuambanyin na nkyerɛbaa a wɔrosom no hwɛ no yie dɛ Asɔrmba nyina wɔakaa hɔn na wɔahwɛ hɔn do.

nkorɔfo a wɔrudua nduaba

Eroboa Binom ma Wɔayɛ Ahodan

Yebotum aboa ebusua mu mba na anyɛnkofo ma wɔabɛyɛ ahodan ber a yɛhyɛ hɔn nkuran ma wɔhwehwɛ hɔn nsɛnhia ho nyiano a odur ekyir. Yebotum ama hɔn abamba ber a wodzi hɔn botae horow ho dwuma. Ibohu nsɛm binom a ɔfa ahodan ho akã ho wɔ Dzifuu 2023 Liahona Gospel Basics articlemu.

Erosom binom

Akwan horow wɔ hɔ a yebotum asom hɔn a wotwa hɛnho hyia na yɛaboa ma woenya hɔn honandua mu, sunsum mu, na nkã-tse ho nsɛnhia horow no. Yerusũa binom hɔn ho nsɛm bɔboa hɛn ma yehu mbrɛ yebesi bɔsom hɔn yie. Yebotum so abɔ mpaa ahwehwɛ kwankyerɛ dze ehu dza yebotum bɛyɛ dze aboa.

nkorɔfo a wɔretase eduaba

Yɛrekyɛ Dza Yɛwɔ

Yebotum asom binom ber a yɛnye hɔn rekyɛ dza Nyame dze ehyira hɛn. Mfatoho, yebotum ama akɔnkye afɔrbɔ ayamuyie mu ara anaa yɛto Asɔr no Nyimpa ho Mboa fotow no mu. Yebotum so asom wɔ hɛn sɔn mu na hɛn Asɔr ɔfrɛ horowmu.

Asɔr Baanodzifo hɔn Asodzii

Bishop no na ɔhwɛ hɔn a wɔwɔ hia mu wɔ no ward mu no do. Obotum dze sika a ofi akɔnkye afɔrbɔ no mu aboa asɔrmba a wɔwɔ ehiadze horow. Baanodzifo nkaafo, a n’apamfo na Relief Society na elderfo quorum presidentfo na n’apamfo kã ho no, boa asɔrmba ma wonya mboa ho ndzɛmba a wobotum dze edzi dwuma enya hɔn ehiadze horow no.

Asɔr Nyimpa ho Mboa Mbɔdzembɔ horow

Asɔr no dze mprɛmprɛ mbuae, sɔn mu ndwumadzi, na nhyehyɛɛ binom tse dɛ nsu a ɔtsew na bambɔ ho nduryɛ boa nkorɔfo a wɔwɔ wiadze nyina mu. Ama eesũa bi akã ho no hwɛ Dallin H. Oaks, “Helping the Poor and Distressed,” Liahona, Ɔberɛfɛw 2022, 6–8.

Fi Kyerɛwsɛm no mu

“Nyankopɔn dɔ nyia ɔtsew n’enyim ma” (2 Corinthfo 9:7).

Yɛkyerɛkyerɛ hɛn mba ma wɔsom hɔn a wɔwɔ hia mu no (hwɛ Mosiah 4:15–16).

Yɛkyekye binom hɔn werɛ na yɛboa hɔn ma wɔsoa hɔn adzesoadze (hwɛ Mosiah 18:8–9).

Nsɛmfua a ɔsɛ dɛ Yɛkaa

Ɔfrɛ: asodzi pɔkyee bi a yɛsom wɔ mu wɔ Asɔr no mu. Asɔr baanodzifo hwehwɛ nkenyan dze ehu nyia Ewuradze bɛpɛ dɛ wɔfrɛ no.

Akɔnkye Afɔrbɔ: sika a yɛkyen kɔm a yɛdze ma Asɔr no, annyɛ yie koraa no sika dodow a yɛbɔhwer no wɔ edziban a nkyɛ yedzi no akɔnkye ber

Ahodan: yetum hwɛ hɛn na hɛn ebusua ebusua ehiadze.

Hwehwɛ Bi so Kã ho

Sɛ ewɔ nsɛmbisa wɔ erohwɛ hɔn a wɔwɔ hia mu no do ho a, ibotum enye wo nuanom mbanyin anaa mbaa a wɔrosom, wo ward anaa nkorbata baanodzifo, anaa asɛmpasomafo no akasa. Ibotum so ehu wiadze mfɛndzanan ehyiadzi mu nsɛm wɔ asɛngyido yi na ndzɛmba a ɔboa binom wɔ Asɛmpa Nwoma Korabea ( wɔ ChurchofJesusChrist.org or in the mobile app).

© 2023 odzi wɔ Intellectual Reserve, Inc. Wɔakora ho tumdzi nyinara. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, September 2023. ne nkyerɛaseeLanguage. 19045 502