Klumech er a bek el buil Liahona, Ongetiu el buil 2023

Omekerreu el kirel Tirkel Lousbech a Ngeseu

Jesus a omekungil er a rechad

Ngii a Ulmekungil a Betok el Bekbedengel a Secher, mla er a J. Kirk Richards, ngdiak el sebechel meruul a bebil ra llecheklel.

Sel dechedal a Ikelesia er a Jesus Kristo er a Uriul-klebesei el Santo, e kede oltirakl a osisecheklel a Rubak el omekerreu el kirel tirkel lousbech a ngeseu. Kede omekerreu er a rebebil sel dosiou er tir, el lolngeseu er tir me bo el sebechir el di tir, e merrous a ikel ngarngii er kid.

Okesiul a Jesus Kristo

A Jesus Kristo a ulbeltikerreng, milngelaod, e milluluuch el kirir tirkel meliuekl er Ngii. A Osobel a “mirrael el meruul a ungil” (Rellir 10:38). Ng sebeched el oltirakl a Okesiul sel doubeltikerreng, mengelaod, mesiou, e meluluuch el kirir tirkel meliuekl er kid. Ng sebeched el blechoel losiik a teletael el mo olngeseu er a rebebil.

terung el chad el merael

Oldingel

A tekoi el oldingel a lousbech er ngii er a chelsel a chedaol llechukl me a chelsel a Ikelesia er a Rubak el ouchais er kid el kmo kede mekerang e omekerreu er a re desta er kid. A robang a Priethood a metutk el mo oldingel rodam el mo er a dersta el chad a lechub a telungalek el ngara ward a lechub a branch. A oldingel rodos a metutk el mo er a bek el meklou el redil. A oldingel el rodam me a rodos a kmal kirir mesa el kmo a rokui el rechedal a Ikelesia a lolatk er tir e omekerreu el kirir.

rechad a melalm a dellomel

Olngeseu er a Rebebil me bo el Sebechel Di Tir

Ng sebeched lolngeseu er a retelungalek me a resechelei el mo sebechel di tir sel domekduch a rengrir me bo lebetik a nger el kirel a ikel mondelengir. Meng mo sebeched lolngeseu er tir sel loureor el kirel a ikel moktek er tir. Betik a lmuut el bebil er a tekoi kirel a sebechel di ngii el ngara sel Liahona er a Ongeai el buil 2023 Gospel Basics article.

Mesiou er a Rebebil

Ngarngii a betok el teletael el kid a sebeched el mesiou er tirkel meliuekl er kid e olngeseu el kirel a ikel lousbech er a klechad, chedaol tekoi, me a reng. Sel bo modengelterir a rebebil a sebechel ngosukid el mo ungil mesiou er tir. Ng sebeched el meluluuch me bo lomekrael er kid el kmo kede mekerang a bo dolngeseu.

rechad el mengudel a rodech

Merous A Ikel Ngarngii Er Kid

Ng sebeched el mesiou er a rebebil sel dorous a ikel Dios a mla omekngeltengat er kid. El uai tial okesiu, ng sebeched chemoit a betok el udoud el kirel a uldars er a olsengerenger a lechub e kede ngmai locha er a ikel udoud er a Humanitarian Aid er a Ikelesia. Ng dirrek el sebeched el mesiou er a bouai me a okedonged er a Ikelesia.

Ngerchelir a Remerredel er a Ikelesia

Ng ngerchelel a bisop el lomes el kirel a ulekerreu er tirkel lousbech a ngeseu er a ward er ngii. Ng sebechel lousbech a ikel udoud er a uldars er a olsengerenger el mo olngeseu er a rechedal ikelesia ra ikel lousbech. Bebil er a remerredel, luldimukl er a re counselor er ngii, me a Relief Society me a remerredel er a elders quorum, a ngusuterir a rechedal a ikelesia el smiik a ikel lousbech.

Humanitarian Efforts er a Ikelesia

A Ikelesia olngeseu er a rechad el meliuekl er a beluulechad a le ngarngii a bkais chemrungel, ureor er a bouai, ma bebil er a brokuram el uai a beches el ralm ma orus. Mesuub a lmuut el bebil, mesa Dallin H. Oaks, “Helping the Poor and Distressed,” Liahona, Nov. 2022, 6–8.

Ngara Chedaol Llechukl

“A Dios a soal ngikel ungil a rengul e olengeseu” (2 Korinth 9:7).

Kede olsisechakl er a rengeleked el mo mesiou er tirkel lousbech a ngeseu (mesa Mosiah 4:15–16).

Kede mengelaod er a rebebil e olngeseu er a chelngelir me bol kebekakl (mesa Mosiah 18:8–9).

Tekoi el bo Dodengei

Okedong: ulterekokl ngerachel el mesiou er a Ikelesia. A remerredel er a Ikelesia a osiik a ulekrael llomes me bo lodengelii ngkel ngii a Rubak a soal bo lokedongii.

Uldars er a olsengerenger: a udoud el debesang a Ikelesia sel dolsengerenger, el di osisiu a chitel a blo domechar a kall sel temel a olsengerenger.

Sebechel Di Ngii: di kid el sebeched smiik a ikel dousbech ma telungalek er kid.

Lmuut el mo Medengei a Betok

A lsekum e ngarngii a kerim el kirel a omekerreu kirir tirkel lousbech a ngeseu, eng sebechem el mengedecheduch er tirkel loldingel el rodam me a rodos, remerredel er a ward a lechub eng rechelel a ikelesia er kau, a lechub a remisionari. Ng dirrek el sebechem el metik a ikel cheldecheduch er a klou el ongdibel el kirel tial dai me a bebil er a ngeseu el ngara Gospel Library (at ChurchofJesusChrist.org or in the mobile app).

© 2023 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, September 2023. Language. 19047 881