“Oganaesesen blong Jos Ia blong Jisas Kraes,” Liahona, Oktoba 2023.
Mesej blong Liahona blong Evri Manis, Oktoba 2023
Oganaesesen blong Jos Ia blong Jisas Kraes
Lod Jisas Kraes, i kam long Del Parson
Jisas Kraes i hed blong Jos Ia blong Jisas Kraes blong Ol Lata-dei Sent. Hem i givim insperesen long ol profet mo aposol blong lidim Jos tedei, olsem we Hem i bin mekem long ol taem blong Niu Testeman. Ol nara Jos lida oli helpem ol profet mo aposol.
Jos Ia blong Jisas Kraes blong Ol Lata-dei Sent i Jos blong Sevya. Oli bildim Jos ia “olsem ol pos blong wan haos we ol aposol mo ol profet oli olsem ol pos blong kona blong hem. Long haos ya, Jisas Kraes i olsem nambawan pos long medel” (Efesas 2:20). Hemia i minim se Hem nao i pat we i moa impoten long fandesen ia. Hem i gaedem Jos tru long ol profet mo aposol we Hem i bin jusum blong stap olsem ol lida.
Fas Presidensi
Presiden blong Jos i profet blong God long wol tedei. Hem nao i senia Aposol mo hem nomo long wol ia, i stap kasem ol revelesen blong gaedem ful Jos. Lod i givim insperesen long hem blong save huia tufala Aposol we bae hem i singaotem blong givim seves olsem ol kaonsela blong hem. Olgeta nao oli mekemap Fas Presidensi. Olgeta tri oli ol profet, sia, mo reveleta.
Kworom blong Olgeta Twelef Aposol
Ol memba blong Kworom blong Olgeta Twelef Aposol oli ol profet, sia, mo reveleta tu. Oli singaotem olgeta blong oli stap olsem ol spesel witnes blong Jisas Kraes. Oli stap travel truaot long wol blong tijim mo testifae abaot Jisas Kraes. (Luk long Doktrin mo Ol Kavenan 107:23,33.)
Ol Kworom blong Olgeta Seventi
Ol memba blong Olgeta Seventi, oli singaotem olgeta tu blong stap olsem ol witnes blong Jisas Kraes (luk long Doktrin mo Ol Kavenan 107:25). Oli helpem Kworom blong Olgeta Twelef Aposol blong tijim gospel mo bildim Jos raon long wol.
Foto i kam long Machiko Horii
Ol Lokol Lida
Stek o distrik presidensi, bisoprik o branj presidensi, ol presidensi blong kworom blong ol elda mo Rilif Sosaeti blong yu, God i bin singaotem olgeta tu. Oli save helpem yu blong lanem mo laef folem gospel. Yu save lanem abaot sam long ol koling ia insaed long March 2022 Gospel Basics article, “Serving in Church Callings.”
© 2023 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Monthly Liahona Message, October 2023. Language. 19048 852