Porousen Liahona Iteiten maram, October 2023

Ewe Kinikin non ewe Mwichefenin Jises Kraist

Ewe Samon Jises Kraistseni Del Parson

Jises Kraist i ewe mokuren Ewe Mwichefenin Jises Kraist ren Aramas mi Pin non Fansoun Soponon. A emweni ekkewe soufos me aposel ne emweni ewe Mwichefn ikenai, usun chok met a fori me non ewe Testamen Sofo. Ra emwen me ren ekkoch souemwenin Mwichefen.

Ewe Mwichefenin Jises Kraist ren Aramas mi Pin non Fansoun Soponon ina an ewe Chon Amanau we Mwichefen. Mine a “kouta won ewe nongonong ren ekkewe aposel me soufos, Pusin Jises Kraist i ewe foun nongonongen nukanapan” (Ephesians 2:20). Wewen pwe I ewe akauchean kinikinin ewe nongonong. A emweni ewe Mwichefen ren ekkewe soufos me aposel A finata repwe souemwen.

Ewe Aewin Presetensi

Ewe Aewin Presetensi ren ewe Mwichefen noun Kot kewe soufos won ei fonufan ikenai. I minenapen ekkewe Aposel me ewe anaemon aramas won fonufan a angei an pwarata an epwe emweni unusen fonufan. Ewe Samon a emweni i an epwe sinei meni ruemon aposel repwe koko ar repwe noun chon aninis. Ra forata ewe Aewin Presentensi. Ekkei unumon mwan ir soufos, chon osini, me chon pwarata.

Mwichen Engon me Ruemon Aposel

Chochon ewe Mwichen Ekkewe Engon me Ruemon Aposel ir pwan soufos, chon osini, me chon pwarata. Ra koko pwe repwe chon pwarata usun Jises Kraist. Ra sai fetan non unusen fonufan ne afanafana me pwarata usun I. Nengeni Doctrine and Covenants 107:23, 33.)

Mwichen ekkewe Fiik

Ekkewe Fik rapwan koko ar repwe chon pwarata usun Jises Kraist(nengeni Doctrine and Covenants 107:25). Ra anisi ewe Mwichen Ekkewe Engon me Ruemon ne osukuna ewe kapas allim me auweta ewe Mwichefen non unusen fonufan.

Sassing seni Machiko Horii

Souemwenin neni

Noum steik ika tischrik presetensi, pisop ika pranch presetensi ,me mwichen elter me Fin Anisi presetensi ra koko me ren Kot. Ra tongeni anisuk ne kaeo me manaueni ewe kapas allim. Ka tongeni kaeo usun ekkoch ekkei kokon wis non ewe March 2022 Gospel Basics article, “Angang non Wis non Mwichefen.”

Seni ekkewe Pukefel

Ekkewe soufos me aposel ra emweni kich ngeni Jises Kraist (nengeni Ephesians 4:11–13).

Ewe Aewin presetensi, ekkewe engon me ruemon, me ekkewe fik ekkewe ra emweni mwich non ewe Mwichefen (see Doctrine and Covenants 107:21–35).

© 2023 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous ren Liaona Iteiten Maram, October, 2023.Language.19026 901