iTukutuku Vakavula ni Liaona, Okotova 2023

Na Mataisoqosoqo ni Lewe ni Lotu i Jisu Karisito

Na Turaga ko Jisu Karisitomai vei Del Parson

Na iVakabula esa ulu ni Lotu i Jisu Karisito ni Yalododonu Edaidai. E vakauqeti ira na parofita kei na iapositolo me ra liutaka na Lotu nikua, me vaka a vakayacora o Koya ena gauna ni Veiyalayalati Vou. Era vukei mai vei ira eso tale na iliuliu ni Lotu.

Na Lotu i Jisu Karisito ni Yalododonu Edaidai e Nona Lotu na iVakabula. “Ka dou sa tara cake ena nodra yavu na iapositolo kei ira na parofita, ia sai koya ko Jisu Karisito sa kena ivakadei ena tutu ni vale” (Efeso 2:19–20). Sa kena ibalebale oqo ni sai Koya na tiki bibi duadua ni yavu. E liutaka tiko na Lotu mai vei ira na parofita kei na iapositolo sa digitaka o Koya me ra iliuliu.

Na Mataveiliutaki Taumada

Na Peresitedi ni Lotu e parofita ni Kalou e vuravura nikua. Sa ikoya na iliuliu ni iApositolo ka tamata duadua ga e vuravura e ciqoma na ivakatakila me dusimaka na Lotu raraba. Sa vakauqeti koya na Turaga me kila se o rau na iApositolo cava me rau kacivi me rau veiqaravi vaka nona daunivakasala. E ratou veiqaravi vaka Mataveiliutaki Taumada. O ratou tolutolu e ratou parofita, daurairai, ka dauvakatakila.

Kuoramu ni iApositolo Le Tinikarua

O iratou na lewe ni Kuoramu ni iApositolo Le Tinikarua e ratou sa parofita, daurairai, ka daunivakatakila talega. E ratou vakatokai me ratou ivakadinadina uasivi nei Jisu Karisito. E ratou veilakoyaki e vuravura raraba me ratou vakavulica ka vakadinadinataka na veika e baleti Koya. Raica na Vunau kei na Veiyalayalati 107: 23, 33

Kuoramu ni Vitusagavulu

Era kacivi talega na lewe ni Vitusagavulu me ra ivakadinadina kei Jisu Karisito (raica na Vunau kei na Veiyalayalati 107:25). Era vukea na Kuoramu ni Le Tinikarua me vakatavulica na kosipeli ka tara cake na Lotu e vuravura raraba.

iTaba mai vei Machiko Horii

Veiliuliu ni Noda Vanua

Na nomuni mataveiliutaki ni iteki se tikina, matabisopi se mataveiliutaki ni tabana, kei na mataveiliutaki ni kuoramu ni italatala qase kei na iSoqosoqo ni Veivukei era sa kacivi talega mai vua na Kalou. E rawa ni ra vukei iko mo vulica ka bulataka na kosipeli. E rawa ni o vulica eso na veikacivi oqo ena itukutuku Ni Yavu ni Kosipeli ni Maji 2022, “Veiqaravi ena Veikacivi ni Lotu.”

Mai na iVolanikalou

Era liutaki keda vei Jisu Karisito o ira na parofita kei na iapositolo (raica na Efeso 4:11–13).

Na Mataveiliutaki Taumada, na Le Tinikarua, kei na Vitusagavulu era kuoramu vakatulewa ena Lotu (raica na Vunau kei na Veiyalayalati 107:21–35).

© 2023 mai na Intellectual Reserve, Inc. Dodonu taucoko e taqomaki. Tabaki e Amerika. Vakadonui me vaka Valagi: 6/19. Vakadonui me vakadewataki: 6/19. Vakadewa ni iTukutuku Vakavula ni Liahona, Okotova 2023.Language. 19048 000