“Rabwata Inanon Ana Ekaretia Iesu Kristo,” Riaona, Okitobwa. 2023.
Te Rongorongo man te Riaona Katoa Namwakaina, Okitobwa 2023
Rabwata Inanon Ana Ekaretia Iesu Kristo
Te Uea Iesu Kristo, iroun Del Parson
Iesu Kristo e tei bwa atuun Ana Ekaretia Iesu Kristo ibukiia Aika Itiaki ni Boong aika Kaitira. E weteia burabeti ma abotoro bwa a ana kaira te Ekaretia ni boong aikai, ai aron naba are E karaoia n te Nu Tetamenti. A buokaki irouia taan kairiiri n te Ekaretia.
Ana Ekaretia Iesu Kristo ibukiia Aika Itiaki ni Boong aika Kaitira bon ana Ekaretia te Tia Kamaiu. E bon “kateaki i aon taiani boua ake tan tuatua ma burabeti, ao Iesu Kristo naba te atibu are bouan te maninganinga are moan te kakanato” (I-Ebeto 2:20). E nanonaki n aei bwa bon Ngaia te kabanea ni kakawaki ibukin kamatoatoakin aan te kateitei. E kaira te Ekaretia rinanoia burabeti ao abotoro are E bon rineia bwa taan kairiiri.
Te Moan Beretitentii
Te Beretitenti n te Ekaretia bon ana burabeti te Atua iaon te aba ni boong aikai. Bon ngaia te kabanea ni ikawai mai ibuakoia Abotoro ao bon ti ngaia naba ae kona ni karekea te kaotioti ibukin kairan te Ekaretia ae bwanin. E kairaki n tamnein te Uea bwa e na kinaia uoman Abotoro bwa e na weteia bwa a na beku bwa ana kauntira. A katea te Moan Beretitentii. Ngaiia teniman bon burabeti, taan mamata, ao taan karekea te kaotioti.
Te Kooram n Abotoro n te Tengaun ma Uoman
Membwa n te Kooram n Abotoro n te Tengaun ma Uoman bon ngaiia naba burabeti, taan mamata, ao taan karekea te kaotioti. A weteaki bwa taan kakoaua aika onoti ibukin Iesu Kristo. A mwamwananga nakon aba aika kakaokoro n reirei ao ni kaota aia kakoaua Ibukina. (Taraa Reirei ao Berita aika Tabu 107:23-33.)
Kooram n te Itingaun
A weteaki naba membwa n te Itingaun bwa taan kakoaua ibukin Iesu Kristo (taraa Reirei ao Berita aika Tabu 107:25). A buoka te kooram n te Tengaun ma Uoman n reirei te euangkerio ao ni katea te Ekaretia ni kabutaa te aonaba.
Te Tamnei iroun Machiko Horii
Taan Kairiiri n te Tabo
Titeiki ke Beretitentii n te mwakoro, bitiobiriki ke beretitenti n te mwaanga, beretitentii n aia kooram unimwaane ao te Bootaki n Aine a bon weteaki naba iroun te Atua. A kona ni buokiko n reiakiniko arom ni maiuakina te euangkerio. Ko kona n reiakina tabeua wewete aikai n te Gospel Basic article Maati 2022, “Te Beku n ana Wewete te Ekaretia.”
© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly Liahona Message, October 2023. Language. 19048 859