«Հիսուս Քրիստոսի Եկեղեցու կազմավորումը», Լիահոնա, հոկտ. 2023:
Լիահոնա ամսագրի ամենամսյա ուղերձ, հոկտեմբեր 2023
Հիսուս Քրիստոսի Եկեղեցու կազմավորումը
Հիսուս Քրիստոսը գլխավորում է Հիսուս Քրիստոսի Վերջին Օրերի Սրբերի Եկեղեցին։ Նա ոգեշնչում է մարգարեներին և առաքյալներին՝ այսօր Եկեղեցին առաջնորդելու համար, ինչպես Նա անում էր Նոր Կտակարանի ժամանակներում։ Նրանք աջակցվում են Եկեղեցու այլ ղեկավարների կողմից:
Հիսուս Քրիստոսի Վերջին Օրերի Սրբերի Եկեղեցին Փրկչի Եկեղեցին է։ Այն «առաքյալների ու մարգարեների հիմքի վրա շինված է, որի անկյունաքարը Քրիստոսն է» (Եփեսացիս 2.20): Սա նշանակում է, որ Նա է հիմքի ամենակարևոր մասը: Նա է առաջնորդում Եկեղեցին մարգարեների և առաքյալների միջոցով, որոնց Նա ընտրել է` լինելու ղեկավարներ:
Առաջին Նախագահությունը
Եկեղեցու Նախագահը այսօր Աստծո մարգարեն է երկրի վրա: Նա է ավագ Առաքյալը և երկրի վրա միակ մարդը, որը հայտնություն է ստանում ողջ Եկեղեցին առաջնորդելու համար: Տերը ոգեշնչում է նրան` իմանալու, թե երկու որ Առաքյալներին կանչի ծառայելու, որպես իր խորհրդականներ: Նրանք կազմում են Առաջին նախագահությունը: Բոլոր երեքը մարգարեներ են, տեսանողներ և հայտնողներ:
Տասներկու Առաքյալների Քվորում
Տասներկու Առաքյալների քվորումը նույնպես մարգարեներ, տեսանողներ և հայտնողներ են: Նրանք կանչված են լինելու որպես Հիսուս Քրիստոսի հատուկ վկաներ: Նրանք ճանապարհորդում են ողջ աշխարհով մեկ՝ ուսուցանելու և վկայելու Նրա մասին (տես Վարդապետություն և Ուխտեր 107․23, 33)։
Յոթանասունի Քվորումներ
Յոթանասունի անդամները նույնպես կանչված են` վկայելու Հիսուս Քրիստոսի մասին (տես Վարդապետություն և Ուխտեր 107.25): Նրանք օգնում են Տասներկուսի Քվորումին ուսուցանել ավետարանը և կառուցել Եկեղեցին ողջ աշխարհով մեկ:
Լուսանկարը՝ Մաչիկո Հորիի
Տեղի ղեկավարներ
Ձեր ցցի կամ շրջանի նախագահությունը, եպիսկոպոսությունը կամ ճյուղի նախագահությունը, երեցների քվորումը և Սփոփող միության նախագահությունները, նույնպես կանչվել են Աստծո կողմից: Նրանք կարող են օգնել ձեզ սովորել և ապրել ավետարանով: Դուք կարող եք սովորել այս կոչումներից մի քանիսի մասին 2022թ. մարտ ամսի Ավետարանի հիմունքներ հոդվածում, «Ծառայել Եկեղեցու կոչումներում»:
© 2023 by Intellectual Reserve, Inc. All rights reserved. Տպագրված է ԱՄՆ-ում։ Անգլերենի հաստատումը. 6/19։ Թարգմանության հաստատումը. 6/19։ Monthly Liahona Message, October 2023 -ի թարգմանությունը։ Language. 19048 201