Mahlwem Nuhkwewa LiahonaMwe Fahkwack, Ohktopa 2023

U luhn Alu luhn Jisus Kraist

Leum Jisus Kraistsel Del Parson

Jisus Kraist pa sifen Alu luhn Jisus Kraist luhn Mwet Luhlahlfongi ke Lwen-sahflah. El mokle mwet pahluh ac mwet sap in us Alu uh mihsenge, oacna ke El oruh ke pacl luhn Wuhlweacng Sasuc. Elos kahsrweyuck sin kuhtuh pac mwet kol ke Alu uh.

Alu luhn Jisus Kraist luhn Mwet Luhlahlfongi ke Lwen-sahflah pa Alu luhn Mwet Lahngo. El “muhsahiuckyak fin pwelucng luhn mwet sap ac mwet pahluh, Jisus Kraist El sifacna pa yoht insroasrihk sac” Ephesians 2:20). Kalmac pa El pa ip yohk srihpac se emet ke pwelucng sac. El kol Alu uh sin mwet pahluh ac mwet sap El sulaclah in mwet kol.

Prestuhnsi Se Met

Prestuhn luhn Alu pa mwet pahluh se luhn God fin facluh mihsenge. El pa mahtuh emet sin Mwet Sap ac mwet sefanna fin facluh ma eis fwackyuck in kol Alu fohn se. Leum el moklacl in etuh lah suc Mwet Sap luo ma elac pahngon in tahfwel oacna mwet kahsruh nuh sel. Eltah oraclah Prestuhnsi Se Met. Kwewana mwet tolu inge pa mwet pahluh, mwet liactwen, ac mwet eis fwackyuck.

U luhn Mwet Sap Singucul Luo an

Mempihr ke U luhn Mwet Sap Singucul Luo elos oacyacpac mwet pahluh, met liatwen, ac mwet eis fwackyuck. Elos pahngonyuck in mwet loh wolacna luhn Jisus Kraist. Elos forfor raunweack facluh nohfohn in luti ac fahkwack Kacl. (Liye Doctrine and Covenants 107:23, 33 .)

U luhn Itngucul

Mempihrs ke U luhn Itngucul oacyacpac pahngonyuck in wi mwet loh kacl Jisus Kraist (liye) Doctrine and Covenants 107:25). Elos kahsruh U luhn Singucul Luo in luti wosasuc ac muhsahi Alu uh fin facluh nohfohn.

Petsaciuck sel Machiko Horii

Met Kol Fin Acn Uh

Stek lom an kuh u luhn tistrik prestuhn, u lal pisap, kuh u luhn prans prestuhn, ac u luhn elders ac u luhn rilif sosaiti pahngonyuck pac sin God. Eltahl kuh in kahsre kom luti ac moulkihn wosasuc. Kom kuh in luti ke kuhtuh pahng inge ke March 2022 Gospel Basics article, “Serving in Church Callings.”

Ke Ma Suhmuhslah

Mwet Pahluh ac mwet sap pen kuht nuh yurin Jisus Kraist (liye Ephesians 4:11–13).

Prestuhnsi Se Met, Mwet Singucul Luo, ac Itngucul elos pa karihngihn u ke Alu uh (liye) Doctrine and Covenants 107:21–35).

© 2023 by Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke Englishg: 6/19. Ahkkweyeyucklac ke lweng: 6/19. Lwenglah luhn Mahlwem nuhkwewa Liahona Mwe Luti, Ohktopa 2023.Language.19048 000