Cheldellel a Ikelesia er a Jesus Kristo

A Jesus Kristo a bdelul a Ikelesia er a Jesus Kristo er a Uriul-klebesei el Santo. Ngii a omekellomes er a re profet ma re apostol el mo omekrael er a Ikelesia er a chelechal taem, el di uaia lurruul er a chelsel a Beches el Renged. A rebebil er a remerredelel a Ikelesia a olngeseu er tir.

A Ikelesia er a Jesus Kristo er a Uriul-klebesei el Santo a Ikelesia er a Osobel. El “dechor er a dodai er a re apostol ma re profet, e a Jesus Kristo a ngii a kot el saus” (Efesus 2:20). Tiang a belkul a kmo Ngii a kot el klou a ultutelel el dodai er ngii. Ngii a omekrael er a Ikelesia lokiu a re profet me a re apostol el Ngii a mla ngilterir el mo merredel.

First Presidency

A President er a Ikelesia a profet er a Dios el ngara beluulechad er a chelechal taem. Ngii ngkel kot el klou el chad el Apostol e di chimong el chad el ngara beluulechad el melai el mchedaol ocholt lomekrael er a Ikelesia rokir. A Rubak a omekllomes er ngii meng mo medengei el kmo ngtecha el teru el re Apostol a mo mesiou el counselor er ngii. Te mekdebechii a First Presidency. Tir el tedei a profet, chad er a ues, me a ocholt.

Chelechad er a Teruich me a terung el Apostol

A rechedal a Chelechad er a Teruich me a terung el Apostol a dirrek el re profet, chad er a ues, me a ocholt. Te mokedong el tokubets el sioning el kirel a Jesus Kristo. Te merael meliuekl er a beluulechad lolisechakl e ouchais a klaumera er tir el Kirel. (Mesa Doctrine and Covenants 107:23, 33.)

Chelechad er a Rokeuid

A rechedal a Rokeuid a dirrek el mokedong el mo sioning er a Jesus Kristo (mesa Doctrine and Covenants 107:25). Te olngeseu er a Chelechad er a Teruich ma terung lolisechakl er a ebangkelio e meleketek er a Ikelesia el meliuekl er a beluulechad.

Siasing a mla er a Machiko Horii

Remerredel ra Ikel Omkiei er Ngii el Beluu

A remerredel er a stake a lechub a district er kau, klebisob a lechub a branch, remerredel er a elders quorum me a Relief Society a dirrek el mlokedong er a Dios. Te sebechir el ngosukau el mesuub e kiei loltirakl er a ebangkelio. Kau a sebechem el mesuub el kirel a bebil er a ikal okedong el ngarsel Ongedei el buil 2022 Gospel Basics article, “Serving in Church Callings.”

© 2023 mal er a Intellectual Reserve, Inc. Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, October 2023. Language. 19048 881