“Tlhophiso ea Kereke ea Jesu Kreste,” Liahona, Mphalane 2023.
Molaetsa oa Khoeli, Liahona, Mphalane 2023
Tlhophiso ea Kereke ea Jesu Kreste
Morena Jesu Kreste, ka Del Parson
Jesu Kreste ke hlooho ea Kereke ea Jesu Kreste ea Bahalaleli ba Mehla ea Kajeno. O susumetsa baporofeta le baapostola ho etella pele Kereke kajeno, joaloka ha a ne a etsa linakong tsa Testamente e Ncha. Ba thusoa ke baetapele ba bang ba Kereke.
Kereke ea Jesu Kreste ea Bahalaleli ba Mehla ea Kajeno ke Kereke ea Mopholosi. E “thehiloe holim´a motheo oa baapostola le baporofeta, Jesu Kreste ka sebele e le eena lejoe la ntlha la motheo” (Baefese 2:20). Sena se bolela hore ke Eena karolo ea bohlokoa ka ho fetisa ea motheo oo. O tataisa Kereke ka baporofeta le baapostola bao a ba khethileng hore e be baetapele.
Boetapele ba Pele
Mookameli oa Kereke ke moporofeta oa Molimo lefats´eng kajeno. Ke Moapostola e moholo ´me ke eena feela motho lefats´eng ea amohelang ts´enolo ea ho etella pele Kereke eohle. Morena o mo susumetsa ho tseba hore na ke Baapostola ba feng ba babeli bao aka ba bitsang hore ebe baeletsi ba hae. Ba theha Boetapele ba Pele. Boraro ba bona ke baporofeta, linohe le basenoli.
Lekhotla la Baapostola ba Leshome le Metso e ´Meli
Litho tsa Lekhotla la Baapostola ba Leshome le Metso e ´meli le bona ke baporofeta, linohe, le basenoli. Ba bitsoa hore e be lipaki tse khethehileng tsa Jesu Kreste. Ba tsamaea lefats´e lohle ho ruta le ho paka ka Eena. (Bona Lithuto tsa Tumelo le Lilekane 107:23,33.)
Lekhotla la Ba Mashome a Supileng
Litho tsa ba Mashome a Supileng le bona ba bitsoa hore e be lipaki tsa Jesu Kreste (sheba Lithuto tsa Tumelo le Lilekane 107:25). Ba thusa ba Lekhotla la Baapostola ba Leshome le Metso e ´Meli ho ruta evangeli le ho aha Kereke ka lefats´e lohle.
Sets´oants´o ka Machiko Horii
Baetapele ba Lehae
Boetapele ba lekala kapa ba setereke, ba bobishopo kapa lekalana, le ba lekhotla la baholo le ba Mokhatlo oa Lithuso, le bona bo bitsitsoe ke Molimo. Ba ka u thusa ho ithuta le ho phela evengeli. U ka ithuta ka lipitso tsena ho Metheo ea Evangeli ea Hlakubele 2022, “Boseletsi Kahare ho Kereke.”
© 2023 by Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea Phetolelo: 6/19. Phetolelo ea Monthly Liahona Message, October 2023. Language. 19048 739