E Manatua Pea Peresitene M. Russell Ballard

Sa soifua mai o ia i le aso 8 o Oketopa, 1928, i Iuta, ISA.

Sa fiafia o ia e taaalo ma lana taifau fulufulua, o Scotty. Sa la savavali foi faatasi ma Scotty i le aoga ma mai le aoga!

A o tamaitiiti o ia, sa ia fesoasoani e salu fola i le pisinisi faatau taavale a lona tamā. I le avea ai ma se tagata matua, sa fesoasoani o ia e faafoe le kamupani.

I le kolisi, sa faaigoa o ia “o le epikopo” aua sa iloa e ana uo o le a tumau faamaoni o ia i ona tulaga faatonuina.

Sa faamisiona o ia i Egelani i le 1948. Sa avea o ia o se fesoasoani i le au peresitene o le misiona.

Sa feiloai o ia i lona faletua, o Barbara Bowen, i se siva. Sa faaipoipo i la’ua i le Malumalu o Sate Leki. E toa 7 le la fanau ma le toatele o fanau a fanau ma a latou fanau.

Sa tautua o ia o se peresitene o le misiona i Kanata ma lona aiga.

I le 1985, sa valaauina o ia i le Korama a Aposetolo e Toasefululua.

Sa fiafia o ia i le avea ai o se faifeautalai. Sa ia molimau mai o le galuega faafaifeautalai e aumaia ai faamanuiaga i faifeautalai ma tagata latou te auauna atu i ai.