Ko Hono Manatua ʻo Palesiteni M. Lāsolo Pālatí

Naʻe fāʻeleʻi ia ʻi he ʻaho 8 ʻOkatopa 1928, ʻi ʻIutā, USA.

Naʻá ne saiʻia ke vaʻinga mo ʻene kiʻi kulī ko Sikotí. Naʻe aʻu ʻo ne lue mo Sikoti ki he akó mo foki mai mei he akó!

Naʻá ne tokoni ʻi heʻene kei tamasiʻí ke tafi ʻa e faliki ʻo e fale fakatauʻanga kā ʻa ʻene tamaí. ʻI heʻene fuʻu lahí, naʻá ne tokoni ki hono fakalele ʻo e kautahá.

Naʻe ui fakatenetene ia ʻi he kolisí “ko e pīsopé” koeʻuhí naʻe ʻilo ʻe hono ngaahi kaungāmeʻá te ne tauhi pau pē ki heʻene ngaahi tuʻunga moʻuí.

Naʻá ne ngāue fakafaifekau ʻi ʻIngilani ʻi he 1948. Naʻá ne hoko ko ha tokoni ʻi he kau palesitenisī fakamisioná.

Naʻá ne fetaulaki mo hono uaifi ko Papulā Pouení ʻi ha hulohula. Naʻá na mali ʻi he Temipale Sōlekí. Naʻe ʻi ai haʻana fānau ʻe toko 7 mo e makapuna ʻuluaki mo e makapuna ua tokolahi.

Naʻá ne hoko ko ha palesiteni fakamisiona ʻi Kānata mo hono fāmilí.

Naʻe ui ia ʻi he 1985 ki he Kōlomu ʻo e Kau ʻAposetolo ʻe Toko Hongofulu Mā Uá.

Naʻá ne saiʻia ʻi he hoko ko ha faifekaú. Naʻá ne fakamoʻoni ʻoku fakatou ʻomi ʻe he ngāue fakafaifekaú ʻa e ngaahi tāpuakí ki he kau faifekaú mo e kakai ʻoku nau tokoniʻí.