Molaetsa oa Khoeli Liahona, Mots´eanong 2023
Molekane oa Rona oa Ka Mehla
Likarolo tse qotsitsoeng
Re hloka, me u tla hloka bolekane ba ka mehla ba Moea o Halalelang. Hajoale rea o lakatsa, leha re tseba ka boiphihlelo hore ha ho bonolo ho bo fihlela. Ka bonngoe re nahana le ho bua le ho etsa lintho bophelong ba rona ba letsatsi ka leng, tse ka khopisang Moea.
Ha seo se etsahala, hobane se tla etsahala, re utloa re sa amoheleha ho Morena. ´Me re ka ikutloa eka re bang. …
Ha u ka iphumana u na le bothata ba ho utloa Moea o Halalelang, u tla lokela ho nahanisa hore na ho na le se seng seo u lokelang ho baka ho sona ´me u fumane ts´oarelo. U ka rapela ka tumelo ho tseba seo u lokelang ho se etsa ho hloekisoa ´me seo e ka ba sona se ka etsang hore u lokeloe ke bolekane ba ka mehla ba Moea o Halalelang.
Haeba u batla ho fumana bolekane ba Moea o Halalelang, u tlameha ho bo batla ka mabaka a utloahalang. Sepheo sa hau se tlameha ho ba sepheo sa Morena. Haeba sepheo sa hau e le sa motho a ichebang bo eena, ho tla ba thata ho fumana le ho utloa ts´usumetso ea Moea.
Se bohlokoa ho ´na le uena ke ho batla seo Mopholosi a se batlang. Sepheo sa rona se lokeloa ho khannoa ke lerato le hloekileng la Kreste. …
… Moea o Halalelang o romeloa ho litho tsa selekane tse ts´epahalang tsa Kereke ea Jesu Kreste. Joale, liphihlello tsa hau li tla ikhetha, ´me Moea o tla tataisa ka tsela e lokelang tumelo le bokhoni ba hau ba ho fumana ts´enolo bakeng sa hau le batho bao u ba ratang le ho ba sebeletsa. Ke rapela ka pelo eohle eaka hore boits´epo ba hau bo hole.
© 2023 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea Phetolelo: 6/19. Phetolelo ea Monthly Liahona Message, November 2023. Language. 19050 739