“Te Katauraoi Nakon te Tembora,” Riaona, Ritembwa 2023.
Rongorongo man te Riaona ni Katoa Namwakaina, Ritembwa 2023
Te Katauraoi Nakon te Tembora
Tamnein te Ogden Utah Tembora iroun Mark Brunson
Ti kona ni karekei taian berita aika a tabu ao otenanti i nanon taian tembora n Ana Ekaretia Iesu Kristo ibukiia Aika Itiaki ni Boong Aika Kaira. Ti roko nakon tembora ni kaota ara tangira ao ara kakaitau ibukin Tamara are i Karawa ao Iesu Kristo. Ti kona ni katauraoi nakon te tembora man reiakinan ao maiuakinan ana euangkerio Iesu Kristo. Ibukin rongorongon riki taian tembora, taraa Gospel Basics article “Mwakuri n te Tembora” inanon te rongorongo n Okitobwa 2021 n te Riaona.
Tamnein te Durban Aberika Maiaki Tembora iroun Matthew Reier
Ana Auti te Uea
Taian tembora a bon aranaki bwa ana “auti Uea”. Bon taabo aika a tabu are ti kona n namakina Tamnein te Atua ao Ana tangira ibukira. Bon taabo naba ike ti kona ni karaoi berita aika tabu ao ni karekei otenanti aika onoti are e na katauraoira ni karekea te maiu ae akea tokina. (Berita aika tabu bon te berita ae tabu i marenan te Atua ao Natina.) A na buokiira kakaonimakira nakon otenanti ao karekean otenati aikai ni karekea te reitaki ae onoti ma Tamara are i Karawa ao Iesu Kristo.
Tamnein te Guayaquil Ecuador Tembora iroun Nei Janae Bingham
Antai ae Kona ni Roko n te Tembora?
A kona ni karaoa te bwabetito kaain te Ekaretia ibukiia maate i nanon te tai are e moan koro 12 iai aia ririki. E kona te membwa ni karekea te entaumente ngkana teuanne ke neienne e a koro 18, n tia n riki bwa kain te Ekaretia n te maan ae teuana te ririki, ao ni kukurei ni karaoi ao ni kawakin berita aika tabu n te tembora (taraa Aniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 27.2.2, ChurchofJesusChrist.org). A kona ni kabaeaki (mareaki) n akea tokina n te tembora te mwaaneao te aine ake a tia ni kaman karekei aia entaumente n te tembora.
Berita aika Tabu ao Otenanti
Ko na karaoi berita aika tabu ao ni karekei otenanti n te tembora. “Rinnakora i nanon te berita ae tabu i marenara ma te Atua e kabaeira ma Ngaia n te aro are e na kabebetei bwaai ni kabane ni maiura”(Russell M. Nelson, “Tokanikai man Kangaangan te Aonaaba ao Karekean te Rau,” Riaona, Nob. 2022, 97). Te otenanti bon te mwakuri n rabwata ae tabu are e karaoaki man te kariaiakaki n te nakoanibonga. Taian otenanti iai nanoia ae nano n te maiu n tamnei. Te katooto, ngkana ko iria waakin karaoan te otenanti, ko kaotia nakon te Atua bwa ko bon kukurei ni karekea ao ni kawakin Ana berita aika tabu.
Oin Am Katauraoi
Katauraoi n tamnei man ririmwiin ana reirei Iesu Kristo ao ni kawakin berita aika tabu ake ko karaoi ma te Atua n te bwabetito. Ko kona ni kamatebwai booki n ibuobuoki n Ekaretia, n aron booki aika tabu ao marooro man te maungatabu ni kabuta. E katauraoi rongorongo teTemples.ChurchofJesusChrist.org bwa tera ae ko kantaningaia ngkana ko roko n te tembora. E ikotaki naba ma taekan riki taian berita aika tabu, otenanti, ao kanikinaa.
Tamnein te Nauvoo Illinois Tembora iroun Nei Eve Tuft
Kanikinaa
E reireia n taainako kabonganaan kanikinaa te Uea. Te katooto, bwabetito—kateboaki i aan te ran ao n otirake—ai aron ngkoe are ngkoa ae mate ao manga ngkoe ae boou ko a a manga bungiaki riki kaua (taraa I-Rom 6:3–6). A kairiira otenanti n tembora nakon Iesu Kristo ao Ana Mwakuri ni Kamaiu. E na bon matoa te mataata i aon kanikina n te moan tai n rokom n te tembora, ma ko kona n reitinako n reiakinna ngkana ko okioki nakon te tembora rinanon maium.
Rekomente Nakon te Tembora
Ko na riai n tauraoi ao n tau, n rin n te tembora. Ko kona ni karekea te rekomente n rin n te tembora i mwiin te intawiu ma am bitiobi ke beretitenti n te mwaanga ao ma te beretitenti n te titeiki ke mition. A na titiraki tabeua titiraki taan kairiiri aikai ni kakoauaa bwa ko bon maiuakina ana euangkerio Iesu Kristo. A kona ni marooro nakoim am taan kairiiri i aon titiraki aikai i mwain taina.
Okirikaaki nakon te Tembora ibukiia Am Bakatibu
E tangiriia ni kabane natina Tamara are i Karawa bwa a na karaoi berita aika tabu ma Ngaia ao ni karekei otenanti aika tabu. Otenanti aikai, n aron te bwabetito ao te entaumente, a riai ni karaoaki i nanon te tembora ibukiia koraki ake a tia ni mate n aki karekea te euangkerio. Ko kona n oki nakon te tembora ni karaoi taian otenanti ibukiia kaain am utu ake a tia ni mate.
© 2023 iroun Intellectual Reserve, Inc. All rights reserved. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Rongorongo man te Riaona ni Katoa Namakaina, Ritembwa 2023. Language. 19049 859