“Ahkolah in Ilyak nuh Tempuhl,” Liahona. Tis. 2023.
Pweng ke Liahona ke Mahlwem Nuhkwewa, Tisacmpuh 2023
Ahkolah in Ilyak nuh Tempuhl
Petsac ke Ogden Utah Tempuhl sel Mark Brunson
Lin temple ke Alu luhn Jisus Kraist luhn Mwet Luhlahlfongi -Ke Lwen Sahflah kuht kuh in eis wuhlweacng ac olwelah muhtahl nuh sesr sifacna ac sucu lasr. Kuht ilyak nuh tempuhl in ahkkahlwemye luhngse ac srui lasr nuh sin Pahpah Inkuhsrao ac Jisus Kraist. Kuht kuh in akolah in ilyak nuh tempuhl ke lutlut ac moulkihn wosasuc luhn Jisus Kraist. Kuhtuh pac ma in etweyuck ke tempuhl, liye Gospel Basics article “Orekma luhn Tempuhl” ke Ohktopa 2021 pweng ke Liahona.
Petsac ke Durban South Africa Tempuhl sel Matthew Reier
Lohm sin Leum
Tempuhl uh pahngpahng “lohm sin Leum.” Eltahl acn muhtahl suc kuht kuh in puhla Nguhn luhn God ac luhngse Lal nuh sesr. Eltahl oacyacpac acn ma kuht kuh in orek wuhlweacng ac eis akwuck sacohklacna suc fah ahkoekuhtlac in eis moul ma pahtpaht. (Wuhlweacng pa olwelah muhtahl inmahsrlon God ac tuhlihk nahtuhl.) Karuhnganwacng wuhlweacng lasr ac orekmakihn akwuck inge kahsre kuht oraclah kuhpahsr na sacohk se sin Pahpah Inkuhsrao ac Jisus Kraist.
Petsac ke Guayaquil Ecuador Tempuhl sel Janae Bingahm
Suc Kuh In Ilyak Nuh Tempuhl?
Mempihr luhn Alu uh kuh in oruh bacptais ke mwet misac muhtwacwacack ke elos sun yac 12. Mempihr se kuh in eis mwe sang muhtahl el fin yac 18, el mempihr lac ke Alu uh finne yac se, ac luhngse oraclah ac liacacng olweacng ke tempuhl (liye General Handbook: Serving in The Church of Jesus Christ of Latter-day Saints, 27.2.2, ChurchofJesusChrist.org). Mukul se ac muhtwacn se ma eis tari mwe sang muhtahl luhn tempuhl laltahl kuh in siliyuki (macruhtlac) nuh tok ma pahtpaht lin tempuhl.
Wuhlweacng ac Akwuck uh
Kom fah oraclah wuhlweacng ac eis akwuck lin tempuhl. “Utyak nuhke sie wuhlweacng kuhpahsryang nuh sin God ahkfototo ye kuht nuh Sel ke sie ohiac ma oraclah ma nuhkwewa ke moul uh fihsracsrlah” (Russell M. Nelson, “Overcome the World and Find Rest,” Liahona, Nov. 2022, 97). Sie akwuck pa ohien orekma muhtahl se ahkfahsryeyuck sin mwet oasr wal la ke pristut. Akwuck uh asr kalmac na yohk ke nguhn. Mwe srihkasrak, ke kom oruh sie akwuck, kom ahkkahlwemye nuh sin God lah kom sulaclah in eis ac liacacng wuhlweacng Lal.
Ahkolah luhn Kais Sie
Ahkoeyucklah in nguhn pa in fahsr tukihn luti luhn Jisus Kraist ac liacacng wuhlweacng kom oraclah nuh sin God ke kom bacptais lac ah. Kom kuh pac in lutlut ke Church resources, oacna ke ma suhmuhslah ac sramsram ke jacnuhruhl kanfracns. Temples.ChurchofJesusChrist.org oraclah mwe ahkkahlwemye ke ma kom enenuh in etuh ke kom ilyak nuhke tempuhl uh. El oacyacpac sang ahkuhtweyac kahlwem ke wuhlweacng in tempuhl, akwuck ac mwe akucl.
Petsaciuck Nauvoo Illinois Tempuhl sel Eve Tuft
Mwe akucl
Leum El kwacna luti orekmakihn mwe akucl. Mwe srihkasrak, bacptais—tli nuh ye kof uh ac sulpac otyak—el oacna ke mahno se lom met ah misac ac kom sifilpac isusla (liye Rom 6:3–6). Akwuck ke tempuhl srihsrngiucki nuh sin Jisus Kraist ac Kisackuhnlah Lal. Sahp ac upac in kahlwem ke mwe akucl nuhkwewa pacl se met kom ilyak nuhke tempuhl, tuhsruhk kom kuh in tahfwelah lutlut lom uh ke kom sulpac fohlohk nuh tempuhl ke lusen moul lom.
Pwepuh in Lwelah nuh Tempuhl
In utyak ke tempuhl, kom enenuh in ahkolah ac nwacsnwacs. Kom kuh in eis sie pwepuh in lwelah ah in utyak nuhke tempuhl tukun ohsun nuh sin pisap lom an kuh pracns prestuhn ac wi stek kuh misin prestuhn. Mwet kol inge ac siuck un kisen siuck ekahsr in etuh na pwacye lah kom moulkihn wosasuc luhn Jisus Kraist. Mwet kol lom inge kuh in sramsram nuh sum ke kihsen siuck inge met liki na pacl.
Fohlohklac nuhke Tempuhl nuh sin Sucu Lom
Pahpah Inkuhsrao El luhngse tuhlihk Nahtuhl nuhkwewa in orek wuhlweacng nuh Sel ac eis akwuck muhtahl. Akwuck inge, pa bacptais ac mwe sang muhtahl, enenuh in orek lin tempuhl nuh selos ma misac tiacna etuh ke wosasuc. Kom kuh in fohlohklac nuhke tempuhl in oruh orekma ke mwet in sucu lom an ma misac.
© 2023 by Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke Englishg: 6/19. Ahkkweyeyucklac ke lweng: 6/19. Lwenglah luhn Pweng in Liahona ke Mahlwem Nuhkwewa, Tisacmpuh 2023. Language.19049 000