Milwol ni Ngan Thapeg ko biney e Pul nifan e Liahona December 2023

Fal’egin Rogoy ningan Yaen Ngalan fare Temple

gidii’ nibe yan nga Temple u Utah Ogden

Cha’an ni fek ya’an ea Temple U Ogden Utah rok’ Mark Brunson

U lane temple ko Fare Galasia ku Yesus Kristus nifan e Gidii’ Rok’ ko Tin Tomur e Rran rayog ni ngad thapeged e m’ag nib thothup nge pi gam’ing ni fandad nge fan ea girdi’en nikar ma’ad. Gadma yan nga temple ni ngad dag e adag nge magar rodad ngak ea Chitamangindad Nu Tharmiy nge Yesus Kristus. Rayog ningad t’aer midlendad ngadared nga temple ni fa’anra gadra filed nge leaked ko gospel ku Yesus Kristus. Fa’anra kab tu’uf boch e ganop mornga’agen ea temple, mag sap ko fare Gospel Basics article “Murwel uu Lane Temple” in the October 2021 rogon ii yoeg ea Liahona.

Thin u wuru’ e Durban South African Temple

Sasing ko Temple u Durban South Africa rok’ Matthew Reier

Fare Na’un rok’ fare Somoel

Temples ea yima pining ngay ni “Na’un rok’ fare Somoel.” Manichubog u lane ginef ni nrayog ningad thamiyed ea Thothup ku Got nge Adag rok ngodad. Ma kubay yuyang nrayog ningad fal’egined ea ma’ag ngayog ninge thap ea pi gam’ing ninge ayuweg dad ngayog ea yofas ko manemus. (ma’ag ea tin rib manichubog ea tha’ u lukngun Got nge pfak ni batir.) Mich nib gel roem ko pii ma’ag nge gam’ing nibe yib ea ra’i ayuweg nem nge fal’ rogon ea thin romed ea Chitamangdad Nu Tharmiy nge Yesus Kristus.

Pii fal’yangran ni yidbay u wan ko fare Temple u Guayaquil Eduador

Sasing ko Temple u Guayaquil Eduador rok’ Janae Bingham

Mini’ ea rayog ninge un ko Temple?

Gidi’en ea Galasia ea rayog ningar tawfe gad ko fan ea yam’ napanra ragag nge la’agrow ea duw rorad. Rareb ea memba ma rayog ninge fek reb ea endowment nifa’anra ba 18 ea duw rok, ma ke par nta’areb ea duw ko galasia, ma be adag ninge fol e pi m’ag ko temple (muguy ko General Handbook: Pigpig u lan Fare Galasia Ku Yesus Kristus Ko Tin Tomuran ea Rran, 27.2.2, ChurchofJesusChrist.org). Pumo’on nge bpin nike thapeg ea endowment ngorad ea rayog ningar sealed (ma’ag pa’) row u temple ko mabgol ni manemus.

Pi Ma’ag nge Gam’ing

Gara fal’agin ea ma’ag mea yog ea gam’ing uu lane temple. “Yan nga langin ea ma’ag u lukngun gdad nge Got ea ra’i ma’ag dad Ngak uu rogon nigubin binean’ nibe moem nag ea yofas” (Russell M. Nelson, “Pagew mamngin ea fayleng ngam tofangow,” Liahona, Nov. 2022, 97). Binean’ ni ma rin e pi’in nibay matwon fare priesthood roraed priesthood. Gam’ing ea bay fan nibga’fan Baray ea susun riy, napan ni ra un ko ngonglan ea gam’ing, ma gabe dag ngak Got nri gaba’ag ningam ta’fan ea motochiyal rok.

Mu Taermedliy

Mu laek kanowa’en Yesus Kristus nge tinibe fil mag tay fan ea ma’ag numta’ nifan ngak Got ko tawfe rom. Rayog ningam fil boch mornga’agen ea mamngin ea Galasia, nikubay ko chep thib thothup fa tok ko general conference. Temples.ChurchofJesusChrist.org ea be pii’ mornga’agen ea tin nigbe athapeg napan nigra yan nga temple. Bay riy ni mornga’agen ea ma’ag uu temple, gam’ing, nge pow.

Ya’an uu wan ko fare Temple uu Nauvoo Illinois

Sasing ko ya’an ea Temple uu Nauvoo Illinois nifek ii Eve Tuft

Pow

The Lord often teaches using symbols. Baray ea susun riy—yan nga tan ea rran ngan sul ngalang biyay— woed nikam mum’ kam sul biyay ko yafos (muguy ko Romans 6:3–6). Gam’ing u lane temple ea yibe sapeg ngak Yesus Kristus nge bayul nita’ nifan ngodad. Sana mom’aw nigra nangfan mornga’agen ea pow ko temple ko somo’on nigra yan machane gara sul ni bo’or yay u lane yofas rom magra nangfa nibo’or.

Temple Recommend

Ra ngam man nga lane temple, ma rib tu’uf ningam fal’agin rogom ngam fas nib mat’aw. Rayog ningam man nga lane temple napan nigara mu’ ko interview ko bishop fa branch president nge stake fa mission president. Pii leaders ney ea kemus ningar fitheth ea duwer ngom ngan make sure nigbe laek ea gospel ku Yesus Kristus. Leaders rom ea rayog ninge non ngom uu mo’on ko mornga’agen ea pii durwer ney.

Sul ko Temple nifan ko girdi’en dad nike yim’

Chitamangdad Nu Tharmiy ea riba’adag ni gubin fak ea thingar fal’agined rogon ea ma’ag rorad Ngak ngeyog ea gam’ing ni manechubog. Pii gam’ing ney, ni woed ea tawfe nge endowment, ea yima fal’agin rogon uu lane ea temple ko picha’an nikar ma’ad ni da’ani yoeg ea gospel ngorad. Rayog ningam sul ko temple ngam fal’agin ea gam’ing ko chon ea tabinaw rom nikar ma’ad.

Ngam Pir’eg Boch Mornga’agen

Ward fa branch rom ea yira ayuweg nem ngam man ko temple. Ma kura yog ningam fil boch mornga’agen ea temple uu temples.ChurchofJesusChrist.org.

U lan fapi Chep nib Thothup

Rib tu’uf ninge bi’ech pa’dad nge gumircha’en dad u mo’on ninge yog ea tow’ath ko temple (muguy uu Psalm 24:3–5).

Temple ea gadma fil mornga’agen Got riy (muguy ko Isaiah 2:2–3).

Thin ni Dam Pagtilin

Endowment: ba gam’ing u lane temple nigama ma’ag ngak Got.

Priesthood: ni’ir gelngin nge matawon ku Got.

© 2023 ko Intellectual Reserve, Inc. Gubin ni mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Fare Mulwon nifan e Liahona ko biney e puul ko, December 2023.Language. 19049 000