“Unwana Nnyin ke Wilderness,” Liahona, Jan. 2024.
Ɔfiɔŋ-ke-ɔfiɔŋ Etop Liahona , Ɔfiɔŋ January 2024
Unwana Nnyin ke Wilderness
Mbon emi enehede ekot Nwed Mormon, edu uwem ke item esie, enyuŋ ebɔŋ-akam ebaŋa akpanikɔ esie eyekop odudu Edisana Spirit ndien ekɔri mbuɔtidem mmɔ ke, ye ikɔ ntiense mmɔ, ebaŋa Andinyaŋa.
Mbiet eke eyeneka-eren Jared ye mme ndiyama itiat otode Normandy Poulter
Kpa nte nkedide ekpri eyeneren, ami mma nnyene ikɔ ntiense mbaŋa Nwed Mormon. Ami mma nehede ma edikot mbuk eke eyeneka-eren Jared ye eke ikɔt esie ke usuŋ-isaŋ mmɔ edika “isɔŋ enwɔŋɔ” (Ether 2:9).
Kini esobode ye ekikere ediwat ke mme ubom emi unwana-ikaŋ miduhe, eyeneka-eren Jared obup ete, “Sese, O Jehovah, nte afo eyenyime nnyin ndiwat- ibe akwa mmɔŋ emi ke ekim?” Ke ibɔrɔ, “Jehovah ete, Nso ke afo oyom ete Ami nam man afo ekpenyene unwana ke mme ubom mbufo?” (Ether 2:22, 23).
Eyeneka-eren Jared ama ɔdiɔŋɔ ete ke Jehovah enyene ofuri odudu. Enye ama ɔdiɔŋɔ ete ke Jehovah ekedi ntɔŋɔ ofuri unwana. Enye ama ɔdiɔŋɔ ete ke Jehovah ama eteme ikɔt esie ete ekot Imɔ ke ini unana. Ntre, ke edinyene mbuɔtidem ke Abasi, eyeneka-eren Jared ama ebeŋe mkpri itiat Efurekiet enim. Afo emeti ete ke enye ndien ama obup Abasi ete otuk mme itiat oro ye mme nun-ubɔk Esie, “man mmɔ ekeme edinɔ unwana ke ekim” (Ether 3:4).
Mbiet eke Abasi otukde mme itiat oro osuk ododu ke esiot mi tɔŋɔde ka akpa ini eke ami nkekotde mbuk oro. Ami mmekeme edikut edinam oro nte ke oro eketibe ke ata iso mi. Ndusuk oro edi koro mbiet nte unwana ebinde ekim osio edi akpanikɔ ɔnɔ mi.
Ini eke ami mikopke odudu Edisana Spirit, ini eke ami misaŋake ukem-ukem ye Spirit Abasi, ami nyekop ekim. Edi ini eke ami nkotde Nwed Mormon, unwana oro afiak edi. Nwed Mormon edi ɔnɔ mi nte ediyama itiat emi Abasi okotukde. Oro ama anwaŋa usuŋ-isaŋ mi ke ofuri eyo uwem mi.
Unwana ke Nsinsi
Ukem nte mbon emi ubɔk Abasi akadade edisim ke mme America eke eset, nnyin kpukpru iyekut mme usen oyobio ye ekim ke usuŋ-isaŋ nnyin edikisim isɔŋ enwɔŋɔ eke edimenede. Edi Abasi eyenam ɔnɔ nnyin ukem se Enye akanamde ɔnɔ mbon Jaredite ye Nephite. Enye eyeda nnyin usuŋ onyuŋ anwaŋa usuŋ nnyin—edieke nnyin ikopde item Esie, inyene mbuɔtidem ke Enye, ndien ikpe-ubɔk iyom unwam Esie.
Abasi ɔdɔhɔ Nephi ete, “Ami nko nyedi unwana mbufo ke wilderness; ndien ami nyetim usuŋ ke iso mbufo, edieke edide ete ke mbufo eyenim ibet mi; ke ntre, edieke mbufo edinimde ibet mi eyeda mbufo eka ke isɔŋ enwɔŋɔ; ndien mbufo eyefiɔk ete ke oto ke ami ke eda mbufo usuŋ” (1 Nephi 17:13).
Abasi ɔdɔhɔ eyeneka-eren Jared ete, “Ami nyedi unwana nnɔ mbufo ke nsinsi, emi ekopde mme ikɔ mi” (2 Nephi 10:14).
Prophet Abinadi etiŋ ikɔ ntiense abaŋa Andinyaŋa ete, “Enye edi unwana ye uwem ererimbot; iŋ, unwana emi minyeneke utit, emi mikemeke ndikim” (Mosiah 16:9).
Kabaŋa Idemesie, Andinyaŋa ete, “Ami ndi unwana ye uwem ererimbot.” Enye adian ete, “Sese ami ndi unwana; ami mmenim uwutŋkpɔ nnɔ mbufo” (3 Nephi 9:18; 18:16).
Ndikop Unwana
Ami mmema prophet nnyin, President Russell M. Nelson. Ami mmenyene ufɔn ke ndinam utom mkpere enye. Ini emi enye asaŋade oduk ubet-ufɔk kiet, ubet-ufɔk oro eyenehde ayama ke ndo-ndo oro Enye akama Unwana Christ ke idemesie.
Unwana Christ edi akpanikɔ. Oro “edi nsasana odudu, ukeme, mme odudu emi ɔwɔrɔde ke Abasi oto Christ onyuŋ ɔnɔ kpukpru ŋkpɔ uwem ye unwana.” Oro edi inem enɔ spirit emi ekemede edida nditɔ Abasi usuŋ mbine Edisana Spirit ye ikɔ Abasi Jesus Christ.1 Edikot Nwed Mormon eyesɔŋɔ Unwana oro idem.
Usukini ana nnyin ifiak ise uwem nnyin man iti nte ekenwamde nnyin ke usuŋ isaŋ nnyin. Nte nnyin ifiakde ise, nnyin iyekeme edifiak nkop odudu Andinyaŋa. Ini emi ŋwed Abasi ɔdɔhɔde ete, “Eti, eti” (Helaman 5:12), ami nkere ke mmɔ edɔhɔ nnyin ete, “Ekuti kpɔt se mbufo ekediɔŋɔ mme ekekop ke akpa ini, edi, efiak ekop unwana oro akaŋ efen.”
Eke usuk owo, ndikop unwana eke spirit esimem edi-di. Eke mbon efen, spirit unwana ekeme ndisɔŋ edikop oto ke mme mfina idem owo mme ke ubiɔŋɔre ererimbot. Edi edieke nnyin ikopde item, unwana eyedi—ndusuk usuŋ emi nnyin mikikereke.
President Nelson, emi eketemede nnyin ete “ida akam ikoot Nwed Mormon kpukpru usen,”2 ama abuana ediwak usuŋ emi Nwed Mormon ekemede edida nnyin mkpere Andinyaŋa ndien anwam nnyin edikop unwana ikɔ Abasi, imum mme akpanikɔ ikɔ Abasi ikama, inyuŋ inim mme ukpep-ŋkpɔ ikɔ Abasi.
Nte nnyin ikotde Nwed Mormon, President Nelson ete ke, ifiɔk nnyin kabaŋa, ye esit-ekɔm nnɔ, Erisio-isop Jesus Christ eyekɔri.
Nnyin iyenyene udɔŋ “ndifiak-mmana obufa” (Mosiah 27:25) ke nte Nwed Mormon anwamde nnyin edinyene nkabare esit (se Mosiah 5:2).
Nte nnyin ikotde inyuŋ ikpepde mme ukpep-ŋkpɔ eke Nwed Mormon kabaŋa nditaŋ Israel mbok, nnyin iyekop udɔŋ nkɔri ediyom mme akpa-mkpa nnyin nyuŋ nam mme edinam erinyaŋa-ukpɔŋ ye edimenede nnɔ mmɔ ke temple.
Nnyin iyekop unwana ke nte nnyin ibɔde mme ibɔrɔ ke mbume nnyin, ndausuŋ ke ndinam ubiere, ye ɔsɔŋɔ man ikabare-esit ndien isin ekim.
Nte nnyin ikotde mme akpanikɔ emi ikutde ke Nwed Mormon, nnyin iyekop ukɔk, ndɔŋesit, mfiak-men-ndi, ubɔhɔ, ɔsɔŋɔ, idɔŋesit, ye idara inɔ ukpɔŋ nnyin.3
“O ndien, nte emi idige akpanikɔ?” Alma okobup abaŋa uyɔhɔ, editbi mkpasip akpanikɔ, ifiɔk, ye ikɔ ntiense. “Ami ndɔhɔ mbufo nte, Iŋ, koro edi unwana oro, ndien se ededi edide unwana, ɔfɔn, koro ekeme edidɔŋɔ unwana oro, mmɔdo mbufo enyene edidiɔŋɔ ke oro ɔfɔn” (Alma 32:35).
Ndise eke Christ, otode Heinrich Hofmann
Eyom Andinyaŋa ke esit Ekim
Ini emi ufan mi Kamryn ekedide isua Duop, enye ama enyene idiɔk udɔŋɔ enyin emi okofukde nyin-enyin eke ubɔk-udom esie.4 Usukini, ini emi ubiak otode udɔŋɔ enyin akabare okpon onyuŋ edi ndien-ndien , Kamryn idikemeke edise unwana ndomokiet. Mme ete ye eka esie, ema ekere ke enye ekeme edidi nnan, eyenam mme window eke ubet-ufɔk ekim man edomo edi-nam enye enyene emem. Eka Kamryn, Janna, afiak eti ete:
“Ekperede ɔfiɔŋ inaŋ ke ediɔŋɔke udɔŋɔ esie, ami ndisaŋa nduk nkim-nkim ubet-ufɔk esie. Nte enyin mi osuhɔke, ami mma nkeme edikut Kamryn nte ewinede ana ke bed esie. Enye okodu ke akwa ubiak anamde enye ikemede edisaŋa mme kpa editua-tua kini enye okopde nte mbede nduk. Enye ekesuk ana do ye enyin esie ɔyɔkde ɔkibi.
“Ami ntɔŋɔ-edɔŋ ke mben bed esie, mum enye ke ubɔ k mi, nyuŋ mfut akaŋ mbita—ndedibe idiɔŋɔ nnyin adade ɔnɔ ‘ami mmema fi.’ Nte esidide enye ekpefiak ofut akaŋ inaŋ adade ɔnɔ ‘ami mmema fi nkaha,’ edi enye ikinamke. Enye okodu ke ata akwa ubiak. Ye mmɔŋeyet ɔduɔhɔde ke mfuk mi, ami ndise uko eyen isua Duop mi ewinede ana nte ekara. Esit mi ama ɔbɔŋɔ.”
Janna ama ɔbɔŋ suŋ-suŋ, akam ofure-esit.
“Ami ndɔhɔ Ete Heaven nte ke Enye ɔdiɔŋɔ sifɔnde, edi ami mbɔŋ-akam nte, ‘Mbɔk nwam enye.’ Nte ami ntiede do mbɔŋ-akam, inem ekikere ama edifuk mi. Ami ndikop inem nte ekikere kiet abaŋade Andinyaŋa Jesus Christ odukde esit mi ete: Enye edi unwana. Yom Enye ke esit ekim.’”
Janna emenede ibuot esie onyuŋ ɔdɔŋ odu ke utɔŋ Kamryn ete: “Afo enyene ediyom Andinyaŋa ke esit ekim.”
Ke oro ebede, Kamryn ama ɔduɔ idap ke okopde mme ikwɔ ye ŋwed Abasi emi odude ke Church library app.
Ini emi udɔŋɔ enyin esie ɔtɔŋɔde ndiyɔk, Kamryn edikut Andinyaŋa ke esit ekim.
Ndise otode ke ufɔkemana Kamryn.
Udɔŋɔ Kamryn okodu do ke ediwak ini, edi kini udɔŋɔ oro ɔtɔŋɔde ndiyɔk, Janna ye ebe esie, Darrin, edidɔŋ enye esit enyuŋ efiak eda mme blanket efuk ke mme window eke ubet-ufɔk esie. Ke mme ini ɔkpɔsɔŋ ubiak oro, Kamryn ete, “Ami nkesuk nyom Andinyaŋa ke esit ekim.”5
Ini emi uwem ebietde “nkim-nkim ye enyene-ndik wilderness” (1 Nephi 8:4), nnyin nko inyene ediyom Andinyaŋa ke esit ekim. Ami ntiŋ ikɔ ntiense nte ke Nwed Mormon, ye ntiense esie “ke Jesus edi Christ, Nsinsi Ete,”6 eyeda nnyin usuŋ ebine Enye. Ami mmediɔŋɔ ke mbon emi enehede ekot Nwed Mormon, edu uwem ke item esie, enyuŋ ebɔŋ-akam ebaŋa akpanikɔ esie eyekop odudu Edisana Spirit ndien ekɔri mbuɔtidem mmɔ ke, ye ikɔ ntiense mmɔ, ebaŋa Andinyaŋa.
Yak nnyin iwut esit-ekɔm inɔ ata nnen-nnen ŋwed emi7 ke edikot enye, ikama enye nte ŋkpɔ-uto, inyuŋ ida enye isɔŋɔ mbuɔtidem nnyin ye mbuɔtidem eke mbon efen ke esit Unwana eke Ererimbot.
©2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Liahona, January 2024. Language. 19273 553