“Momourki Rongamwahuo Pahn Kihong Kitail Popohl Soutuk,” Liahona, Pepweri 2024.
Padahk en ehu ehu sounpwong Liahona Pepweri 2024
Momourki Rongamwahuo Pahn Kihong Kitail Mour Soutuk
Popohl tengeteng kin kohsang ni tengetengedi nan rongamwahu en Sises Krais oh sewese mehteikan en pil wia duwehte.
Mwetuwel en Ihden, sang Grant Romney Clawson; Mwesel sang nan Mwetuwel en Ihden, sang Joseph Brickey
Ehu kahrepen atail mour me sansal kak dierek nan ahn Lehi padahk me pid tepin mour pohn sampah. Nan Mwetuwel en Ihden, Adam oh Ihp momourki mour mwakelekel. Ma ira mihmihte nan mwetuwelo, Ira sohte pahn “sohte ahniki peren, pwe ira sohte ese nsensuwed; sohte wiewia mwahu, pwe ira sohte ese dihp.” (2 Nephi 2:23). Iet, ahn Lehi kawehwe, “Adam pwupwidi pwe aramas en kak miehda; oh aramas mie, pwe irail en kak peren.” (2 Nephi 2:25; pil kilang Moses 5:10–11).
Pwehki atail keirda nan sampah me diren dihp wet, kitail ese ia wekpeseng en mwahu oh suwed sang ni dahme kitail kasakuhlki oh dahme kitail kin lelohng. Kitail kin song me katiko, pwe [kitail] en kak kesempwalki me mwahu(12). Popohl kin kohdo ma kitail kin soikala me suwedo oh kalaudehla atail kin kesempwalki oh kolokol dahme mwahuo
Rapahki Popohl
Pwehki Sapwellime limpoak unsek ong kitail,Samatail Nanleng kin ehukiong kitail Sapwellime popohl unsek, nan nasou wet oh pil kokolahte. Iei ih Kupwure met ong ni mehkoaros sangete ni tapio, iangahki Sapwellime koasoandi lingan en peren oh tohnmetei en Sapwellime Iehroso en kamourkitaila.
Koht sohte ketin song en idingong kitail popohl de peren, ahpw E kin ketin padahkiong kitail ia mwomwen atail kak diar. E pil ketin masanih ong kitail wasa me popohlo sohte kak dierek ie—“mour suwed [kaidehn oh] sohte mwahn kin elehiong peren.” (Alma 41:10). Samatail Nanleng kin ketin doadoangki sapwellime kosonned akan pwe En kasalehiong kitail ahl ong popohl.
President Russell M. Nelson masanih nin duwe met:
“Iet mehlel lapalapo: ni sampah ah ngidingidki me kehl, dipwisou, indand, oh kansenamwahu kan en paliwar pahn kiheng kitail popohl, irail sohte pahn! Irail sohte kak! Dahme e kak wiahda iei mehkot ieu me sohte katepe ong ‘kapaida oh insenamwahu en irailko me momourki kosoned en Koht kan.’ [Mosaia 2:41].
“Ni mehlel e wia mehkot me inenen katoutou aramas en rapahki insenamwahu wasa me ke sohte kak diarie! Ahpw, ansou ke katengehdieng uhk rehn Sises Krais oh wia doahk anahnen palingehn ong powehdi sampah, Ih, oh Ih kelehpw, ahniki manaman en pwokuhkada pohnangin kasongosong en sampah wet.”1
Eri, popohl soutuko pahn dierekdahte sang ni atail kin kolokol kosonned en Koht akan, oh kosonned en Koht akan mih nan rongamwahu en Sises Krais. Ahpw atail pilipil. Ma atail luwet kan kin karehda ekei ansou kitail sohte kak kolokol kosonned en Koht kan, kitail kak pwurehng pirekekla, soikala me katiko, oh pwurehng alehda me mwahuo. Limpoak en Koht sohte kin pohnsehse dihp—me pahn wehwehki me mahko kin pirapa kosonnedo—ahpw sang ni Sapwellime Tomwo, Sises Krais kapitkitail sang dihp.
“Amulek … koasoia … me Kauno udahn pahn ketido komourala sapwellime aramas, ahpw e sohte pahn ketido komourirailla nan diparail kan, ahpw komourirailla sang diparail kan.
“Oh e ketin sapwellimanki manaman sang rehn Sahmo pwe en komourirailla sang diparail kan pwehki koluhla; eri e kadarewei tohnleng kan pwe re en kalohngki rongamwahu en koasoandi en koluhla, me kin kahrehiongmanaman en Soundoaro, ong komourpen palingenarail kan.” (Ilemen 5:10-11; emphasis added).
Sises masanih:
“Ma kumwail pahn kapwaiada ei kosonned akan, kumwail pahn poadidiong ei limpoak, duwehte ei kin kapwaiada mahsen en Semei, oh kin poadidiong sapwellime limpoak.
“I padahkihongkumwailehr mepwukat pwe ei peren en mi rehmwail, oh amwail peren en unsekla” (Sohn 15:10-11).
Ih mwomwen pepehm me Lehi ahniki nan ah ouramano ansou me e kang wahn tukehn komouro—me wewehki limpoak en Koht. E koasoia, “Oh ni ahnsou me I tungoale wahn tuhkeo palingeniet direkihla peren kouwahlap;” (1 Nihpai 8:12; pil kilang11:21-23).
Lehi pil kasalehiong kitail ahl kerioapwot me kitail kak wakihdo popohlo nan atail mour ansou me e koasoia, “I ahpw mentehn ei peneinei en pil iang tungoale [wahn tuhkehu]” (1 Nephi 8:12).
Tuhkehn Komouro, sang Kazuto Uota
Sewese Mehteikan Diarada Popohl
Duwehte sapwellimen Nahnmwarki Benjamin aramas akan, se “direkihla peren” ansou me se alehdi mahkepen dipat akan oh pemadahr “popohl nan aht madamadau kan” (Mosaia 4:3). Kitail pil kin pilehu kehnda ansou me kitail kin kilengwei mas liki oh rapahki pwe kitail en sewese tohn peneinei kan oh mehteikan pahn pil alehdi soahngen popohlo oh meleileio.
Ni Alma ah wia pwutak pwulopwul men, E rapahki soangen peren koaros me uhwong rongamwahu en Sises Krais. Mwurin tohnlengo ah kauhdio, wen ansou ieu e uhdihsang “me katiko” ong “me mwahu” sang ni koluhla “kereniong en mehla” (Mosia 27:28) ahpw sapwellimen Sounkomouro kalahngan me inenen laud. Mwurin sounpar kei, Alma koasoiahiong nah pwutak Helaman dahme wiawihiongehro:
“Oh ia uwen peren, oh uwen marain kapwuriamwei me I kilangada; ei, palingeniet direkihla peren kowahlap duwehte ei medeko! …
“Ei, oh sang ahnsouo kohdo lel met, I wiewia doadoahk sohte uhdi, pwe I en kak sowese aramas en koluhla; pwe I en kak sowese irail en iang song peren kowahlap me I songehr. …
“Ei, oh met kilang, samwa, Kauno ketikiong ie peren mehlel nan pweidahn wahn ei doadoahk kan;
“Pwehki mahseno [rongamwahu en Sises Krais] me e ketikiong ie, kilang, tohto me pil ipwisang rehn Koht, oh songehr duwehte dahme I songehr” (Alma 36:20, 24–26).
Ekei ansou, Alma kin kadehde:
“Met iei ei kaping, me I en kak wia mehn doadoahk nin limen Koht ong wahdo ekei aramas en koluhla; oh met iei ei peren.
“Oh kilang, ahnsou me I kilang riei me tohto kohluhla mehlel, oh kohdo rehn Kauno arail Koht, eri palingeniet ahpw direkihla peren” (Alma 29:9–10).
Alma kolahr pwehn kalohkiwei popohl laud me e kin kehnda ansou me mehteikan kin wahdo aramas akan rehn Krais:
“Ahpw I sohte kin popohl kihte pein ahi pweida, ahpw I kin direkihla popohl pwehki pweidahn riei ohl akan [nein Mosia pwutak kan], me iang kohla nan sapwen Nipahi.
“Kilang, irail wia doadoahk laud, oh kapwarehda wah tohto; oh iauwen pahn laud en pweinarail!
“Met, ni ahi kin medewe pweidahn riei ohl akan pali ngeniet kin kolahsangie, duwehte e torohrla sang palinwereiet, iei uwen laud en popohl me I ahneki” (Alma 29:14–16).
Kitail kak diar soangen popohlohte ma kitail poakohng mehteikan ki “limpoak en Krais” (Moroni 7:47; pil kilang ire tikitik 48, ehukihwei kopwurpwurdohn me mehlelo ong irail, oh luke irail en patehng aramas en inou kan.
Oh Maing Sahm, sang Simon Dewey
Popohl nan pwungen Kahpwal
Kitail sohte pahn masak kahpwal de kasongsong kan me kitail kin sosohpai nan mour wet kak kauhdi de kawehla atail popohl. Alma kin pereniki sewese mehteikan me karehda arail poakpoake. E lokolok nan kalapwuhs, duhpengki men mwenge men nimpil, kamakam, kahpwal tohto nan ah mour, re kin kepitki oh sohte men kasamwoh. Ahpw, mepwukat koaros “wekidekiong ni popohl en Krais” (Alma 31:38). Mwein ahn Alma kahpwal akan me karehda ah popohl ah udahn laudla mehlel.
Preseden Nelson kataman kin kitail me popohlo kohsang ni sapwellimen (Hebrews 12:2).
Medewe ireo! Pwehn kak kanengamahieng lokokol me keieu kamedek pohn sampah, atail Soundoro medemedewehte popohl
“Oh soangen popohl dah me kaunopdahr ong Ih? Mehlel e iangahki peren en kamwakele, kamwahuiala, oh kakehlakahla kitail; peren en pwainla dipen koaros me pahn koluhla; peren me pahn kahrehda kitail en kak pwurala reh—mwakelekel oh warohng—momour rehn atail Nohno oh Pahpa Nanleng oh peneinei kan.
Ma kitail pahn medemedewe peren me pahn kohdohng kitail, de irail me kitail poakohng, dahme kitail pahn kanengamah loale me met mwomwen kahpwal, kamedek, kamasepwehk, sapahrek, de mwomwen apwal en powehdi?”2
Popohl tengeteng kin kohsang ni tengetengedi nan rongamwahu en Sises Krais oh sewese mehteikan en pil wia duwehte. Popohl soutuko kohdo ansou me kitail kin ehu ong limpoak en Koht, peikiong Sapwellime kosonned akan oh alehda kalahngan en Sounkomouro. Nan ahl en rongamwahuo, mie popohl nan seiloako me duwehte popohl ni imwilao. Rongamwahu en Sises Krais iei ahl en kowohng popohl rahn koaros.
© 2024 sang Intellectual Reserve, Inc. Kolokol pwuhng koaros. Intingda nan USA. Kamanaman ohng ni lokaiahn Wai: 6/19. Kamanaman ohng kawehwe: 6/19. Kawehwepen Monthly Liahona Message, February 2024. Language. 19276 885