“Falfalaen’ ni manemus ko Par ko Gospel,” Liahona, February 2024.
Gubin e pul Liahona Fulweg e thin, February 2024
Falfalaen’ ni manemus ko Par ko Gospel
Falfalaen’ ni manemus e ra’i yib nifa’anra gadadra athamgil u lane fare gospel ku Yesus Kristus mikagdad ayuweg boch e gidi’ ngar rin’ed ni ta’aborgon.
Fare Mil’ay u Eden, nike yoloey Grant Romney Clawson; Chuwgow ko fare Mil’ay u Eden, nike yoloey Joseph Brickey
Rogon kan’owangin e yofas rodad e gadra patnga’ u lane sensey ku Lehi ni’i fil mornga’agen ea yofas rodad u so’omon uroey u fayleng. U lane fare Mil’ay u Edan, ma Adam nge Eve e ur pirew ni da’anra ningew e tin nib kired ko tin nib fal’. Fa’anra pirew ni amorgon, ma dabra ningew “[e] falfalaen’, nibochane da’anra ningew e mo’owear; nge ngongal nib kireb, nge denen” (2 Nephi 2:23). Ni aram, ni yoeg Lehi, “Adam e mul ni nge sum e gidii’; ere gidii’ e bay, ni nge yog e falfalaen’ ngoraed” (2 Nephi 2:25; see also Moses 5:10–11).
Ni bochane kad ilal gad u lane fayleng nike mul, kad filed e tin nib thil ko fal’ nge tagan ko tin nikan fil ngodad nge tin nikad dared u fathik. Gadad “nnri’ lemen e mugunin, ni ngeyag ni [ngad] nanged fal’ngin e tin nib fel’.”(Moses 6:55). Falfalaen’ e ra yib ni fa’anra gadra digey e tin nib mo’oy binen’ migdad chuguliyed ngad tel pa’dad ko tin nib fel’.
Leak e Falfalaen’
Nibochan e fal’ngin e adag rok ngodad, Chitamangdad nu Tharmiy e ribadag ninge dag rogon e falfalaen’ rok ngodad, ko chiney nge tinni manemus. Iraram e tinni mo’onog u woen’ ko gubin binen’ ko so’omon, ni kube un fare plan rok, nge maligach ni ta’ fare Pagal ni Fak nikari mus rok ninge tabuyuliy dad.
Got e darma pii’gelngin e falfalaen’ ngak e picha’an ni dabumrad, machane rayog ninge fil rogon ningad pat gad nga’. Ma kube fil ngodad ko gin nidabda pat gad nga’—“tin tagan [e ridabiyog e] falfalaen’ e chiney ngay nge manemus” (Alma 41:10). Bay ko pii motochiyal rok e Chitamangdad nu Tharmiy e rogon ko kanawo’en e falfalaen’.
President Russell M. Nelson e ke yoeg ni arogon:
“Baʼaray e tin nib riyulʼ ni morngaʼagen e renʼey: Bayi dag e fayleng gelingin, tin nibay rokʼ, tin nib sug rokʼ, nge rogon e falfalaenʼ, machane dariy rokʼ! Ya dabiyag rokʼ! Nʼen nibe dag e bugi banʼen nibe yonʼ lon e “falfalaenʼ ni dariy nʼumngin” ko [piʼin] ni yaed “mafol ko fapi motochiyel rokʼ Got.’ [Mosiah 2:41].
“Rib riyulʼ ni ba gel e magaf ni ngan gay e falfalaenʼ u biyang ni dabiyag ni ngan pireʼeg riy! Ma faʼanra, gara fek nga dakenem fare yok rokʼ Yesus Kristus mag rrinʼ e muruwel nib thothup ningam gel ko fayleng, ma ir, ni karimus ni ir, e bay gelingin nra chubiyem ngalang ko biney e fayleng.”1
Machane, falfalaen’ ni manemus ea ran pat ngay nifa’anra ni tay michlaen fapi motochiyal ku Got, fare motochiyal ku Got niran pat ngay u lan fare gospel ku Yesus Kristus. Machane gadra dugliy e tafney rodad. Fa’anra gadra mo’owar ko motochiyal, mu kura yoeg ningad chaelgad u bu’ut, ni’ag e tin nib mo’oy, migad lakaed e tin nib fel’. Adag ko an Ga’ e da’anma ning e denen—ra woed niyibe iring ko motochiyal nima dugliy ea tagan nge fel’ —machane fare bayul ni ta’ ea, Yesus Kristus ra na’ag e denen rodad:
“Amulek … ya ke yoeg … ngakʼ ni fare Somoel e rriyulʼ ni ra yib ni nge bayuliy e gidiiʼ rokʼ, ma gathi nge yib ni nge bayuliyraed nga fithikʼ e pi denen roraed, ya nge bayuliy ko pi denen roraed.
“Ma bay e gelingin rokʼ ni ke piiʼ e en Chitamangiy ni nge bayuliyraed u fithikʼ e pi denen roraed ni bachan e kalngaenʼ; ere ke lʼoeg e pi angel rokʼ ni ngar weliyed morngaʼagen rogon e kalngaenʼ, niʼir e ma yib nag gelingin fare Tabiyul, ni nge thapegraed ni poloʼ.” (Helaman 5:10–11; nikan uneg ngay).
Yesus e ga’ar:
“Fa’an gimed ra fol ko tin kug ning chiylen ngomed, ma gimed ra par ni gimed ba t’uf rog; ni bod rogon ni kug fol ko tin ni ning e Chitamag chiylen ngog gu be par ni ku gub t’uf rok.
“Kugog e re bugithin ney ngomed ni bochan e nge par e falflaen’rog u fithik’ i lanin’med, nge yan i mus ngarogon e falflaen’romed.”(John 15:10–11).
Iraray e nen’ni yoeg Lehi ko mornga’agen e lik’ay rok napani ri’lamen mam’ngin logwaen fare gak’iy ko yofas—Nibe yip’fan fare adag rok Got. Me yoeg, “Ma faʼan guwaʼ fare waʼamngin mar gu falfalaenʼ ni rib gel” (1 Nephi 8:12; ma kumguy u 11:21–23).
Lehi e ke dag reb wo’en ningad pir’eged e falfalaen’ u lane yofas rodad ko thin ni yoeg ni ga’ar, “ere gu tabab i athapeg ni nge [kay] chon e tabinaew rog boech” (1 Nephi 8:12).
Gak’iy ko Yofas, nike yoloey Kazuto Uota
Ayuweg Boch e Girdi’ Ngeyog ea Falfalaen’ Ngorad
Woed Gidi’en fare pilung ku Benjamin niga’ar, magmad ba “sug ko falfalaen’”napani ku thamiyed ko yofas romad nikan na’ag ea denen romad “yibe gapas nga wan’mad” (Mosiah 4:3). Gadra thamiy biyay nifa’anra gadra sap ngowan ngad ayuweged e gothon e tabinaw rodad nge gidi’ ni yo’or ngar pat gad ko falfalaen’ nge gapas.
Napan’ nikab fal’yangren, Alma e gay e falfalaen’ ko ginni da’ani moey e gospel ku Yesus Kristus riy. Tomuren angel ke non ngak, ke yean ko “fare marat” nga “fare mangil” ko kalngan’uy “chochogur ko yim” (Mosiah 27:28) nge fare munguy rok fare Tathapeg. Yan urngin e duw ngamo’on, me ga’ar Alma ngak fak Helaman:
“Ere, o mang falfalaenʼ, nge mang tamilang e ray ni rib felʼ ni kug guy; arragon, laninʼug e kari sug ko falfalaenʼ nib gel ni woed fini gel e amith nug tay! …
“Arragon, ma ngiyalʼ innʼem nge madaʼ ko chiney, e kug muruwel ni dagur tal, ni gomanga yog nug miliy e gidiiʼ iyaen ko kalngaenʼ; ni gomanga yog ni ngug wawliyraed ngar nanged falʼngin fare falfalaenʼ ni kug thamiy; ni nge yog nra piiʼed yaed ku Got, mar sug gaed ko fare Kan ni Thothup. …
“Arragon, nge chiney e musap, O fakag, fare Somoel e ke piiʼ e falfalaenʼ ngog ni rib gel u daken waʼamngin e pi muruwel rog;
“Ya bachan fare thin [fare gospel ku Yesus Kristus] ni ke tamilang nag ngog, ere musap, boʼor e gidiiʼ ni kar piiʼed yaed ku Got, ma kar riiʼed lamen ni boed ni kug riiʼ lamen” (Alma 36:20, 24–26).
Ma kubay bingiyal’, ni ga’ar Alma:
“Ireray e ʼuf rog, ni sana rayog ni nggu mang talin e muruwel u lan paʼ Got ni nggu fek boech e gidiiʼ iyib ko kalngaenʼ; ma biney ea flaen’ rog.
“Ma musap gaed, napʼan nug guy nib yoʼor i walageg ni riyulʼ ni kar kalgaed ngaenʼraed, marbaed ngakʼ fare Somoel ni Got roraed, ma arame risug dugreg ko falfalaen” (Alma 29:9–10).
Alma e weliy ko yo’or ko gelngin e falfalaen’ ni tay ko urngin e gidi’ ni’un fekrad ngar uned ngak Kristus:
“Machane dagur falfalaenʼ ko muruwel rog ni ke muguʼul ni yigoʼ gag ngay, ya kar gu falfalaenʼ ni bachan e ke muguʼul e muruwel rokʼ pi walageg, ni yaed e kuʼur moyed ko fare binaw ku Nephi.
“Musap gaed, kar muruwel gaed ni rib gel, ma kar yog niged boʼor e waʼamngin; ere rib felʼ e tawaʼath roraed!
“Chiney, e napʼan ni gura lemnag e muruwel rokʼ pi walageg ni muguʼul ma yaʼel rog e arame kan fek iyaen, nge yaeni madaʼ ko ngiyalʼ ni ke kiiʼ ko dagur, nrogon niʼ immoy, ere rib gel e falfalaenʼ rog” (Alma 29:14–16).
Ta’abergon reb e falfalaen’ niran patngay nifa’anra gadra adag e gubin e gidii’ “niwoed ea adag nidari’ kirebngin rok Krisus” (Moroni 7:47; muguy u verse 48), mag share nag sulweg e yulyul’ ngorad mag pining urngin ninge un ko fare ma’ag.
O Chitamangig,, yib rok Simon Dewey
Magawon ku Joy Amidst
Dabni rus ko magawon nira yib nifa’anra nge kireb nag e falfalaen’ me pii’ e gafgow ni yo’or. Alma e kad guyed ni yib e gafgow ngak ni almarin ko pii’ ayuw rok ngak urngin. Kalbus nag, yib e mak’iy nge balael’ ngak ni almarin, nin li’, ma’un kireng e murus ngak, ma da’un mital ngak. Ya ke mʼay “u dakean e falfalaenʼ roraed ngakʼ Kristus.” (Alma 31:38). Machane gafgow ku Alma e ii yib ea falfalaen’ riy nib ga’yang.
President Nelson e poguwran ngodad ni falfalaen’ e bay ko ngongalan e gafgow ni tay Somoel—“ko fare falfalaen’ ni ke guy [Ke] athamgil u dakean e kruth” (Hebrews 12:2).
“Mu lemniged ea binem! Fan ni nge athamgily fabin th’abi gel e amiith ni kan thaniy u dakean e fayleng, ma Tabiyul rodaed e lem nag e flaen’!
“Ma mang fare flaen’ ni kan tay nga p’oewchen? Arrogon ni binem ea falflaen’ ni nge bi’ech nagdaed, nge gol nag daed, nge gel nagdaed; fare falflaen’ ni nge pii’ pulwon e denen ko gubin ni ra kalngaen; fare falflaen’ ni nge yog nag ni ngad suled nga tharmiy- ni gadaed ba bi’ech nge mat’aw—ni ngad pired ko Galibthir nu Tharmiy nge pi chongin ea tabinaw.
“Fa’anra gadra sap ko falfalaen ni rayib ngodad, fa yib ko girdi’en dad nigad ba’adag, ma mang e bay ni dabiyog ningad athamgil gad riy, amid, tin tamdag, tin da’ani fair fa kotin ni dabiyog?”2
Falfalaen’ ni manemus e ra’i yib nifa’anra gadadra athamgil u lane fare gospel ku Yesus Kristus mikagdad ayuweg boch e gidi’ ngar rin’ed ni ta’aborgon. Falfalaen’ ni manemus ea rayib nifa’anra gadra un ko adag rok Got, ta’ fan ea motochiyal rok ngeyog ea murnguy ku Somoel ngodad. U lane kanawo’ ko gospel, bay falfalaen’ u lukngun e malekag nge tomuran. Fare gospel ku Yesus Kristus ea kanowa’en e falfalaen’ ko gubin e rran.
© 2024 ko Intellectual Reserve, Inc. Gubin ni mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Piliyeg ko Gubin e pul e ma yib e thin ko fare Liahona, February 2024. Language. 19276 905